Hechos 19:13 - El Nuevo Testamento

¹³ Ko kaxin ni judío bakaji na̱ ko tjaun na̱ tsantsje na̱ espíritue Xixronꞌanxrée ko jeꞌe na̱ jeꞌo ncheyeꞌe na̱ chujni ixi tjaun na̱ xronichja na̱ ixi juachaxien ndo Jesús. Ko bandache na̱ espíritue Xixronꞌanxrée: ―Juachaxien ndo Jesús, ndo tjako ndo Pablo, tetuanꞌanna jaꞌa espíritue Xixronꞌanxrée tachrjexian ntiꞌi.

Hechos 19:13 ပူးပေါင်းရင်းမြစ်များ

Mateo 12:27

Ko jaꞌanta ndachronta ixi janꞌan tantsje espíritu tikinixinꞌen Xixronꞌanxrée ixi jeꞌe xa chjána xa juachaxin. Siá nduaxin meꞌe, ¿ngisen tajon juachaxin ngajin ni ruaꞌanta ixi jeꞌe na̱ tantsje na̱ kaxon espíritue Xixronꞌanxrée? Ni ruaꞌanta meꞌe tjakoxin na̱ ixi jaꞌanta noaꞌinta ngeꞌe nichjanta.

Mateo 26:63

Ko ndo Jesús nichjaꞌi ndo. Ko ndachro xitaana ícha tetuanꞌan: ―Janꞌan tituanꞌan ixi nombrée ndo Dio, ndo jichón, ixi xrondachijiana, ¿á jaꞌa ndo Cristo, Chjenꞌen ndo Dio?

Marcos 5:7

ko séen kuyako xa: ―¿Sonda nchexronkana Jesús, chjenꞌen ndo Dio jii ngajní? Janꞌan tjaunꞌa sinchexronkana.

Marcos 9:38

Ko ndo Juan ndachro ndo: ―Maestro, bikona naa ngisen tantsje espíritue Xixronꞌanxrée ixi juachaxiannta. Ko ntatjanna sen meꞌe í sincheꞌa sen jaña ixi jeꞌe sen chrjikuiꞌana sen.

San Lucas 11:19

Ko siá jaña xrokjui, ¿ngisen chjée ni chrjikuꞌu jaꞌanta juachaxin tsantsje na̱ espíritu ñaꞌi? Méxin, jeꞌe na̱ xrondachro na̱ ndakoꞌa jii ngeꞌe stexraxaonnta.

San Lucas 9:49

Ko tjumeꞌe ndo Juan ndache ndo ndo Jesús: ―Maestro, janꞌanna bikona naa xi ixi juachaxiannta jitantsje xa espíritue Xixronꞌanxrée; ko janꞌanna ntatjanna xa ixi ísincheꞌa xa jaña, ixi jeꞌe xa chrjikoꞌiana xa.

Hechos 19:14

Jaña bancheꞌe ya̱a̱to̱ chjenꞌen naa xi judío ndatinꞌin Esceba, xitaana tetuanꞌan.

2 Corintios 11:4

Ixi siá tsi̱i̱ xrojan ngisen tjako inaa ndo Cristo, ko inaa espíritu ko inaa chijni ti jeꞌa juako janꞌanna, jaꞌanta tintuꞌenta ni meꞌe ncheꞌe na̱ ti tjaun na̱ ko meꞌe jaꞌanta ntaꞌanta juaxruxin.