Hechos 18:4 - El Nuevo Testamento

⁴ Ko kain nchakon tjokéꞌe ni judío, ndo Pablo bakji ndo niꞌngo nichjeꞌe ndo ni judío ko ni jeꞌa judío ixi tjaun ndo kain na̱ tsitikaon na̱ Ncháina.

Hechos 18:4 ပူးပေါင်းရင်းမြစ်များ

San Lucas 16:31

Tjumeꞌe ndachro ndo Abraham: “Siá tjaunꞌa na̱ tsitikaon na̱ chijnie Ndo Dio tsikayéꞌe ndo Moisés jitaxin xroon ko ti tsichronga kain sen profeta, maski tsikon na̱ naa chujni ndakuenꞌen ko xroxechón chujni, tsitikaonꞌa na̱ kaxon.”

San Lucas 4:16

Ko tjumeꞌe ndo Jesús sakjui ndo tjajna Nazaret, ti no bangíxin ndo. Ko nchakon sábado tjokéꞌe na̱, kuixinꞌin ndo ningue ni israelita ixi jaña kuancheꞌe ndo. Ko bingatjen ndo Jesús ixi sinchekuanxin ndo ti jitaxin xroon chijnie ndo Dio.

San Juan 7:35

Ko ni judío juangíxin na̱ juanchangiꞌe kichuu na̱: ―¿No satsji xa ixi juaꞌi tsitjana xa? ¿Á tsji xa ngajin ni judío stekjenꞌen ngajin ni nichja ngigua griego ixi sinchekuenꞌen xa na̱ ntiꞌa?

Hechos 13:14

Tjumeꞌe sajuixin ndo Pablo ko ndo Bernabé tjajna Perge ko kuiji sen tjajna Antioquía tjenka tjajna Pisidia. Ko nchakon tjokéꞌe sen kuixinꞌin sen ningue ni judío ko ntiꞌa bakeꞌe sen.

Hechos 14:1

Tjumeꞌe kuiji ndo Pablo ko ndo Bernabé tjajna Iconio ko kuixinꞌin sen ningue sen judío ko ntiꞌa juinchekuenꞌen sen chujni. Ko itsjé sen judío ko sen jeꞌa judío kuitikaon sen.

Hechos 17:11

Ko ni judío ntiꞌa ícha jian ncheꞌe na̱ ixi ni tjajna Tesalónica. Ko ícha juincheꞌe na̱ juaxruxin kuinꞌen na̱ chijnie ndo Dio ko ngujngu nchakon nchekuanxin na̱ xroon chijnie ndo Dio ixi tsonoꞌe na̱ á nduaxin ti juakoꞌe na̱ sen.

Hechos 17:17

Ko niꞌngo judío ntiꞌa juako ndo ngajin kaxin ni judío ko ikaxin na̱ chúxin na̱ ndo Dio, ko kain nchakon bakeꞌe ndo ti ntaasin, juakoꞌe ndo ni jii ntiꞌa.

Hechos 18:13

Ko ndache na̱ xi tetuanꞌan: ―Xi jiꞌi ichrji xa nchekateya xa chujni ixi tjaun xa jée xronichjexin na̱ ndo Dio, jeꞌa xranchi ndachro ley.

Hechos 18:19

Nchakon kuiji sen tjajna Éfeso kuintuꞌe ndo Pablo jan Priscila ko ndo Aquila ko sakjui ndo naa niꞌngo ko juao ndo ni judío tsixraꞌo ntiꞌa.

Hechos 19:26

Ko xranchi tikonnta ko tinꞌennta ixi xi Pablo tjako xa ixi ídolo nchéñana jeꞌa dio. Ko jaña ndache xa itsjé chujni ko jeꞌa jeꞌo ntiꞌi tjajna Éfeso, kaxon nguixin nunte Asia.

Hechos 19:8

Ko níi nchanitjao, ndo Pablo bakeꞌe ndo niꞌngo judío ntiꞌa ko bajako ndo ko baxronkaꞌi ndo. Ko nichjeꞌe ndo sen ko jian banchekuenꞌen ndo na̱ xranchi jii juachaxin tetuanꞌan ndo Dio.

Hechos 26:28

Juateꞌe xi Agripa ko ndachro xa: ―Bananchichjaon ko janꞌan kaxon xrokuitikaꞌon xi Jesús.

Hechos 28:23

Tjumeꞌe bakeꞌe na̱ naa nchakon tsinꞌen na̱ ngeꞌe tjako ndo Pablo ko nchakon meꞌe xraꞌo kueya na̱ ti nchia bakeꞌe ndo ko ndúyo xrangíxixión nichja ndo hasta ti kóndo. Meꞌe nichja ndo xranchi jii juachaxin tetuanꞌan ndo Dio. Nichjeꞌe ndo na̱ ixi tsitikaon na̱ ndo Jesús, ko juakoxin ndo ixi ley kuajon ndo Moisés ko ti tsikjin sen kuachronga chijnie ndo Dio ó saꞌó.

Hechos 9:20

Ko tjumeꞌe juangíxin ndo Saulo juako ndo ngaxinꞌin niꞌngo Israel ixi ndo Jesús, Chjenꞌen ndo Dio.

2 Corintios 5:11

Ko jai̱na ó noi̱na ixi xrokonda xrochondeꞌena ndo Dio juasaya, méxin ndachena chujni chijnie ndo ixi jaña jeꞌe na̱ tsitikaon na̱ ndo kaxon. Ko ndo Dio ó chuxinna ndo ko kaxon jaꞌanta tjaꞌonna jian tsichuxinninta.