Hechos 17:5 - El Nuevo Testamento

⁵ Ko ikaxin ni judío kuitikaonꞌa na̱ ngeꞌe nichja ndo Pablo ko tsango kochjio na̱ meꞌe juée na̱ kaxin xi ñaꞌi, xi naiꞌa ncheꞌe xra̱ ko juinchekateya na̱ ni tjajna. Tjumeꞌe kuixinꞌin na̱ ndoꞌa naa xi ndatinꞌin Jasón ixi chrjitjée na̱ ndo Pablo ko ndo Silas ko tjaun na̱ tsikaan na̱ sen ti jii ni tetuanꞌan.

Hechos 17:5 ပူးပေါင်းရင်းမြစ်များ

Mateo 27:18

Ko xi Pilato noꞌe xa ixi tsango tochjuyeꞌe na̱ ngajin ndo Jesús, méxin tjaun na̱ tsenꞌen ndo.

Hechos 13:45

Ko bikon ni judío ixi kueya na̱ tsixraꞌo na̱, ko tsango kochjio na̱, tjumeꞌe kaxin na̱ nichjangíꞌe na̱ ndo Pablo.

Hechos 14:19

Tjumeꞌe kui̱i̱ kaxin ni judío kui̱xi̱n tjajna Antioquía ko tjajna Iconio. Nichjeꞌe na̱ ni ste ntiꞌa ixi tsintuꞌe na̱ ti ngeꞌe tjako ndo Pablo ko ndo Bernabé, méxin kuaxi na̱ ixro ndo Pablo. Ko xraxaon na̱ kuenꞌen ndo, meꞌe bingakjin na̱ ndo ngandeꞌe tjajna.

Hechos 14:2

Tjumeꞌe kaxin ni judío, ni kuitikaonꞌa, kuaxi na̱ kuajon na̱ chijni ngajin ikaxin ni jeꞌa judío ixi xronichjangíꞌe na̱ ndo Pablo ko ndo Bernabé.

Hechos 17:13

Ko ni judío tjajna Tesalónica konoꞌe na̱ ixi ndo Pablo juako ndo chijnie ndo Dio tjajna Berea ko sakjui na̱ ntiꞌa ko juinchekateya na̱ ni ntiꞌa.

Hechos 17:6

Ko kuitjaꞌi na̱ sen meꞌe itsé na̱ xi Jasón ko ikaxin sen titikaon Ncháina ko bingakjin na̱ sen sabikao na̱ sen ti jii xi tetuanꞌan tjajna ntiꞌa. Ko kuintee na̱ ko kuyako na̱ ko ndachro na̱: ―Ni jiꞌi juincheyeꞌe na̱ chujni nchijíi nunte ko jai ó kui̱i̱ na̱ tjajnai̱na ntiꞌi.

Hechos 17:7

Xi Jasón kuajon xa juachaxin ixi kuituꞌe na̱ ndoꞌa xa. Kain ni jiꞌin titikaonꞌa na̱ ley tetuanꞌan xi romano ko ndachro na̱ ixi jii inaa ngisen ícha tetuanꞌan ndatinꞌin Jesús.

Hechos 17:9

Ko xi Jasón ko sen titikaon Ncháina juenga sen ꞌna̱ méxin xi tetuanꞌan kuintuꞌe xa sakjui sen.

Hechos 18:12

Nchakon baketuanꞌan xi Galión nunte Acaya, itsjé ni judío ningakonꞌen na̱ ndo Pablo ko bikao na̱ ndo ti ste xi tetuanꞌan.

Hechos 19:40

Xrokondaꞌi tsjakaxin kichuuna ko sincheketona chujni ixi ba̱ tsjangiina xi tetuanꞌan ixi ndakoꞌa stentuꞌuna.

Hechos 7:9

’Ko chjenꞌen ndo Jacob, sen kuachrjenixinna ó saꞌó, sen meꞌe kochjio sen ngajin xjan kichuu sen xjan José, ko juinchekji sen xjan ngajin kaxin xi, ko sabikao na̱ xjan tjajna Egipto, ko ndo Dio bingijna ndo xjan

Romanos 16:21

*Ndo Timoteo xruanꞌannta ndo juajna. Jeꞌe ndo ko janꞌan xrajeꞌo xra̱ stentaꞌana. Kaxon ndo Lucio ko ndo Jasón ko ndo Sosípater, sen tjajnána, xruanꞌannta sen juajna.

1 Corintios 3:3

ixi xrancheꞌenta xranchi ncheꞌe chujni nunte xasintajni. Xratochjuyaꞌanta ngeꞌe ncheꞌe ikaxin sen ko te̱to̱kuꞌu kichuunta. ¿Á jeꞌa meꞌe xrondachro ixi jaꞌanta xrancheꞌenta xranchi ncheꞌe ni nunte xasintajni?

2 Corintios 11:26

*Ikjín no kuaji. Tangi kuatsingatuꞌa ndajitinga, ko naa nchakon ngakona xicheꞌe. Kuatsinga itsjé juachjaon ngajin ni tjajnána ko kaxon ni jeꞌa tjajnána, ko kaxon ti bakji tjajna, ntajie ko ndachaon ko kaxon xrokóñana na̱, ni nduaxinꞌa titikaon Ncháina Jesucristo.

Gálatas 5:21

ko chjuyeꞌe na̱, ko ni naatóñaxón kichuu, ko ni kuan, ko ni tsango xengo, ko ikaxin ngeꞌe ncheꞌe na̱. Ko ó saꞌó ndachrja̱n ko jai íjngo ntatjunta ixi ngisen jaña ncheꞌe, sen meꞌe tsayéꞌa sen juachaxin tsakeꞌe sen ti no tetuanꞌan ndo Dio.

Gálatas 5:26

Xrokonda sinchejiéꞌa aséei̱na ko sincheñaoꞌa kichuuna ko tsochjuyeꞌana ngajin kaxin sen kichuuna.

1 Tesalonicenses 1:6

*Ko jaꞌanta juincheꞌenta xranchi juintaꞌa janꞌanna ko kaxon juincheꞌenta xranchi juincheꞌe Ncháina Jesucristo. Ko nchakon kuinꞌennta chijnie ndo Dio, ixi nchijíi asáanta kuitikaonnta ndo ko stenta juaxruxin ixi Espíritue ndo Dio bingijnanta maski kueya ngeꞌe tangi kuatsinganta.

Santiago 4:5

Á xraxaonnta ixi ti ngeꞌe ndachro xroon chijnie ndo Dio tjinteꞌa ixi jaꞌin ndachro: “Ixi Espíritue ndo Dio kuayeꞌena meꞌe xrondachro ixi jeꞌo ngajin ndo xrochuntiana.”