Hechos 17:24 - El Nuevo Testamento

²⁴ *’Ndo Dio meꞌe juinchéña ndo nunte xasintajni ko kain ngeꞌe jii ngataꞌa nunte. Jeꞌe ndo meꞌe Nchée ngajní ko nunte ntiꞌi. Ndo Dio jiꞌa ndo ngaxinꞌin naa niꞌngo tsikonchjianxin itja chujni.

Hechos 17:24 ပူးပေါင်းရင်းမြစ်များ

Mateo 11:25

Hora meꞌe ndo Jesús nichja ndo ngajin Ndotée ndo ko jaꞌin ndachro ndo: ―Ndotána, tjáꞌanta juasiana, Nchée ngajní ko nunte xasintajni, ixi jaꞌanta kueméꞌenta chujni tsango noꞌe ko ni tsango tsikangi xroon, ko juinchekueꞌennta kain jiꞌi ngajin sen nchejiéꞌa aséen.

Mateo 5:34

*Ko janꞌan ndachrja̱n ixi juaꞌi tsakéenta ndo Dio ko ncheꞌanta ti ndachronta o̱ ngixeꞌi naa ngeꞌe ti jii ngajní ixi ngajní meꞌe ntaxitueen ndo Dio, ti tetuanxin ndo.

San Lucas 10:21

Ko hora meꞌe Espíritue ndo Dio kuajon ngajin ndo Jesús juaxruxin ko chéꞌe ndo nichjeꞌe ndo ndotée ndo jii ngajní ko ndachro ndo: ―Tajon juasaya ngajin jaꞌanta Ndotána, Nchée nunte ko ngajní, ixi kuajonnta juachaxin ixi ngisen noeꞌa xrokuienxin na̱ ngeꞌe kondee ngajní ko juinchenoeꞌanta ni tsango noꞌe ko ni tsango tienxin. Jaña, juincheꞌe jaꞌanta Ndotána ixi jaña tjaunnta.

San Juan 1:1

Ti xrangíxixín xrakoꞌa nunte xasintajni ó jii chijni ko chijni meꞌe ndo Cristo, ko jeꞌe ndo bakekao ndo ndo Dio ko jeꞌe ndo ndo Dio ndo.

Hechos 14:15

―¿Sonda ncheꞌenta jiꞌi? Janꞌanna chujnina xranchi jaꞌanta. Janꞌanna juiꞌina ixi sintakuanꞌannta chijnie ndo Dio ko tintuꞌenta kain ngeꞌe xroꞌan tjintee ko ikjannta tsitikaonnta ndo Dio, ndo jichón. Jeꞌe ndo juinchéña ndo ngajní ko nunte xasintajni ko ndachaon ko kain ngeꞌe jii ngataon nche.

Hechos 4:24

Ko juexin kuinꞌen sen, meꞌe kain sen nichjeꞌe sen ndo Dio ko ndachro sen: ―Ncháina, jaꞌanta juinchekonchjiannta ngajní ko nunte xasintajni ko ndachaon ko kain ngeꞌe jii.

Hechos 7:48

Ko ndo Dio jii ngajní jiꞌa ndo ngaxinꞌin naa niꞌngo tsikonchjianxin itja chujni. Ndachro naa xi nichja chijnie ndo Dio:

Romanos 1:19

Jeꞌe na̱ ó noꞌe na̱ jian ixi chao xrochúxini ndo Dio ixi jeꞌe ndo juako ndo ngajin na̱ juachaxien ndo ixi juinchéña ndo kain ngeꞌe ngataꞌa nunte xasintajni.

Hebreos 1:2

Ko nchakon tsaxi tsjexixin kain ngeꞌe ndo Dio nichjaxin ndo Chjenꞌen ndo, xjan Jesucristo. Ndo Dio chjée ndo Jesucristo juachaxin juinchekonchjian ndo kain ngeꞌe jii xasintajni ko ngajní, ko jeꞌe ndo Jesucristo kuayéꞌe ndo juachaxin ixi tsetuanꞌan ndo kain ngeꞌe.

Hebreos 3:4

Ngujngu nchia xrojan chujni juinchekonchjian nchia, ko jeꞌe ndo Dio ixi juachaxien ndo konchjian kain ngeꞌe jii.

Apocalipsis 20:11

Ko bikon naa trono tjúá, tsango ijié ko ndo jitaꞌa trono. Ngajinxin ndo kuitjáña nunte xasintajni ko ngajní ko í xruanꞌan ngisen bikon.