Hechos 14:18 - El Nuevo Testamento

¹⁸ Maski jaña ichro ndo Pablo ko ndo Bernabé, jeꞌe na̱ titikaonꞌa na̱ ixi tjaun na̱ tsajon na̱ juasaya ngajin sen ko xrokóñeꞌe na̱ sen kuxinta.

Hechos 14:18 ပူးပေါင်းရင်းမြစ်များ

Mateo 13:15

Ixi aséen chujni jiꞌi tsango tsikoncha ko ndatsjon na̱ jijeꞌe̱ ko stejeꞌe̱ ikon na̱ ixi jaña juaꞌi tsikon na̱ ko juaꞌi tsinꞌen na̱, méxin, juaꞌi sintamaꞌa ti ndakoꞌa ncheꞌe na̱ ko juaꞌi sintaxruanꞌan na̱.

San Juan 6:15

Ko ndo Jesús konoꞌe ndo ixi tjaun na̱ xraxrobikao na̱ ndo xrojuinchéña na̱ ndo rey ixi xrokuetuanꞌan ndo. Ko jeꞌe ndo tjaunꞌa ndo jiꞌi ko jeꞌo ndo sakjui ndo ntajie íjngo, ko ntiꞌa bakeꞌe ndo.

Hechos 14:17

Ko ndo Dio juako ndo ixi jeꞌe ndo tetuanꞌan ndo ixi juinchéña ndo kain ngeꞌe jii. Jeꞌe ndo tetuanꞌan ndo ixi tsi̱i̱ ichrin, meꞌe tenga na̱ ko jian toñeꞌe na̱, ko kain nchakon jeꞌe ndo tajon ndo ngeꞌe sine na̱, ko jeꞌe ndo tajon ndo juachaxin juaxruxin ste na̱.

Hechos 14:19

Tjumeꞌe kui̱i̱ kaxin ni judío kui̱xi̱n tjajna Antioquía ko tjajna Iconio. Nichjeꞌe na̱ ni ste ntiꞌa ixi tsintuꞌe na̱ ti ngeꞌe tjako ndo Pablo ko ndo Bernabé, méxin kuaxi na̱ ixro ndo Pablo. Ko xraxaon na̱ kuenꞌen ndo, meꞌe bingakjin na̱ ndo ngandeꞌe tjajna.