Hechos 13:36 - El Nuevo Testamento

³⁶ Ko ndo David kuitikaon ndo xranchi tsiketuanꞌan ndo Dio nchakon bakeꞌe ndo ko tjumeꞌe kuenꞌen ndo ko tsixrabaa ndo, jaña kuaxrabaa ni tsikachrjenixinna ko renga cuerpoe ndo.

Hechos 13:36 ပူးပေါင်းရင်းမြစ်များ

Mateo 25:16

Ko xi kuayéꞌe naꞌó mil tomi juinchencheꞌe xa tomi xra̱ ko juacha xa íjngo naꞌó mil tomi.

San Juan 11:39

Ko kuetuanꞌan ndo Jesús: ―Tintjiannta ixro. Ko nchri Marta, nchrikichuu xi tsikenꞌen, ndachro nchra: ―Ncháina, já ó bakaxra ndo ixi chónda xa noó nchakon kuenꞌen xa.

Hechos 13:22

Tjumeꞌe ndo Dio kuantsjeꞌe ndo ndo Saúl ti ixra̱ rey kuachónda ndo ko ndo David kuayéꞌe ti xra̱ rey meꞌe. Ko ndachro ndo Dio: “Ó kuitja ndo David, chjenꞌen ndo Isaí. Jeꞌe ndo naa ngisen chjána jié juaxruxin ko titikaon ndo kain ngeꞌe tjaꞌon.”

Hechos 2:29

’Kichianna, chjánanta juachaxin xrondachrja̱n ixi ndo David, ndo kuachrjenixinna, tsikenꞌen ndo ko tsixrabaa ndo. Ko ti no tsixrabaa ndo xra jii ntiꞌi nchakon stena jai.

Hechos 20:27

Ixi ó juakoꞌanta kain ngeꞌe tjaun ndo Dio, ko ítitjáñaꞌi tsjáko xrojan ngeꞌe.

Hechos 7:60

Ko bakeꞌexin ntatuchiꞌin ndo ko séen nichja ndo: ―Ncháina Jesús, jaꞌanta tjankataꞌinta ijie̱ ngajin ni stetóñana. Jaña ichro ndo ko ndakuenꞌen ndo.

Hechos 8:1

Ndo Saulo naxrajeꞌo xraxaon ndo xranchi ni kóña ndo Esteban. Ko nchakon meꞌe juangíxin na̱ tóña na̱ sen titikaon ndo Jesús tjajna Jerusalén ko kain sen titikaon ndo Cristo kuaxi chjekeꞌe sen sakjui sen nchijíi nunte Judea ko nunte Samaria. Ko jeꞌo sen apóstol tsikincheꞌe ndo Jesús kuituꞌe sen Jerusalén.

1 Corintios 15:18

Siá nduaxinꞌa xechón ndo Cristo, kaxon sen kuitikaon ndo, sen kuenꞌen, kuitjáña sen ko jai naiꞌa xroxechón sen.

1 Corintios 15:6

Tjumeꞌe konoxin ndo ngajin quinientos sen kichuuna tsixraꞌo sen ko bikon sen ndo. Ko jai itsjé sen meꞌe xra ste sen, ko ikaxin sen ó tsikenꞌen sen.

1 Tesalonicenses 4:13

Kichuuna, tjaunꞌana ixi jaꞌanta tsonoaꞌinta ngeꞌe tsonꞌen chujni tsenꞌen. Tjaunꞌana ixi tsoniꞌe asáanta xranchi ni chuntiaꞌi ndo Dio.