Hechos 13:12 - El Nuevo Testamento

¹² Tjumeꞌe jaña bikon xi tetuanꞌan ngeꞌe konꞌen ko kuaxi kuitikaon xa Ncháina ixi bakeꞌe xa juaxruxin ti juako sen ngajin xa.

Hechos 13:12 ပူးပေါင်းရင်းမြစ်များ

Mateo 27:54

Ko xi centurión ko xi soldado jindaa ndo Jesús, bikon xa ixi kontengí nunte ko kain ngeꞌe konꞌen, tsango xronka xa, ko ndachro xa: ―Xi jiꞌi nduaxin Chjenꞌen ndo Dio.

San Lucas 4:22

Ko kain na̱ stetjao kichuu na̱ kondee xranchi jian jinichja ndo, ko xraxaon na̱ tsango chaxro ti ngeꞌe nichja ndo. Ko juanchangiꞌe kichuu na̱: ―¿Á jeꞌa xi jiꞌi chjenꞌen ndo José?

San Lucas 7:16

Ko nchakon bikon na̱ jaña konꞌen, kain na̱ tsango xronka na̱ ko juangíxin na̱ kuajon na̱ juasie na̱ ngajin ndo Dio ko ndachro na̱: ―Ndo Dio xruanꞌan ndo naa ndo nichja chijnie ndo, ndo meꞌe tsango chónda ndo juachaxin. Ko kaxon ndachro na̱: ―Ndo Dio kui̱i̱ ndo tsingijna ndo tjajnée ndo.

San Juan 7:46

Ko juateꞌe ni policía: ―Xroꞌan ngisen kuanichja xranchi nichja xi meꞌe.

Hechos 13:48

Tjumeꞌe kuinꞌen ni jeꞌa judío jiꞌin ko bakeꞌe na̱ juaxruxin ko ndachro na̱ ixi jian chijnie Ncháina Jesús. Tjumeꞌe kuaxi kuitikaon kain ni tikinixinꞌen xrochónda juachaxin tsechón kain nchakon.

Hechos 13:49

Ko jaña xrangíxin juinchekuenꞌen sen na̱ chijnie Ncháina nchijíi tjajna ntiꞌa.

Hechos 13:7

Ko xi meꞌe bakekao xa xi tetuanꞌan ndatinꞌin Sergio Paulo. Ko jeꞌe xi tetuanꞌan tsango jian xraxaon xa, meꞌe kuiyeꞌe xa ndo Bernabé ko ndo Saulo ixi jeꞌe xa tjaun xa tsinꞌen xa chijnie ndo Dio.

Hechos 13:8

Tjumeꞌe xi tuso, kaxon ndatinꞌin xa Elimas, ningakonꞌen xa sen tjako chijnie ndo Dio ixi tjaunꞌa xa ixi xi tetuanꞌan xrochuntia xa ndo Dio.

Hechos 15:35

Ko kaxon ndo Pablo ko ndo Bernabé kuituꞌe sen tjajna Antioquía. Jeꞌe sen ko ikaxin sen juako sen ko chronga sen chijnie Ncháina Jesús.

Hechos 15:36

Tjumeꞌe ndo Pablo nichjeꞌe ndo ndo Bernabé ko ndachro ndo: ―Ichjina titsjeꞌena sen kichuuna ti kain tjajna juakona chijnie ndo Dio ó saꞌó ixi tsonoi̱na xranchi ste sen ntiꞌa.

Hechos 18:12

Nchakon baketuanꞌan xi Galión nunte Acaya, itsjé ni judío ningakonꞌen na̱ ndo Pablo ko bikao na̱ ndo ti ste xi tetuanꞌan.

Hechos 19:10

Jaña bajako ndo yuu nano, ko kain ni bakeꞌe ntiꞌa nunte Asia kuinꞌen na̱ chijnie Ncháina Jesús, ni judío ko kaxon ni jeꞌa judío.

Hechos 19:20

Ko chijnie Ncháina Jesús ícha jitingangi ko tjakoxin ixi nduaxin chónda chijni ijié juachaxin.

Hechos 19:38

Ko siá xi Demetrio ko ni nchexrée xa tjankataꞌa na̱ ijie̱ xrojan ngisen jii ntiꞌi, méxin jii ni nchéña ijie̱, jeꞌe na̱ xrokuinꞌen na̱ ngeꞌe xrondachro xi Demetrio ko jaña sinchéña na̱ ijie̱.

Hechos 19:7

Ko sen xi meꞌe xranchi teyuu sen.

Hechos 28:7

Ko tjenka ntiꞌa jii nunteꞌe naa xi tetuanꞌan isla ndatinꞌin Publio. Xi meꞌe kuajon xa juachaxin kuituna̱na ndoꞌa xa ko kuajon xa juinena níi nchakon.

Hechos 6:10

Ko juaꞌi juacha na̱ ixi Espíritue ndo Dio kuanichjaxin ndo Esteban.

Hechos 8:25

Tjumeꞌe juexin chronga sen apóstol chijnie ndo Jesús, sakjui sen itsjé tjajna tikinixinꞌen nunte Samaria ko juinchekuenꞌen sen na̱ chijni tajon juachaxin tsechón aséen chujni. Ko tjumeꞌe ikjan sen tjajna Jerusalén.