Hechos 11:26 - El Nuevo Testamento

²⁶ Nchakon kuitja ndo ndo Saulo, sakjui sen tjajna Antioquía. Ko bakeꞌe sen ngajin sen titikaon Ncháina nchijíi naa nano ko juinchekuenꞌen sen itsjé chujni. Méxin ntiꞌa xrangíxixín kuiyeꞌe na̱ sen titikaon ndo Cristo: “sen Cristiano.”

Hechos 11:26 ပူးပေါင်းရင်းမြစ်များ

Mateo 28:19

*méxin, itjinta kain tjajna jii ngataꞌa nunte xasintajni ko nchekuenꞌennta kain chujni chijnina ixi jaña tsitikaonna na̱ kaxon. Ko ni tsitikaon, tikitéenta na̱ ixi juachaxien Ndotána ko nombrée Chjenꞌen ndo ko Espíritue ndo.

San Juan 2:2

Ni bakeꞌe kia nichjeꞌe na̱ ndo Jesús ko sen teyuu chrikao ndo xrokui̱i̱ sen kia meꞌe kaxon.

Hechos 1:15

Ko nchakon meꞌe, ndo Pedro bingatjen ndo ko bakeꞌexin tutée ndo ngusine ti ste sen titikaon Ncháina Jesús, jeꞌe sen xranchi naa ciento ko kán sen tsixraꞌo ntiꞌa. Tjumeꞌe ndachro ndo:

Hechos 11:20

Tjumeꞌe ikaxin sen titikaon Ncháina tsiki̱ꞌxi̱n sen tjajna Chipre ko kaxin sen tjajna Cirene sakjui sen tjajna Antioquía ko nchakon kuiji sen ntiꞌa juinchekuenꞌen sen ni jeꞌa judío chijni jian neꞌe Ncháina Jesucristo.

Hechos 11:22

Ko tjumeꞌe sen titikaon Ncháina Jesús tjajna Jerusalén kuinꞌen sen ngeꞌe tsikonꞌen tjajna Antioquía ko xruanꞌan sen ndo Bernabé ntiꞌa.

Hechos 11:27

Tjumeꞌe kaxin sen chronga sen chijnie ndo Dio sajuixin sen tjajna Jerusalén ko kuiji sen tjajna Antioquía.

Hechos 11:29

Ko tjumeꞌe sen titikaon Ncháina tjajna Antioquía xraxaon sen ixi jeꞌe sen tsingijna sen sen titikaon ndo Cristo jii nunte Judea. Ko ngujngu sen kuajon sen ngeꞌe kuachónda sen.

Hechos 14:20

Ko tjumeꞌe sen titikaon Ncháina Jesús xraꞌo sen ngandajin ndo Pablo ko jeꞌe ndo bingatjen ndo ko ikjan ndo tjajna ntiꞌa íjngo. Ko ndúyaxin sabikao ndo Pablo ndo Bernabé tjajna Derbe.

Hechos 14:22

Kain tjajna kuatsinga sen nichjeꞌe sen sen kuitikaon Ndo Jesús ko kuetuanꞌan sen ixi soji xrochuntia sen Ncháina ko ndachro sen ixi siá tsixinꞌinni ti tetuanꞌan ndo Dio, xrokonda tangi tsonꞌenni.

Hechos 14:23

Ko ngujngu niꞌngo kuincheꞌe sen ngisen tsetuenꞌen sen ti sen titikaon ndo Jesús ko nichjeꞌe sen ndo Dio ko juinchekatse ñao sen jinta ko tjumeꞌe ndache sen Ncháina ixi tsayakonꞌen ndo sen kuitikaon jeꞌe ndo.

Hechos 14:27

Ko nchakon kuiji sen tjajna Antioquía xraꞌo kain sen titikaon ndo Jesús ko kuaxi chronga ndo Pablo xranchi bingijna ndo Dio ngajin sen ko xranchi kuajon ndo Dio juachaxin sinchekuenꞌen sen ni jeꞌa judío ixi kaxon xrochuntia na̱ Ncháina Jesús.

Hechos 14:28

Ko ndo Pablo ko ndo Bernabé kuituꞌe sen ngajin sen titikaon Ncháina Jesús itsjé nchakon.

Hechos 18:27

Tjumeꞌe nchakon tjaun ndo Apolos satsji ndo nunte Acaya, sen kichuuna bingijna sen ndo ko ikjin sen naa xroon ngajin sen titikaon Ncháina ste ntiꞌa ixi xrokuayéꞌe sen ndo jian. Ko nchakon kuiji ndo nunte Acaya bingijna ndo ngajin sen ixi juasie ndo Dio ó tsikitikaon sen.

Hechos 19:9

Ko kaxin na̱ tsango icha aséen na̱ ko tjaunꞌa na̱ tsitikaon na̱ Ncháina Jesús ko chaxroꞌa kuanichja na̱ ixi chijnie Ncháina ngajin kain chujni. Tjumeꞌe ndo Pablo kuachrjendáa ndo ko sabikao ndo sen titikaon chijnie Ncháina ko kain nchakon bajako ndo ti jii naa escuela ndatinꞌin Tiranno.

Hechos 20:1

Nchakon juexin kain jiꞌin, tjumeꞌe ndo Pablo kuiyeꞌe ndo kain sen titikaon Ncháina Jesús ntiꞌa ko ndachro ndo kaxin chijni ixi ícha xrochuntia sen Ncháina ko tjumeꞌe sakjui ndo no nunte Macedonia.

Hechos 20:30

Ko kaxin na̱ ste na̱ ngakjenꞌennta sincheya na̱ ko jaña sen niꞌngo xroruéꞌe sen na̱ ko ítsitikaonꞌa sen Ncháina.

Hechos 21:4

Ko kuitjána sen titikaon Ncháina ko ntiꞌa kuituna̱na ngajin sen ya̱a̱to̱ nchakon. Ko Espíritue ndo Dio juinchenoꞌe sen ixi xrondache sen ndo Pablo satsjiꞌa ndo tjajna Jerusalén.

Hechos 26:28

Juateꞌe xi Agripa ko ndachro xa: ―Bananchichjaon ko janꞌan kaxon xrokuitikaꞌon xi Jesús.

Hechos 6:1

Nchakon meꞌe ícha konkueya sen titikaon Ncháina Jesús. Tjumeꞌe sen nichja ngigua griego bajakaxin sen ngajin sen nichja ngigua hebreo. Ndachro sen ixi nchri kaꞌan tjajnée sen griego tayéꞌa nchra itsjé ngeꞌe tonchjeya sen sine nchra ngujngu nchakon.

Hechos 6:5

Kain sen kuinꞌen meꞌe ko naakua naa ngeꞌe xraxaon sen. Ko kuincheꞌe sen ndo Esteban, ndo tsango chuntia Ncháina ko ícha chónda ndo Espíritue ndo Dio, ko kaxon ndo Felipe, ndo Prócuro, ndo Nicanor, ndo Timón, ndo Parmenas ko ndo Nicolás. Jeꞌe ndo meꞌe ndo tjajna Antioquía ko ó saꞌó tsikitikaon ndo xranchi ni judío.

Hechos 9:19

Ko tjumeꞌe juine xa ko chao konsoji xa íjngo. Ko kuituꞌe xa kaxin nchakon ngajin sen titikaon Ncháina Jesús tjajna Damasco.

Hechos 9:38

A̱ tjajna Jope jii tjajna tjenka tjajna Lida, ntiꞌa bakeꞌe ndo Pedro. Ko sen titikaon Ncháina noꞌe sen ixi ntiꞌa jii ndo. Ko tjumeꞌe xruanꞌan sen yuu sen xrondache sen ndo ixi tuinxin tsi̱i̱ ndo ko tsonchrjenꞌa ndo.

1 Corintios 11:18

Saꞌó xrontatjunta ixi janꞌan kui̱nꞌa̱n nchakon xejunta te̱to̱kuꞌu kichuunta. Ko janꞌan tianxin ixi nchéxin jaña jitonꞌen.

1 Corintios 12:12

*Sen ningue Ndo Cristo ste sen xranchi naa cuerpoe chujni, jaña ste sen ixi chónda kueya parte. Ko maski kueya parte, naakua cuerpo jii. Jaña ningue ndo Cristo naakua cuerpo kaxon.

1 Corintios 14:23

Tjumeꞌe nchakon xroxejunta ti jii niꞌngo kainnta titikaonnta Ncháina, ko siá kainnta xronichjanta ikaxin ngigua, ko tixinꞌin naa na̱ ko tsienxinꞌa na̱ ngeꞌe stetinꞌen na̱, o̱ xratitikaonꞌa na̱ Ncháina Jesús, xrondachro na̱ ixi tsinchetjáña jáanta.

1 Corintios 4:17

Méxin, kuituanꞌan ndo Timoteo tsiji ndo ngajinnta. Xranchi chjanꞌna tiko̱n ndo, ko tjuaꞌa ndo, ixi jian ncheꞌe ndo ixra̱ neꞌe Ncháina. Tsiji ndo sintaxraxaonnta ndo xranchi janꞌan ntaꞌa ti kuituanꞌan ndo Cristo ko kain jiꞌi tjako̱ ngujngu niꞌngo nguixin tinó ichrji.

Efesios 3:15

ndo juinchéña kain ngeꞌe jii ngajní ko nunte xasintajni ko jeꞌe ndo tikinixinꞌen ndo kain chujni.

Santiago 2:7

Ixi ni chónda kueya tomi, ni meꞌe ícha chinga nichjangíꞌe na̱ ndo Jesús, ndo tituanꞌan jaꞌanta.

1 Pedro 4:14

Juaxruxin takeꞌénta nchakon nichjangíꞌanta na̱ ixi titikaonnta ndo Cristo ixi Espíritue ndo Dio chónda kain juachaxin ko tayakonꞌannta kain nchakon. Jeꞌe na̱ nichjangíꞌe na̱ Ncháina, a̱ jaꞌanta tájonnta juasianta ngajin ndo.

1 Pedro 4:16

Ko siá xrojan jaꞌanta tangi tsonꞌannta ixi titikaonnta ndo Cristo, tosuaꞌinta. Cháña tájonnta juasianta ngajin ndo Dio.

1 Juan 2:27

Ko jaꞌanta chondanta Espíritu tjúá, tsitjáanta ndo Jesucristo, ko jai jaꞌanta ó tikinixiꞌennta ndo, ko í xrokondaꞌi ixi xrojan ngisen sintakuanꞌannta, ixi Espíritue ndo Dio sintakuanꞌannta kain ngeꞌe, ko kain ti tjako ndo meꞌe ti nduaxin ko xroꞌan juancheya jii. Méxin, soji takeꞌénta ngajin Ndo Cristo xranchi juintakuanꞌannta Espíritue ndo.

Apocalipsis 3:18

Méxin janꞌan ntakateyanta teꞌnanta ngajin janꞌan oro chaxro tsikachrjexin xroꞌi ixi jaña xrochondanta ngeꞌe nduaxin tjintee ko kaxon manta tjúá tsarianta, ko jaña tsikonꞌani ti turuchunta ko teꞌnanta ngajin janꞌan xro̱a̱n colirio tsintjingi ikonnta ixi jaña chao tsikonnta.