Hechos 10:38 - El Nuevo Testamento

³⁸ Jaꞌanta ó noꞌanta ixi ndo Dio kuajon ndo juachaxien Espíritue ndo kuayéꞌe ndo Jesús, ndo tsiki̱ꞌxi̱n tjajna Nazaret ko ó noꞌanta kaxon ixi ndo Jesús jian juincheꞌe ndo ko juinchexruenꞌen ndo kain ni tangi ste kondeexin Xixronꞌanxrée. Jaña jian juincheꞌe ndo Jesús ixi ndo Dio jii ngajin ndo.

Hechos 10:38 ပူးပေါင်းရင်းမြစ်များ

Mateo 12:15

Ndo Jesús konoꞌe ndo ixi ngeꞌe stexraxaon xi fariseo, meꞌe sakjuixin ndo ntiꞌa ko kueya chujni ruéꞌe ndo ko juinchexruenꞌen ndo kain chujni niꞌe,

Mateo 12:28

Ko siá janꞌan ixi espíritue ndo Dio tantsjexin espíritu tikinixinꞌen Xixronꞌanxrée chónda chujni, meꞌe xrondachro ixi juachaxien ndo Dio ó kui̱i̱ ti ste jaꞌanta.

Mateo 9:19

Ko ndo Jesús bingatjen ndo ko sabikao ndo sen kuarueꞌe ndo.

Mateo 9:35

*Ndo Jesús kuaji ndo itsjé tjajna, tjajna ijié ko tjajna nchínchín banchekuenꞌen ndo chujni Israel ngaxinꞌin ningue na̱, ko chronga ndo ti juachaxin jian bikaoxin ndo ti tetuanꞌan ndo Dio. Ko juinchexruenꞌen ndo kain chujni kuachónda ichin ko kain ti tiín na̱.

Marcos 6:6

Ko tsango xronka ndo ixi kuitikaonꞌa na̱. Ko tjumeꞌe sakjui ndo kaxin tjajna nchínchín ste tjenka ntiꞌa ko juinchekuenꞌen ndo na̱.

San Lucas 3:22

*ko Espíritue ndo Dio xingajin xranchi naa kuntúá ko bakeꞌe ba ngataꞌa jaa ndo Jesús ko kuinꞌenni nichja naa ngisen jii ngajní ndachro: ―Jaꞌa chjanꞌna ko tsango tjuaꞌa. Ko janꞌan ritjén juaxruxin ngajian.

San Lucas 4:18

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Lucas 9:42

Ti konchjiñeꞌe chán ti jii ndo Jesús, espíritue Xixronꞌanxrée meꞌe juinchekuendaa chán, ko juanka chán ngataꞌa nunte. Ko ndo Jesús kuyakutee ndo espíritu, ko meꞌe kuachrje espíritu ñaꞌi ko koxruenꞌen chán ko ndo Jesús kuajon ndo chán ngajin ndotée chán.

San Lucas 9:56

Ixi janꞌan, chjenꞌen ndo Dio, xjan jongíꞌe xranchi chujni, juiꞌa ixi sintatjáña chujni. Naꞌi. Janꞌan juiꞌi ixi tsantsjen ijie̱ chónda na̱ ixi tsechón na̱ kain nchakon. Ko tjumeꞌe sakjui sen inaa tjajna.

San Juan 10:32

Ko ndachro ndo Jesús: ―Kueya ngeꞌe jian bikonta juintaꞌa ixi juachaxien Ndotána. ¿Sonda tjaunnta tsóñaxinntana ixro ixi juintaꞌa kain meꞌe?

San Juan 16:32

Ko tsi̱i̱ nchakon ko jai hora meꞌe ixi jaꞌanta xrochjeyanta ko satsjinta ko tsintunantana janꞌon. Ko jeꞌa janꞌon ritjén ixi Ndotána jii ndo ngaji̱n.

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

San Juan 3:34

ixi ndo xruanꞌan ndo Dio nichja ndo chijnie ndo Dio, ixi jeꞌe ndo kuayéꞌe ndo kain juachaxien Espíritue ndo Dio.

San Juan 6:27

Taꞌinta juachjaon ixi ngeꞌe sintenta taka tsjexin. Ncheꞌenta ixra̱ ixi ngeꞌe ti sintenta tsjexinꞌa ixi tsayeꞌenta juachaxin tsechonnta kain nchakon. Meꞌe tajon Chjenꞌen ndo Dio, xjan jongíꞌe xranchi chujni, ixi Ndotée ndo tjako ndo ixi Chjenꞌen ndo chónda xjan juachaxin.

Hechos 10:37

Jaꞌanta ó noꞌanta jian kain ngeꞌe tsikonꞌen nchijíi ti ste ni judío xrangíxinxín nunte Galilea nchakon ndachro ndo Juan xrokonda tsikitée kain chujni.

Hechos 2:22

’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

Hebreos 1:9

Jaꞌa tjueꞌe kain ti jian, ko ningakonꞌen ti ndakoꞌa jii. Méxin, ndo Dio kuinchaꞌa ndo jaꞌa, ndo Dio naꞌa. Ícha ijié juaxruxin tjáa ndo ixi ikaxin sen kuajikuꞌa.

1 Pedro 5:8

Jian xraxaonnta ko kain nchakon tsjeꞌenta jian ixi Xixronꞌanxrée, xi ningakonꞌannta, ichrji xa xranchi naa kujenda tsango jieꞌe ko tsango soji tuyako ba ko jitjee ba ngeꞌe chujni sine ba jaña ncheꞌe xi meꞌe.

1 Juan 2:20

Ko jai jaꞌanta ndo Cristo ó tjáanta ndo Espíritu tjúá, meꞌe chuxinnta ti nduaxin.

1 Juan 3:8

Ko kain ni ndakoꞌa ncheꞌe, ni meꞌe tikinixinꞌen na̱ Xixronꞌanxrée; ixi Xixronꞌanxrée chónda xa ijie̱ ti xraxrangíxixión kóña nunte xasintajni. Méxin, kui̱i̱ Chjenꞌen ndo Dio ngataꞌa nunte xasintajni ixi sinchetjáña xjan kain ixra̱ ndakoꞌa ncheꞌe Xixronꞌanxrée.