Hechos 10:2 - El Nuevo Testamento

² Tsango jian ndo ko kain sen ndoꞌa ndo xraxaon na̱ ndo Dio ko tajon ndo kueya tomi ixi tjaun ndo tsingijna ndo sen judío ko kain nchakon nichjeꞌe ndo ndo Dio.

Hechos 10:2 ပူးပေါင်းရင်းမြစ်များ

Mateo 25:17

Jaña kaxon xi kuayéꞌe yuu mil tomi juacha xa íjngo yuu mil tomi.

San Lucas 18:1

Ndo Jesús juinchekuenꞌen ndo sen teyuu chrikao ndo ixi kain nchakon xronichjeꞌe sen ndo Dio ko tsonchrjenꞌa sen sincheꞌe sen meꞌe.

San Lucas 2:25

Nchakon meꞌe tjajna Jerusalén bakeꞌe naa ndo tachríi ndatinꞌin Simeón. Jeꞌe ndo tsango jian ndo, ko bakajon ndo juasaya ngajin ndo Dio, ko chónꞌen ndo xroxruanꞌan ndo Dio ngisen tsingijna tjajna Israel. Méxin Espíritue ndo Dio jii ngajin ndo Simeón

Hechos 10:22

Ko juateꞌe xa: ―Kuetuanꞌan ndo capitán Cornelio juiꞌina ntiꞌi. Jeꞌe ndo naa ni tsango jian ko xraxaon ndo ndo Dio. Kain ni judío chóndeꞌe na̱ ndo juasaya ko tjueꞌe na̱ ndo. Naa ndo ángel tsixruaꞌan ndo Dio nichjeꞌe ndo ko chronga ndo ángel ixi xrojuiruaꞌananta ixi itsjinta ndoꞌa ndo ko tsinꞌen ndo ngeꞌe xrondachronta.

Hechos 10:31

Ndachro sen meꞌe: “Cornelio, ó kuinꞌen ndo Dio ngeꞌe nichjeꞌé ndo ko ó noꞌe ndo ixi tsango tingijna ni nóa.

Hechos 10:35

ixi jeꞌe ndo tayéꞌe ndo kain sen ngixeꞌi tjajna titikaon ko tajon sen juasaya ngajin ndo.

Hechos 10:4

Ko ndo Cornelio jitsjeꞌe ndo ndo ángel ko xronka ndo ko juanchangi ndo: ―¿Ngeꞌe tjaunnta? Ko ndachro ndo ángel: ―Ndo Dio bakeꞌe juaxruxin ixi ti nichjeꞌé ndo ko jian ncheꞌe tingijna ni nóa.

Hechos 10:7

Hora sakjui ndo ángel, ndo nichjeꞌe ndo Cornelio, jeꞌe ndo Cornelio kuiyeꞌe ndo yuu xi nchexra̱ ko kaxon naa xi soldado xraxaon xa ndo Dio ko jian tjento ndo xa.

Hechos 11:14

Jeꞌe ndo xrochronga ndo xranchi jaꞌanta ko kain sen ndointa xrochondanta juachaxin tsarichonnta kain nchakon.”

Hechos 13:16

Ko tjumeꞌe ndo Pablo bingatjen ndo ko itja ndo juanchiaxin ixi xrotenko sen. Ko ndachro ndo: ―Tinꞌennta jaꞌanta sen israelita ko kaxon tinꞌennta jaꞌanta ti tsikixinnta jée tjajna ko jaꞌanta sen titikaonnta ndo Dio.

Hechos 13:26

’Jaꞌanta kichianna tsikachrjenixinnta ndo Abraham tinꞌennta, ko kainnta ni tsiki̱ꞌxi̱n ikjín titikaonnta ndo Dio, tinꞌennta chijnie ndo ixi sincheméꞌe ndo ti ndakoꞌa juincheꞌenta.

Hechos 13:50

Ko tjumeꞌe ni judío nichjeꞌe na̱ kaxin nchri ncheꞌe jian ko ngajin xi tetuanꞌan tjajna ntiꞌa ixi ndachro na̱ ndakoꞌa ncheꞌe ndo Pablo ko Bernabé ixi tsango toñaoꞌe na̱ sen ko bengixin na̱ sen ntiꞌa.

Hechos 18:8

Ko ndo Crispo, ndo tetuanꞌan niꞌngo judío, ko kain sen ndoꞌa ndo, kuitikaon sen Ncháina Jesús. Ko kaxon kueya ni tjajna Corinto kuinꞌen na̱ chijnie ndo Dio ko kuaxi na̱ kuitikaon na̱ Ncháina Jesús ko bikitée na̱.

Hechos 2:5

Ko nchakon meꞌe tjajna Jerusalén bakeꞌe ni judío, ni titikaon ndo Dio, tsiki̱ꞌxi̱n na̱ nchijíi nunte xasintajni.

Hechos 22:12

’Ntiꞌa bakeꞌe naa ndo ndatinꞌin ndo Ananías, ndo meꞌe jian kuitikaon ndo ley tsikajon ndo Moisés. Ko kain ni judío jii tjajna Damasco tsango chóndeꞌe na̱ ndo juasaya.

Hechos 8:2

Kaxin sen tsango titikaon ndo Dio juabaa sen ndo Esteban ko tsjangaxin sen ndo.

Hechos 9:11

Ko ndachro Ndo Jesús: ―Tingatjén satjia chaꞌo ndatinꞌin Nao. Ko tjée ndoꞌa naa ndo ndatinꞌin Judas ko ntiꞌa tsinchíia naa xi ndatinꞌin Saulo tsiki̱ꞌxi̱n tjajna Tarso ko jeꞌe xa jinichjaꞌna xa,

Hechos 9:31

Ko tjumeꞌe sen titikaon Ncháina nchijíi nunte Judea, nunte Galilea ko nunte Samaria juaxruxin bakeꞌe sen ko ícha kuitikaon sen ndo Jesús. Kuachónda sen juasaya ngajin Ncháina ko Espíritue ndo Dio bingijna sen ko ícha konkueya sen.

Hechos 9:36

Ko nchakon meꞌe bakeꞌe naa nchri tjajna Jope titikaon nchra Ncháina ko ndatinꞌin nchra Tabita ko ngigua griego xrondachro Dorcas. Ko jeꞌe nchra jian juincheꞌe nchra ko bingijna nchra ni nóa.

Colosenses 4:2

Tintueꞌanta nichjeꞌenta ndo Dio ko jian xraxaonnta ti ó nichjeꞌenta ndo, ko kain nchakon tájonnta juasianta ngajin ndo.

1 Tesalonicenses 5:17

ko nichjeꞌenta ndo Dio kain nchakon.

Santiago 1:5

Ko siá xrojan jaꞌanta titjáña tsonoꞌanta ngeꞌe ti jian, jaꞌanta tjancheꞌenta ndo Dio, ko jeꞌe ndo xrotjáanta ndo tsienxinnta jian, ko jeꞌe ndo tjengeꞌa ndo ngeꞌe tajon ndo.

Apocalipsis 15:4

¿Ngisen xroxrakonꞌa ngajinnta, Nchána? ¿Ngisen tsajonꞌa juasaya ngajin jaꞌanta? Jeꞌo jaꞌanta tsango tjúánta. Kain ni nchijíi nunte xasintajni tsajon na̱ juasaya ngajinnta ixi bikon na̱ kain ixra̱ jian tsiji̱ncheꞌenta.