Hechos 1:6 - El Nuevo Testamento

⁶ Tjumeꞌe sen chrikao ndo Jesús, juanchangiꞌe sen ndo: ―Jaꞌanta Nchána̱na, ¿á tsajonnta juachaxin jai ixi ni tjajnai̱na tsetuanꞌan tjajna íjngo?

Hechos 1:6 ပူးပေါင်းရင်းမြစ်များ

Mateo 17:11

Ko ndo Jesús juatingíexin ndo: ―Nduaxin meꞌe, saꞌó tsi̱i̱ ndo Elías ixi jeꞌe ndo sinchekonchjian ndo kain ngeꞌe.

Mateo 20:21

Ko ndo Jesús juanchangi ndo: ―¿Ngeꞌe tjauan? Jeꞌe jan ndachro jan: ―Tjaꞌon ixi nchakon tsakeꞌenta nunte ngataꞌa ntaxitaunnta ko tsjakonta ijié juachaxin, tájonnta juachaxin ixi yui chjanꞌna tsakeꞌe xjan ti tsakeꞌe jaꞌanta, naa xjan ndatsjonxin jian ko naa xjan ndatsjonxin ikjon.

Mateo 24:3

Tjumeꞌe ikjui sen ti jii ijna̱ Olivo ko ntiꞌa ndo Jesús bakeꞌe ndo nunte ko sen chrikao ndo konchjiñeꞌe sen ko jaꞌin ndachro sen: ―Ndachronta ngisa xrojamangi niꞌngo ko, ¿ngeꞌe tsonꞌen nchakon tsjiꞌinta íjngo, ko nchakon tsjexin kain ngeꞌe jii ngataꞌa nunte xasintajni?

Marcos 9:12

Ko ndachro ndo Jesús: ―Nduaxin tsi̱i̱ ndo Elías saꞌó ko sinchekonchjian ndo kain ngeꞌe. ¿Ko ngeꞌe xrondachro xroon jitaxin chijnie ndo Dio?, ixi tsango tangi tsonꞌen chjenꞌen ndo Dio, xjan jongíꞌe xranchi chujni, ko tsitikaonꞌa na̱ xjan.

San Lucas 17:20

Ko tjumeꞌe xi fariseo juanchangiꞌe xa ndo Jesús, ngisa tsi̱i̱ nchakon tsetuanꞌan ndo Dio, ko ndo Jesús juatingíexin ndo: ―Nchakon tsi̱i̱ ti tsetuanꞌan ndo Dio, ni chúxinꞌa ndo juaꞌi tsikon na̱ ti tetuanꞌan ndo.

San Lucas 19:11

Ko ndajitinꞌen na̱ ngeꞌe jindachro ndo Jesús ko beki ndo naa chijni juakoxin ndo, ixi ó kuiji ndo tjenka tjajna Jerusalén, ko ixi jeꞌe na̱ xraxaon na̱ ixi ndo Dio ó tsaxi ndo tsetuanꞌan ndo ngataꞌa nunte ntiꞌi.

San Lucas 22:29

Méxin janꞌan tjáꞌanta juachaxin tsetuanꞌannta xranchi juachaxin kuayáꞌa̱ chjána Ndotána,

San Juan 21:21

Ko ndo Pedro bikon ndo ixi jiruéꞌe ndo meꞌe ko juanchangiꞌe ndo ndo Jesús: ―Nchána, ndo jiꞌi, ¿ngeꞌe tsonꞌen ndo?