Hebreos 9:9 - El Nuevo Testamento

⁹ Kain jiꞌin jeꞌo jitjakoxin ngeꞌe noi̱na jai, ixi kain ngeꞌe ti bakajon chujni ko ti iko tenꞌen chóndaꞌi juachaxin ixi tsindoxin ko tsontjúá aséen chujni tajon juasaya ngajin ndo.

Hebreos 9:9 ပူးပေါင်းရင်းမြစ်များ

Romanos 5:14

Xra ti bakeꞌe ndo Adán ko kuiji nchakon bakeꞌe ndo Moisés, kuintekenꞌen aséen chujni kondeexin ijie̱ juincheꞌe na̱. Maski jíee na̱ jeꞌa ti kuitikaonꞌa na̱ xranchi juincheꞌe ndo Adán, ixi jeꞌe ndo kuitikaonꞌa ndo ngeꞌe kuetuanꞌan ndo Dio. Ko ndo Adán juako ndo xranchi xrokui̱i̱ inaa ndo ícha tjumeꞌe.

Gálatas 3:21

Ko, ¿á ley tingakuenxin ti ngeꞌe ndachro ndo Dio tsajon ndo? Naꞌi. Siá xrobakeꞌe naa ley xrokuajon juachaxin tsechónxinni kain nchakon, ko meꞌe xrokoméexin jíei̱na siá xrokuitikaonna ngeꞌe tetuanꞌan ley meꞌe.

Hebreos 10:11

Kain ndotaana judío tonchjiñeꞌe ndo ngajin ndo Dio ngujngu nchakon ko tóña ndo iko tsoméxin ti ndakoꞌa juincheꞌe ni tjajnée ndo, ko ijni̱ meꞌe chóndaꞌi juachaxin tsoméxin ti ndakoꞌa juincheꞌe na̱.

Hebreos 11:19

Ko ndo Abraham noꞌe ndo ixi ndo Dio nduaxin chónda ndo ijié juachaxin sinchexechón ndo chujni tsikenꞌen. Ixi kuachúntia ndo Abraham, méxin ndakuenꞌa chjenꞌen ndo ko xranchi íjngo xrokuayéꞌe ndo xjan Isaac, ko jaña konꞌen xranchi xroxechón xjan Isaac.

Hebreos 5:1

Chujni bakayéꞌe ixra̱ ndotaana ícha tsituanꞌan, ndo Dio tincheꞌe ndo sen ngakjenꞌen sen xi, ixi xronichjaxin ndo ixi jeꞌe sen ngajin ndo Dio. Ixi jeꞌe ndotaana tsikao ndo ti tajon tjajnée ndo tsayéꞌe ndo Dio, kaxon jeꞌe ndotaana tsikao ndo iko, ko iko meꞌe tsenꞌen ba ixi jaña tsoméꞌe ijie̱ chónda chujni.

Hebreos 7:11

Chujni tjajna Israel kuayéꞌe ley juako sen taana levita, sen kuachrjenixin ndo Aarón, ko siá nduaxin ley meꞌe xrokontjuáxin aséen sen, íxrokondaꞌi xrokonoxin inaa ndotaana; ndotaana meꞌe kuachrjenixinꞌa ndo ndo Aarón, jeꞌe ndo xrobakeꞌe ndo xranchi ndo Melquisedec.

Hebreos 8:4

Siá jeꞌe ndo xrobakeꞌe ndo ngataꞌa nunte xasintajni, jeꞌe ndo xrojuincheꞌa ndo xrée naa ndotaana, ixi ntiꞌi ó jii ndotaana tajon ngeꞌe xranchi tsiketuanꞌan ley kuajon ndo Moisés.

Hebreos 9:24

Ixi ndo Cristo kuixinꞌa ndo niꞌngo tsikonchjianxin itja chujni, ko meꞌe jeꞌo tjako ixi jii naa niꞌngo ngajní, nduaxin tjintee. Meꞌe jeꞌe ndo kuixinꞌin ndo ngajní ko jai jii ndo ti jii ndo Dio ko ntiꞌa jinichjaxin ndo ixi jai̱na.

1 Pedro 3:21

Inda meꞌe xrokjui xranchi ti tikitée chujni ixi jaña tsjacha tsitjáñaꞌi. Ko ti tikitéeni jeꞌa jeꞌo tsijma ntauꞌeni. Naꞌi. Meꞌe xrondachro ixi tsjancheꞌeni ndo Dio sinchetjúá ndo aséenni ko jaña tsonoꞌeni ixi xroꞌan ijie̱ chóndani. Ko ti xechón Ncháina Jesucristo meꞌe tsjachani tsechónni kain nchakon.