Hebreos 7:9 - El Nuevo Testamento

⁹ Ko chao xrondachroni ixi ndo Leví ko kain sen taana tachrjenixin ndo, sen stetayéꞌe ti texin ngeꞌe tikinixinꞌen sen, kaxon jeꞌe sen ó juenga sen ꞌna̱ ngajin ndo Melquisedec nchakon juenga ndo Abraham ꞌna̱ ti texin ngeꞌe ngajin ndo Melquisedec ixi jeꞌe sen Leví kuachrjenixin sen ndo Abraham.

Hebreos 7:9 ပူးပေါင်းရင်းမြစ်များ

Mateo 7:8

Ixi ngisen tjanchia, tayéꞌe sen, ko ngisen tjée, titja sen, ko ngisen tinga nta̱chja, xitjeꞌe̱ nta̱chja.

Romanos 5:12

Saꞌó naakua naa sen juincheꞌe ti ndakoꞌa, méxin, chujni nchijíi nunte xasintajni kuama na̱ ijie̱. Jaña kui̱i̱ kaxon ti tenꞌen aséenni, méxin kainna chondana ijie̱ ko kainna tikinixinꞌenna tsenꞌen na̱.

Hebreos 7:10

Ko chao xrondachrona ixi Ndotáina Abraham ó jitikaꞌo ndo sen tsachrjenixin ndo ngaxinꞌin aséen ndo, nchakon kuachrje ndo Melquisedec ko kuetan kichuu sen ko juinchenchaon ndo Melquisedec ndo Abraham.

Hebreos 7:4

Jian tsjeꞌenta ixi ndo Melquisedec ícha baketuanꞌan ndo, méxin, ndo Abraham, ndo tachríꞌina xranchrjen, tsichjée ndo ndo Melquisedec ti texin ti kain ngeꞌe tsijacha ndo nchakon tsike̱ꞌto̱ ndo ngajin ikaxin xi rey ko chujnie xa.

Hebreos 7:8

Kain sen taana tayéꞌe ti itexin ngeꞌe tajon chujni, sen taana meꞌe chujni jii ngataꞌa nunte ko xranchi kain chujni, tenꞌen sen kaxon. Ko xroon chijnie ndo Dio nichja xroon ixi ndo Melquisedec xrajíi ndo xranchi naa sen jichón.