Hebreos 6:2 - El Nuevo Testamento

² ko kaxon ti juinchekuai̱na sen xranchi tsikitéeni, kaxon xranchi tsakeꞌe itjani ngataꞌa jaa sen titikaon ndo Dio, xranchi xroxechón sen tsikenꞌen, ko xranchi tsi̱i̱ nchakon ndo Dio sinchéña ndo ijie̱ ngataꞌa kain chujni.

Hebreos 6:2 ပူးပေါင်းရင်းမြစ်များ

Mateo 28:19

*méxin, itjinta kain tjajna jii ngataꞌa nunte xasintajni ko nchekuenꞌennta kain chujni chijnina ixi jaña tsitikaonna na̱ kaxon. Ko ni tsitikaon, tikitéenta na̱ ixi juachaxien Ndotána ko nombrée Chjenꞌen ndo ko Espíritue ndo.

Mateo 3:14

Ko ndo Juan tjaunꞌa ndo tsikitée ndo ndo Jesús ko jaꞌin ndachro ndo: ―Xrokonda jaꞌanta tsikiténinta janꞌan, ko jaꞌanta tjiꞌinta ngajin ixi janꞌan tsikitéenta.

Marcos 16:16

Sen tsitikaon ko tsikitée, sen meꞌe tsitjáñaꞌi sen. Ko ni tsitikaonꞌa, ni meꞌe tangi tsonꞌen na̱.

Marcos 7:4

Ko hora kjanxin na̱ ndasin, saꞌó xrokonda néma na̱ itja na̱ ko tjumeꞌe sine na̱. Ko kaxon banéma na̱ vaso ko ichi ko cazuela chika ko kuajontaꞌa na̱ cama, jaña kuancheꞌe na̱ ko kaxon ikaxin ngeꞌe ixi jaña kuituanꞌan ni tachríꞌe na̱ xranchrjen.)

Marcos 7:8

Ko jaꞌanta tsikintuꞌenta ngeꞌe tsiketuanꞌan ndo Dio ko rueꞌénta ngeꞌe kuancheꞌe na̱, méxin néꞌmanta ichi, ko vaso ti̱ꞌxi̱nnta, ko kaxon ikaxin ngeꞌe ncheꞌenta.

San Lucas 11:38

Ko jeꞌe xi fariseo xrakon xa ixi bikon xa ixi ndo Jesús bakeꞌe ndo juine ndo ko kontiꞌa ndo inda itja ndo xranchi kuancheꞌe kain ni judío.

San Lucas 12:50

*Xrokonda ngeꞌe tsango tangi sinchena na̱, ko jai jitoniꞌe aséenna tsijija nchakon tsonꞌen meꞌe.

San Lucas 14:14

Ko jaña ícha juaxruxin xrochondanta asáanta, ixi maski ni meꞌe juaꞌi tsjengaꞌanta na̱ ꞌna̱. Nchakon xroxechón kain ni jian juincheꞌe, ndo Dio tsjengaꞌanta ndo ꞌna̱ ngeꞌe jian juincheꞌenta ngajin ni nóa.

San Lucas 3:16

Ko ndo Juan ndache ndo kain na̱: ―Janꞌan nduaxin ntatjunta ixi janꞌan tikitéxinnta inda, ko tsi̱i̱ naa ngisen tsikitéxinnta ndo ixi Espíritue ndo Dio ko xroꞌi. Ko jeꞌe ndo ícha ijié juachaxin chónda ndo ixi juachaxin chonda janꞌan. Janꞌan tikinixinnaꞌi tsoxindangaꞌa tjuée katée ndo.

San Juan 1:33

Ko xranónaꞌi ngisen jeꞌe ndo. Ko ngisen xruanꞌanna tsikitée chujni ixi inda, ndo meꞌe ndachijina ndo: “Nchakon tsikuan Espíritue ndo Dio xroxingajinxin ngajní ko tsi̱i̱ ngataꞌa naa ngisen, ndo meꞌe tsikitée ndo na̱ ixi Espíritue ndo Dio.”

San Juan 5:29

Ko tsachrjexin na̱ ti no stexrabaa na̱. Ko ni ndako juincheꞌe, xroxechón na̱ ixi tsechón na̱ kain nchakon. Ko ni ndakoꞌa juincheꞌe xroxechón na̱ ko tangi tsikaon na̱ ti tsoñeꞌe na̱ ijie̱.

Hechos 10:47

Tjumeꞌe ndachro ndo Pedro: ―Sen jiꞌi ó kuayéꞌe sen Espíritue ndo Dio xranchi kuayéꞌe jai̱na. Jai ó chao tsikitée sen.

Hechos 13:3

Ko juexin nichjeꞌe sen ndo Dio ko juinchekatse ñao sen jinta, bakeꞌe itja sen ngataꞌa jaa sen meꞌe ko ndachro sen ixi chao satsji sen.

Hechos 16:15

Jeꞌe nchra ko kain ni ndoꞌa nchra bikitée na̱. Tjumeꞌe kuinóatée nchra ngajin ndo Pablo ko ndachro nchra: ―Siá titikaonnta ixi nduaxin titikaꞌonna Ncháina, tituanꞌanta nía ntiꞌi. Ko kuituna̱na ntiꞌa.

Hechos 16:33

Ko maski naxixeꞌe, hora meꞌe sabikao xa sen ko junéꞌma xa kain ti no juincheniꞌe na̱ sen. Ko tuinxin jeꞌe xa ko kain ni ste ndoꞌa xa bikitée na̱.

Hechos 17:18

Ko kaxin chujni tikinixinꞌen chujni ndatinꞌin epicúreos ko ikaxin ni tikinixin chujni ndatinꞌin estoicos kuaxi na̱ juao na̱ ndo Pablo. Kaxin na̱ ndachro na̱: ―¿Ngeꞌe xrondachro ti nichja xi jiꞌi? Ko kaxin na̱ ndachro na̱: ―Jinichja xa ixi inaa dio. Jaña ichro na̱ ixi juako ndo Pablo chijni jian kondee ndo Jesús ko ndachro ndo ixi ndo Jesús maski kuenꞌen ndo, xechón ndo íjngo.

Hechos 2:38

Tjumeꞌe juateꞌe ndo Pedro ko ndachro ndo: ―Tintuꞌenta ti ndakoꞌa ncheꞌenta ko titikaonnta ndo Dio. Ko tjumeꞌe tikitéxinnta nombrée ndo Jesucristo ko ndo Dio sincheméꞌe ndo jíanta ko tsajon ndo Espíritue ndo tsayeꞌenta.

Hechos 2:41

Tjumeꞌe kain ni kuitikaon ngeꞌe ndachro ndo, bikitée na̱ ko ni konchjiñeꞌe nchakon meꞌe níi mil na̱.

Hechos 23:6

*Ko ndo Pablo konoꞌe ndo ixi kaxin ni jii ntiꞌa ni partidoe xi saduceo, ko ikaxin na̱ ni partidoe xi fariseo. Ko séen ndachro ndo: ―Kichuuna, janꞌan naa ni fariseo ko sen nía kaxon fariseo sen. ¿Sonda jaꞌanta nchekamaninta ijie̱ ixi janꞌan titikaꞌon xroxechón ni tsikenꞌen?

Hechos 24:15

Kaxon titikaꞌon ndo Dio xranchi titikaon jeꞌe na̱ ixi ndo Dio sinchexechón ndo kain ni jian ko kaxon kain ni ñaꞌi.

Hechos 24:21

*Ánchéxin xrondachro na̱ ixi nchakon bakeꞌe ngajin na̱ séen kuyako ko ndachrja̱n janꞌan: “Jai stenchéñantana ijie̱ ixi titikaꞌon xroxechón ni tsikenꞌen.”

Hechos 24:25

Ko ndo Pablo juako ndo xranchi sincheꞌe na̱ jian ko xranchi tsetuenꞌen na̱ aséen na̱ ko sincheꞌa na̱ ti ndakoꞌa ko xranchi tsi̱i̱ nchakon ndo Dio sinchéña ndo ijie̱ ngajin kain chujni. Ko xi Félix kuinꞌen xa, meꞌe xronka xa, ko ndachro xa: ―Jai satjia ko tjumeꞌe tsiyaꞌa naa nchakon ti xroꞌan ixra̱ xrochondana.

Hechos 26:8

¿Á titikaonnta jaꞌanta ixi ndo Dio sinchexechón ndo chujni tsikenꞌen?

Hechos 4:2

Tsango koñao na̱ ixi ndo Pedro ko ndo Juan stenchekuenꞌen sen ni tsixraꞌo ntiꞌa xranchi xroxechón chujni tsikenꞌen xranchi jaña xechón ndo Jesús.

Hechos 6:6

Ko juexin kuincheꞌe sen sen sincheꞌe xra̱ meꞌe, bikaꞌo kichuu sen ti ste sen tsikincheꞌe Ncháina Jesús. Ko jeꞌe sen nichjeꞌe sen ndo Dio ko bakeꞌe itja sen ngataꞌa ngujngu sen kuayéꞌe xra̱ meꞌe.

Romanos 2:16

Naa nchakon ndo Dio sinchéña ndo ijie̱ ngajin kain ti imao juincheꞌe chujni. Jiꞌi tsonꞌen ixi juachaxien Ncháina Jesucristo xranchi jitaxin chijni jian tjako̱ janꞌan.

1 Corintios 10:2

Jaña kain sen kuarueꞌe ndo Moisés bikitée sen ixi kuintee sen ngangi itjui̱ ko kuatsingatuꞌe sen ndachaon ko jaña kuitikaon sen kain ti kuetuanꞌan ndo Moisés.

1 Corintios 12:13

Kainna maski á sen judíona o̱ á jeꞌa sen judíona, o̱ maski sen nchencheꞌe na̱ ixra̱ kain nchakon ko xengeꞌa sen ꞌna̱, o̱ á sen tituanꞌan, kainna naakuaxon Espíritue ndo Dio bikitéexina, ko kainna ikjanna naakua cuerpoe ndo Cristo, ko xranchi naakua chujni, jaña kuayeꞌena Espíritue ndo Dio.

2 Corintios 5:10

*ixi kainna xrokonda tsonchjiñeꞌena ti sinchéñaxin ndo Cristo ijie̱ ixi jaña ngujnguna tsayéꞌena ngeꞌe tikinixinna ixi á jian juincheꞌena o̱ naꞌi ti xrastena ngataꞌa nunte ntiꞌi.

Filipenses 3:21

ixi jeꞌe ndo tsindoxin ndo cuerpoi̱na ti toniꞌe ko jeꞌe ndo tsajon ndo naa cuerpo tsango chaxro xranchi chónda jeꞌe ndo. Ko kain jiꞌi tsonꞌen ixi jeꞌe ndo chónda ndo ijié juachaxin ko tituenꞌen ndo kain ngeꞌe.

Colosenses 2:12

*Jaꞌanta nchakon bikitéenta, kaxon xranchi jaꞌanta xroxrabaakuꞌunta ndo Cristo. Ko jaña kaxon xrokjui xranchi xroxechónnta xranchi jeꞌe ndo xechón ndo ixi chuntianta juachaxien ndo Dio ixi ndo Dio juinchexechón ndo ndo Cristo.

2 Timoteo 2:18

Jeꞌe xa kuintuꞌe xa chijni jian ixi ndachro xa ó kuatsinga nchakon xechón chujni. Ko jaña ncheya xa ngajin ikaxin sen ó tsikitikaon ndo Cristo.

Hebreos 11:35

Ko bakeꞌe kaxin nchri chúntia nchra ndo Dio meꞌe íjngo kuayéꞌe nchra sen ndoꞌa nchra, sen tsikenꞌen ixi sen meꞌe xechón sen. Ko ikaxin sen cháña kuenꞌen sen ixi jeꞌe sen tjaunꞌa sen xrokuintuꞌe sen ti chuntia sen ndo Dio ixi konoꞌe sen ixi xroxechón sen inaa nchakon ko ntiꞌa ícha jian tsakeꞌe sen.

Hebreos 9:10

Ixi jiꞌi jeꞌo tajon juachaxin ngeꞌe sineni ko tsiꞌini o̱ ngeꞌe sincheꞌani ixi jaña tsachrjeꞌeni ti ndakoꞌa. Kain jiꞌi bingijna tsitjaja nchakon ndo Dio kuindoxin ndo kain ngeꞌe ko kuajon ndo naa ngeꞌe ícha jian.

2 Pedro 3:7

Ko ndo Dio ndachro ndo ixi tsiji nchakon ngajní ko nunte xasintajni jii jai, tsitjáña ixi xroꞌi, kain ngeꞌe xroche nchakon ndo Dio sinchéña ndo ijie̱ ngajin kain chujni ko sinchetjáña ndo ni ndakuaꞌi ncheꞌe.