Hebreos 2:17 - El Nuevo Testamento

¹⁷ Méxin, jeꞌe ndo Jesús jongíꞌe ndo xranchi naa chujni, kuitikaon ndo kain ngeꞌe ixi jaña tsingijna ndo sen kichuu ndo, ko jaña ikjan ndo naa taana ícha tetuanꞌan ngajinxin ndo Dio, jaña juacha ndo juenga ndo ꞌna̱ ti sínká kain chujni ixi kuenꞌen ndo.

Hebreos 2:17 ပူးပေါင်းရင်းမြစ်များ

Romanos 15:17

Janꞌan naa ngisen titikaon ndo Cristo Jesús, méxin, juaxruxin ritjén ixi ntaꞌa xrée ndo.

Romanos 5:10

Ixi, maski bakoñaoꞌena ndo Dio, jeꞌe ndo kuajon ndo juachaxin tsonchjiñeꞌena ngajin ndo ixi Chjenꞌen ndo kuenxin xjan ixi jai̱na, ko jai noi̱na ixi tsingijna ndo tsechónna kain nchakon ixi jichón chjenꞌen ndo ko juaxruxin tsonjokuꞌuna xjan.

Efesios 2:16

*Ixi kuenxin ndo Cristo nganito nta̱cru, meꞌe juinchejexin ndo juañao kuachónda yui tjajna, ko ba̱ke̱ꞌe̱ ndo juaxruxin ngajin jeꞌe sen ko ndo Dio ko jaña yui tjajna kóña xranchi xrokui naakua chujni.

Colosenses 1:21

Saꞌó jaꞌanta kuachuxinꞌanta ndo Dio ko baningakonꞌenta ndo ngaya asáanta kondeexin ti ñaꞌi kuaxraxaonnta ko kuancheꞌenta. Ko jai juasie ndo Dio kuajon ndo juachaxin ixi juaxruxin tsintekuꞌunta ndo ixi titikaonnta ndo.

Hebreos 10:21

Ndo Jesús, Ndotánai̱na ícha tetuanꞌan, jeꞌe ndo tetuanꞌan ndo ndoꞌa ndo Dio.

Hebreos 2:11

Ko ndo Jesús tsango tjúá ndo, ko jeꞌe ndo nchetjúá ndo aséen sen titikaon ndo, sen meꞌe ko jeꞌe ndo, xrajeꞌo ndo Dio, Ndotée sen. Méxin, ndo Jesús tosueꞌa ndo ndachro ndo ixi sen titikaon ndo, sen kichuu ndo sen meꞌe.

Hebreos 2:14

Kain chujni ste ngataꞌa nunte xasintajni chónda na̱ ntao ko ijni̱; jaña ndo Jesús nchakon jongíꞌe ndo kaxon kuachónda ndo ntao ko ijni̱ xranchi chujni, meꞌe chao kuenꞌen ndo ixi juinchejexin ndo juachaxin kuachónda Xixronꞌanxrée, xi tituenꞌen ti tenꞌen chujni.

Hebreos 2:16

Ndo Jesús kuiꞌa ndo ixi tsingijna ndo sen ángel. Jeꞌe ndo kui̱i̱ ndo ixi tsingijna ndo chujni kuachrjenixin ndo Abraham.

Hebreos 3:1

Méxin, kichuuna, jaꞌanta ti kontjúá asáanta, jaꞌanta ti kuiyaꞌanta ndo Dio ixi xrokjannta chujnie ndo ko jian tsjeꞌenta ndo Jesús ixi jeꞌe ndo kóña ndo Ndotánai̱na ícha tetuanꞌan; juasiexin jeꞌe ndo, chuntiana ngajin ndo Dio.

Hebreos 3:2

Ndo Jesús tsango kuitikaon ndo ndo Dio, méxin, ndo Dio chjée ndo ndo Jesús naa ixra̱ tsango tjintee, xranchi kaxon ndo Moisés jian kuitikaon ndo ti ixra̱ juincheꞌe ndo ndoꞌa ndo Dio.

Hebreos 3:5

Jeꞌe ndo Moisés tsango jian kuitikaon ndo ko jian ixra̱ juincheꞌe ndo ngajin ndo Dio. Ko ti ixra̱ juincheꞌe ndo Moisés meꞌe chronga ngeꞌe xrojuincheꞌe ndo Dio ikaxin nano tjumeꞌe.

Hebreos 4:14

Ndo Jesús, Chjenꞌen ndo Dio, meꞌe ndotánai̱na ícha tetuanꞌan; jeꞌe ndo kuixinꞌin ndo ngajní ti jii ndo Dio. Méxin, jai̱na xrokonda soji tsojuna ko tsintueꞌana ngeꞌe ti kuinꞌenna ko kuitikaonna.

Hebreos 4:15

Ko ndotánai̱na, ndo ícha tetuanꞌan, chao tsikonóaꞌina ndo nchakon Xixronꞌanxrée tjaun xa sincheyai̱na xa xranchi tjaun xa xrojuincheyeꞌe xa ndo Jesús ko jeꞌe ndo juacha ndo ko xroꞌan ijie̱ kuama ndo.

Hebreos 5:1

Chujni bakayéꞌe ixra̱ ndotaana ícha tsituanꞌan, ndo Dio tincheꞌe ndo sen ngakjenꞌen sen xi, ixi xronichjaxin ndo ixi jeꞌe sen ngajin ndo Dio. Ixi jeꞌe ndotaana tsikao ndo ti tajon tjajnée ndo tsayéꞌe ndo Dio, kaxon jeꞌe ndotaana tsikao ndo iko, ko iko meꞌe tsenꞌen ba ixi jaña tsoméꞌe ijie̱ chónda chujni.

Hebreos 5:10

Méxin, ndachro ndo Dio jeꞌe ndo Jesús ndotaana ícha tetuanꞌan xranchi bakeꞌe ndo Melquisedec.

Hebreos 5:2

Ko ndotaana meꞌe kaxon noꞌe ndo ixi tangi tsitikaonni ndo Dio, méxin jeꞌe ndo chao tsikonoꞌe ndo chujni noeꞌa ko ndakoꞌa ncheꞌe.

Hebreos 5:5

Jaña ndo Cristo, jeꞌa jeꞌo ndo ndachro ndo ixi jeꞌe ndo ndotaana ícha tetuanꞌan. Naꞌi. Ndo Dio kuajon ndo juachaxin meꞌe, méxin, tsindachro ndo: Jaꞌa chjanꞌna; ko xrondachrja̱n janꞌan jai janꞌan ndotáa.

Hebreos 6:20

Ntiꞌa kuixinꞌin ndo Jesús, meꞌe kuantjeꞌe ndo chaꞌo tsixinꞌin jai̱na, meꞌe jeꞌe ndo ikjan ndo naa ndotaana ícha tetuanꞌan, ko jeꞌe ndo ndotaana tsakeꞌe ndo kainxin nchakon xranchi bakeꞌe ndo Melquisedec.

Hebreos 7:26

Jeꞌe ndo Jesús ndotaana ícha tetuanꞌan, meꞌe ndo xrokondai̱na ixi tsango tjúá aséen ndo ixi xroꞌan ijie̱ sínká ndo ko tonchjiñeꞌa ndo ngajin chujni ndakuaꞌi ncheꞌe, méxin ndo Dio kuajon ndo juachaxin kuajinꞌin ndo Jesús ngajní ko kuayéꞌe ndo juachaxin ícha tsetuanꞌan ndo.

Hebreos 7:28

Ley kuajon ndo Moisés, ley meꞌe chronga xranchi bajincheꞌe sen taana ícha tetuanꞌan, ko sen taana meꞌe naa chujni yama ijie̱ xranchi ngixeꞌi chujni. Ko tjumeꞌe jeꞌo ndo Dio nichjaxin ndo aséen ndo ko ndache ndo Chjenꞌen ndo ixi jeꞌe xjan xrokjan xjan naa taana ícha tetuanꞌan ko jeꞌe xjan xroꞌan ijie̱ chónda xjan ixi tsango jian xjan, ko jaña tsakeꞌe xjan kain nchakon.

Hebreos 8:1

Ti ícha tjintee stenichjana ixi ndotánai̱na, ndo ícha tetuanꞌan, jii ndo ngajní, ndatsjonxin jian ti tetuanꞌan ndo Dio,

Hebreos 8:3

Kain ndotaana ícha tetuanꞌan tsikayéꞌe ndo ixra̱ ixi tsajon ndo ngeꞌe tsayéꞌe ndo Dio ko tsóña ndo iko tsoméxin jíee ni tjajnée ndo. Méxin, ndo Jesucristo kaxon xrokonda tsajon ndo xrojan ngeꞌe.

Hebreos 9:11

Ko ndo Cristo ó kui̱i̱ ndo, ko jai jeꞌe ndo ndotaana ícha tetuanꞌan ko jeꞌe ndo chónda ndo ngeꞌe ícha jian ti nandá tsi̱i̱. Ko ti niꞌngo ncheꞌe ndo ixra̱, niꞌngo ícha jian ixi niꞌngo meꞌe jeꞌa konchjianxin itja chujni, niꞌngo meꞌe tikinixinꞌa nunte xasintajni.