Gálatas 6:15 - El Nuevo Testamento

¹⁵ Ko siá titikaꞌonna ndo Jesucristo, í xroꞌan tjintee á yaana chjiꞌe o̱ naꞌi. Ti ícha tjintee, jai̱na chujni natjúána.

Gálatas 6:15 ပူးပေါင်းရင်းမြစ်များ

Romanos 2:26

Ko chujni tsikaꞌi chjiꞌe ndo Dio ko titikaon na̱ xranchi tituanꞌan ley, ni meꞌe xranchi ó tsikaa na̱ chjiꞌe ndo, maski nduaxinꞌa chónda na̱ chjiꞌe ndo.

Romanos 2:28

Ko jeꞌa nduaxin judío jaꞌanta jeꞌo ixi ó chondanta chjiꞌe ndo cuerpoanta xranchi ncheꞌe kain ni judío.

Romanos 6:4

*Nchakon bikitéena, nchakon meꞌe kuenꞌenna ko xrabaana xranchi jeꞌe ndo ixi xroxechónna ko xrochondana juachaxin tsechónna kain nchakon ko jian tsajina, xranchi ndo Cristo xechón ndo ixi juachaxin ijié chónda Ndotée ndo, ndo Dio.

Romanos 8:1

Jai sen titikaon ndo Cristo Jesús, íxroꞌan ijie̱ sínká sen. Jeꞌo tjaun sen tsitikaon sen Espíritue ndo Dio ko ncheꞌa sen ti tjaun cuerpoe sen.

1 Corintios 7:19

Méxin, tjinteꞌa á chónda chujni chjiꞌe sen judío o̱ naꞌi. Ti tsitikaon sen ngeꞌe kuetuanꞌan Dio meꞌe ti ícha tjintee.

2 Corintios 5:17

Ixi ngisen titikaon ndo Cristo ikjan sen xranchi naa chujni natjúá ixi kain ngeꞌe juintuꞌuna saꞌó ó koméꞌe ko jai kain ngeꞌe ikjan natjúá.

Gálatas 5:6

Ko siá jai̱na chuntiana ndo Jesucristo, í tjinteꞌa siá chondana o̱ chondaꞌina chjiꞌe ni judío. Ko ti ícha tjintee, meꞌe ti xrochuntiana Ncháina Jesucristo, ko ti chuntiana meꞌe tsingijnana tsinteena jian ko xrotjueꞌe kichuuna.

Efesios 2:10

Ndo Dio juinchéñana ndo ixi sincheꞌena ti jian ixi titikaꞌonna ndo Jesús, jaña konꞌen ixi jaña tsixraxaon ndo ó saꞌó.

Efesios 2:15

*Ndo Cristo, ti kuenꞌen ndo, meꞌe juinchejexin ndo ti baketuanꞌan ley xranchi xrokuinteena. Ko ti yuu tjajna juinchéña ndo naakua tjajna natjúá tikinixinꞌen jeꞌe ndo ko jaña bakeꞌe ndo juaxruxin.

Efesios 4:24

*Ko ncheꞌenta xranchi naa chujni natjúá juinchéña ndo Dio, naa chujni jian ko nduaxin tjúá aséen.

Filipenses 3:3

Sen nduaxin chónda chjiꞌe ndo Dio, sen meꞌe jai̱na ixi jai̱na nduaxin tajonna juasaya ngajin ndo Dio ixi tingijnana Espíritue ndo, ko tsango chai̱na ixi jai̱na tikinixinꞌenna Ncháina Jesucristo. Méxin, chuntiaꞌina ti taani chjiꞌe ni judío.

Apocalipsis 21:5

Ko ndo jitaꞌa trono ndachro ndo: ―Janꞌan ntakonchjian kain ngeꞌe natjúá. Ko kaxon ndachro ndo: ―Ikjian jiꞌi ixi jiꞌi chijni nduaxin, chijni chao tsitikaon chujni.