Gálatas 6:12 - El Nuevo Testamento

¹² Ko ni ntakateyanta ixi tsaanta chjiꞌe ni judío, ni meꞌe jeꞌo tjaun na̱ ixi xrondachro chujni ixi jian ncheꞌe na̱ ko tjaunꞌa na̱ tangi tsonꞌen na̱ kondeexin ti nta̱cru kuenito ndo Jesucristo.

Gálatas 6:12 ပူးပေါင်းရင်းမြစ်များ

Mateo 23:27

*’Lastu jaꞌanta ti tjakonta ley ko jaꞌanta fariseo. Ndakoꞌa xraxaonnta. Jaꞌanta stenta xranchi naa tuye tsixrabaa chujni, tsango chaxro tsjeꞌe nduja, ko ngaxinꞌin jikaon nteꞌe chujni tsikenꞌen ko kain ngeꞌe tjúáꞌi.

Mateo 23:28

Jaña jaꞌanta tjaunnta chujni tsikon na̱ ixi jaꞌanta tsango jiannta, ko ngaxinꞌin asáanta ndakoꞌa xraxaonnta ko ñaꞌinta.

Mateo 23:5

*Ko kain ti jian ncheꞌe xa tjaun xa tsikon chujni ko ncheꞌe xa juaxruxin takeꞌe xa nganito ntatjen xa ko ntachaan xa kaxin chajua iton, ntiꞌa tsikjin xa chijnie ndo Dio ko manta tetsáa xa tsikakeꞌe xa kueya chajua ícha jié ixi ti tetsáa ikaxin chujni.

Mateo 5:10

*’Juaxruxin tsakeꞌe sen chinga nchekao na̱ ixi titikaon sen ngeꞌe tjaun ndo Dio, meꞌe jeꞌe sen tikinixinꞌen sen ngajní ti tetuanꞌan ndo Dio.

Mateo 6:16

’Jaꞌanta nchakon sinchekatse ñaonta jinta, ncheꞌanta xranchi ncheꞌe ni tjako yuu ikon, ixi jeꞌe na̱ juichenchíín ikon na̱, meꞌe jaña tsikon chujni ixi jeꞌe na̱ jinchekatse ñao na̱ jinta. Janꞌan nduaxin ntatjunta ixi ni meꞌe ó kuayéꞌe na̱ ti tikinixinꞌen na̱.

Mateo 6:2

Méxin nchakon tsingijnanta naa ni nóa, ndacheꞌanta ikaxin chujni ngeꞌe juincheꞌenta. Ncheꞌanta xranchi ncheꞌe ni tjako inaa ikon. Nchakon ste na̱ ngaya chaꞌo o̱ niꞌngo, tingijna na̱ ni nóa ixi tjaun na̱ tsikon chujni ngeꞌe ncheꞌe na̱ ixi jaña xrondachro chujni ixi tsango jian jeꞌe na̱. Ko janꞌan ndachrja̱n ixi ni meꞌe ó kuayéꞌe na̱ ti tikinixinꞌen na̱.

Mateo 6:5

*’Ko nchakon jaꞌanta xronichjeꞌenta ndo Dio, ncheꞌanta xranchi ncheꞌe ni tjako inaa ikon, ni meꞌe ncheꞌe na̱ juaxruxin siin na̱ nichjeꞌe na̱ ndo Dio ngaxinꞌin niꞌngo ko ngaya chaꞌo, ixi jaña tsikon chujni ngeꞌe stencheꞌe na̱. Ko janꞌan ndachrja̱n ixi ni meꞌe ó chónda na̱ ngeꞌe tikinixinꞌen na̱.

San Lucas 16:15

Ko ndo Jesús ndachro ndo: ―Jaꞌanta tjaunnta tsonoꞌe na̱ ixi jian jaꞌanta ko jeꞌa nduaxin meꞌe, ixi ndo Dio chúxin ndo asáanta. Méxin ngeꞌe tsango tjueꞌe chujni, ndo Dio ncheꞌa ndo juaxruxin.

San Lucas 20:47

Ko ixi juancheya xa tantsjeꞌe xa nchri kaꞌan ndoꞌa nchra ko tjumeꞌe nchexion xa, sée nichjeꞌe xa ndo Dio. Xi meꞌe ícha tangi tsonꞌen xa nchakon sinchéña ndo Dio ijie̱.

San Juan 7:18

Ko ngisen nichja ngeꞌe tjaun, jeꞌo nichja na̱ ixi tjaun na̱ ixi ikaxin na̱ tsajon na̱ juasaya ngajin jeꞌe na̱. Ko ngisen tjaun ixi ngisen tsixruaꞌan na̱ tsayéꞌe juasaya, ni meꞌe tjako ngeꞌe nduaxin ko ncheyaꞌi na̱.

Hechos 15:1

Kaxin sen tsiki̱ꞌxi̱n nunte Judea kuiji sen tjajna Antioquía. Kuaxi sen juinchekuenꞌen sen sen kichuuna ntiꞌa ixi juaꞌi tsoméꞌe jíee sen siá chóndaꞌi sen chjiꞌe sen ti tsiketuanꞌan ndo Moisés.

Hechos 15:5

Tjumeꞌe ikaxin ni fariseo tsikitikaon Ncháina Jesús bingatjen na̱ ko ndachro na̱: ―Ni jeꞌa judío titikaon na̱ Ncháina xrokonda tsaa na̱ chjiꞌe ni judío, ko xrokonda tsitikaon na̱ nchijíi ley tsiketuanꞌan ndo Moisés.

2 Corintios 10:12

Naiꞌa xroxraxaꞌonna ixi tsango jian nichjana xranchi ste ikaxin na̱ jaña ncheꞌe na̱. Kaxin chujni xraxaon na̱ ixi jeꞌe na̱ tsango tjintee na̱ ko ikaxin na̱ noeꞌa na̱, ni meꞌe tsango ninta xraxaon na̱.

2 Corintios 11:13

Ni meꞌe jeꞌa nduaxin apóstol na̱. Jeꞌe na̱ stencheya na̱ ixi ndachro na̱ tikinixienꞌen na̱ ndo Cristo.

Gálatas 2:14

Ko nchakon biko̱n janꞌan ixi stencheꞌa sen xranchi nchekuainana chijni jian neꞌe Ncháina, ntatjan ndo Pedro ko stetinꞌen kain sen niꞌngo: “Jaꞌa judíoa, ko rincheꞌe xranchi ncheꞌe ni jeꞌa judío ko kaxon ncheꞌa xranchi sen judío. ¿Xranchi tjauan sinchekateya sen jeꞌa judío sincheꞌe sen xranchi sen judío?”

Gálatas 2:3

Ko ndo Tito, ndo chrjikiꞌan, jeꞌe ndo tjajna griego ndo, juinchekateyaꞌi sen ndo ixi xrokua ndo chjiꞌe ni judío.

Gálatas 5:11

Kichuuna, siá janꞌan xrondachrja̱n ixi xrokonda xrokuaanta chjiꞌe ni judío, ni judío xroningakonaꞌina na̱. Ko kaxon xroningakuenꞌa na̱ chijni jian juakoꞌanta chronga xranchi kuenꞌen ndo Cristo nganito nta̱cru.

Gálatas 6:13

Ko ni tsikaa chjiꞌe, jeꞌe na̱ ncheꞌa na̱ kain ngeꞌe tituanꞌan ley. Ko jeꞌe na̱ tjaun na̱ tsaanta chjiꞌe ni judío ixi meꞌe sinchejiéxin aséen na̱ ixi juacha na̱ juinchekateyanta na̱ tsaanta chjiꞌe.

Filipenses 1:15

Nduaxin, jii kaxin sen tjako chijnie ndo Cristo ixi tochjuyeꞌe sen kondeexin ixra̱ tjakona chijnie ndo Dio. Ko jii ikaxin sen ixi nduaxin nchijíi aséen sen tjako sen chijnie ndo Dio.

Filipenses 2:4

Ninaa jaꞌanta tjéꞌanta jeꞌo jian xrokuakeꞌenta. Cháña tingijnanta ikaxin chujni tsakeꞌe jian.

Filipenses 3:18

Ó itsjé vez ntatjunta ko jai ritsja̱nga ntatjunta ixi ste kueya na̱ ndachro na̱ ixi tjinteꞌa ti kuenꞌen ndo Cristo nganito nta̱cru.

Colosenses 2:23

Ngeꞌe titikaon na̱ ncheꞌe na̱ xranchi naa ngeꞌe nduaxin ixi nchejiéꞌa aséen na̱, ko kaxon ncheniꞌe na̱ ntauꞌe na̱, ko ixi ti ncheꞌe na̱ meꞌe juaꞌi tsintuꞌe na̱ xroxraxaon na̱ ngeꞌe ñaꞌi.