Gálatas 3:17 - El Nuevo Testamento

¹⁷ Ti ndachrja̱n meꞌe: Ndo Dio tsindache ndo ndo Abraham naa ngeꞌe nduaxin tsayéꞌe ndo, ko jiꞌi xranchi naa xroon chónda firme ndo Dio. Ko kuatsinga noó ciento ko ikánte nano ko tjumeꞌe kui̱i̱ ley neꞌe ndo Moisés. Ko ley meꞌe juaꞌi sincheméꞌe ngeꞌe tsindachro ndo Dio ó saꞌó ko xrondachroꞌa ixi tjinteꞌa.

Gálatas 3:17 ပူးပေါင်းရင်းမြစ်များ

San Juan 1:17

Ley kuetuanꞌan ndo Dio juinchenoi̱na ndo Moisés, ko ti tjueꞌe ndo chujni ko ti nduaxin meꞌe ti̱ꞌxi̱n ixi ndo Jesucristo.

Hechos 7:6

Kaxon tsindachro ndo Dio ixi sen tsachrjenixin ndo Abraham, sen meꞌe tsetaꞌa sen jée nunte, ko sincheꞌexin sen xrée na̱, ntiꞌa chjinga sinchekao na̱ sen ko xroxengeꞌa sen ꞌna̱ ko ntiꞌa tsintee sen noó ciento nano.

Romanos 3:25

Ndo Dio xruanꞌan ndo ndo Cristo, ko kuenxin ndo kondeexin jai̱na, ko xrokonda xrochuntiana ndo; jaña tsoméꞌe jíei̱na. Jaña juincheꞌe ndo Dio koñaoꞌa ndo maski kueya ti ndakoꞌa juintuꞌuna saꞌó.

Romanos 3:3

Méxin, siá xrojan jeꞌe na̱ xrokuitikaonꞌa na̱, ¿á kondeexin meꞌe, kaxon ndo Dio ísincheꞌa ndo kain ngeꞌe tsindachro ndo sincheꞌe ndo ngajin chujni?

1 Corintios 1:12

*Ti rindachrja̱n ixi kaxinnta ndachronta “janꞌan ruaꞌa ndo Pablo”, ko ikaxinnta ndachronta rueꞌénta ndo Apolos ko ikaxinnta ndachronta rueꞌénta ndo Pedro, ko ikaxinnta ndachronta ixi rueꞌénta ndo Cristo.

1 Corintios 1:17

Ixi ixra̱ chjána ndo Cristo jeꞌa tsikitée chujni. Ixra̱ chjána Ncháina Jesucristo meꞌe ti xronichja chijni jian tajon juachaxin tsechónni kain nchakon. Tjaunꞌa xronichja̱ ixi chijni tsango chaxro ixi tjaunꞌa tsantsjaꞌa ti juachaxin ijié konoxin nchakon kuenꞌen Ncháina Jesucristo nganito nta̱cru.

1 Corintios 10:19

Ndachrja̱nꞌi ixi ti ídolo chónda juachaxin, ko kaxon ndachrja̱nꞌi ixi ntao tajon na̱ ngajin ídolo meꞌe tjintee. Naꞌi.

1 Corintios 7:29

Jaña ndachrja̱n ixi ítsjéꞌa nchakon titjáña xrokjan Ncháina Jesucristo. Méxin, sen tsikuteꞌe, ícha xrokonda tsitikaon sen Ncháina.

2 Corintios 1:20

Ixi kain ngeꞌe tsichronga ndo Dio sincheꞌe ndo, ndo Cristo kuitikaon ndo ko jaán ncheꞌe ndo kain. Méxin, nchakon nichjana ngajin ndo Dio ndachrona “Jaña tsonꞌen”, ixi juachaxien ndo Cristo Jesús.

2 Corintios 9:6

Xraxaonnta ixi ngisen tajonꞌa itsjé, kaxon xroꞌan itsjé tayéꞌe sen, ko sen tajon kueya, kaxon kueya tayéꞌe sen.

Gálatas 3:15

Kichuuna, ndachrja̱n naa ngeꞌe xranchi naa chujni. Nchakon naa chujni tsijinchekonchjian naa xroon ndachro ngisen tsayéꞌe kain ngeꞌe chónda na̱, ko xroon meꞌe siá chónda firme na̱, í juaꞌi tsoméꞌe o̱ tsindoxin.

Gálatas 3:21

Ko, ¿á ley tingakuenxin ti ngeꞌe ndachro ndo Dio tsajon ndo? Naꞌi. Siá xrobakeꞌe naa ley xrokuajon juachaxin tsechónxinni kain nchakon, ko meꞌe xrokoméexin jíei̱na siá xrokuitikaonna ngeꞌe tetuanꞌan ley meꞌe.

Gálatas 5:16

Janꞌan ntatjunta jiꞌi: Ncheꞌenta xranchi tjaun Espíritue ndo Dio, ko jaña tsitikaonꞌanta ngeꞌe tjaun cuerpoanta ko sincheꞌanta ti ñaꞌi.

Gálatas 5:4

Ko jaꞌanta ti xra xraxaonnta ixi siá titikaonnta ley meꞌe tsoméxin jíanta, jaꞌanta xranchi ó xrokuintuꞌenta ndo Cristo ko ti tjuaꞌanta ndo Dio.

Efesios 2:12

Saꞌó jaꞌanta kuachuxinꞌanta ndo Cristo ko kuajentoꞌanta ni tjajna Israel ko kuachuxinꞌanta ti ley tsiketuanꞌan ndo Dio ko ti ndachro ndo tsajon ndo tsayéꞌe chujni. Ko jaña bakeꞌenta ngataꞌa nunte xasintajni ko kuachuxinꞌanta ndo Dio, méxin juaꞌi chonꞌénnta ngeꞌe tsajon ndo.

Efesios 4:17

Ko ixi juachaxien Ncháina Jesucristo tetuanꞌannta í ncheꞌanta xranchi ncheꞌe ni chúxinꞌa ndo Dio ixi ni meꞌe ndakoꞌa xraxaon na̱.

Colosenses 2:4

Kain jiꞌi ntatjunta ixi xroꞌan ngisen sintayaꞌanta maski chaxro xronichja na̱.

Hebreos 11:13

Ko kain sen meꞌe ó kuenꞌen sen ko íkuayéꞌa sen ti tsindachro ndo Dio xrokuajon ndo, ko ixi chuntia sen ngajin ndo, maski bikonꞌa sen ti xrokuajon ndo, jeꞌe sen kuitikaon sen, méxin, chéꞌe sen ko kuandachro sen ixi nunte xasintajni jeꞌa ndoꞌa sen ixi ntiꞌi nchion tinteeni xranchi ngisen ti̱ꞌxi̱n ikjín.

Hebreos 7:18

Méxin, ti baketuanꞌan ley saꞌó, jai ó koméꞌe ley meꞌe, ixi ítundaꞌi ko íxroꞌan xrée ley meꞌe.

1 Pedro 1:20

Ndo Dio ó saꞌó kuincheꞌe ndo ndo Cristo ti xrakoꞌa nunte xasintajni. Ko jai konoxin ndo ixi sen chuntia ndo jian tsintee sen.