Gálatas 3:11 - El Nuevo Testamento

¹¹ Méxin, ngisen tjaun tsitikaon ley juaꞌi toméꞌe ti ndakoꞌa ncheꞌe sen ngajin ndo Dio ixi nduaxin ndachro xroon jitaxin chijnie ndo Dio: “Sen tsontjúá aséen ixi chuntia sen ndo Dio, sen meꞌe tsechón sen kain nchakon.”

Gálatas 3:11 ပူးပေါင်းရင်းမြစ်များ

Romanos 1:17

Ixi chijnie ndo Dio tjakoi̱na xranchi tsoméꞌe jíei̱na ixi jai̱na chuntiana ndo Jesucristo. Xranchi ndachro xroon chijnie ndo Dio: “Ngisen chuntia chijnie ndo Dio tsechón sen kain nchakon.”

Gálatas 2:16

*Ko noi̱na ixi chujni juaꞌi tsoméꞌe jíee na̱ siá tjaun na̱ sincheꞌe na̱ kaxin xra̱ xranchi ndachro ley. Naꞌi. Jeꞌo tsoméꞌe ijie̱ siá xrochuntiana ndo Jesucristo. Kaxon jai̱na titikaꞌonna ndo Jesucristo, jaña meꞌe tsoméꞌe jíei̱na ixi chuntiana ndo Jesucristo ko jeꞌa ixi sincheꞌena ixra̱ ndachro ley ixi siá tsitikaonna ley, juaꞌi tsoméꞌe jíee chujni.

Hebreos 10:38

Sen chuntiana janꞌan ko tjúá aséen sen, meꞌe sen tsechón kain nchakon; ko siá xrokjan sen sincheꞌe sen ti ndakoꞌa, janꞌan tsakeꞌa juaxruxin ngajin sen.

Santiago 1:27

Ngisen nduaxin jian titikaon ndo Dio ko xroꞌan ngeꞌe sínká sen ngajin Ndo, sen meꞌe xrokonda jaña sincheꞌe sen: tsingijna sen xjan nóa ko kaxon sen kaꞌan, sen jitatsinga juachjaon, ko sincheki̱tja̱ꞌi aséen sen ixi kain ti ndakoꞌa jii ngataꞌa nunte xasintajni.

Santiago 3:2

Kainna ndakoꞌa nichjana, ko siá jii ngisen jian nichjeꞌe sen sen kichuu sen ko xroꞌan chijni ndakoꞌa tachrjexin roꞌa sen, sen meꞌe ícha tjúá aséen sen ko chao tetuenꞌen sen nchijíi cuerpoe sen.

Apocalipsis 5:9

Ko sen noó jichón ko sen ikán no sen tachríi itsje̱ sen naa soon natjúá: Jeꞌo jaꞌanta tikinixinꞌannta tsayeꞌenta xroon ko tsintjiannta ti sello chónda libro; ixi jaꞌanta naakóñaxónnta na̱ ko jníanta kuenaxinnta chujni ste kain tjajna, sen nichja kain ngigua, tjajna nchínchín ko tjajna ndua ixi xrokuayéꞌe ndo Dio sen.