Gálatas 2:6 - El Nuevo Testamento

⁶ Ko sen niꞌngo titaonꞌen sen kichuuna, xroꞌan ngeꞌe natjúá juakoꞌna sen. Ko janꞌan kondanaꞌi á nduaxin tituanꞌan sen o̱ naꞌi ixi janꞌan nóna ixi ndo Dio tincheꞌa ndo kaxion chujni ixi á noꞌe o̱ á noeꞌa.

Gálatas 2:6 ပူးပေါင်းရင်းမြစ်များ

Mateo 22:16

Méxin xruanꞌan xa kaxin xi nchekuenꞌen xa ko kaxin xi nchexrée xi Herodes ixi tsjanchangíꞌe xa ndo Jesús jaꞌin: ―Maestro, konónana ixi jaꞌanta jeꞌo ti nduaxin nichjanta, ko ndako tjakonta chijnie ndo Dio, ko jaꞌanta taꞌinta juachjaon ngeꞌe nichja chujni, ixi jaꞌanta tsjeꞌenta aséen chujni.

Marcos 12:14

Ko kuiji na̱ ti jii ndo ko ndachro na̱: ―Maestro, nónana ixi jaꞌa nichja ti nduaxin ko taꞌia juachjaon ixi ngeꞌe xroxraxaon chujni ixi nduaxin nchekuenꞌén na̱ chijnie ndo Dio. Méxin, ndachijiana, ¿á chao tsjengana ꞌna̱ ngajin xi tetuanꞌan, tomi tjanchia xa, o̱ naꞌi?

San Lucas 20:21

Méxin juanchangi xi stetsjaya ndo Jesús: ―Maestro, nónana ixi kain ti nichjanta ko ti tjakonta meꞌe ti nduaxin ko ti tjaun ndo Dio, ko jaꞌanta tincheꞌanta kaxion chujni, ixi jaꞌanta tjueꞌenta kain na̱.

Hechos 10:34

Tjumeꞌe ndachro ndo Pedro: ―Jai ó tianxin ixi ndo Dio xrajeꞌo tjueꞌe ndo Dio kain chujni,

Hechos 5:36

Xraxaonnta ixi ó saꞌó bakeꞌe naa xi ndatinꞌin Teudas ko bandachro xa ixi tsango tituanꞌan xa. Ko noó ciento na̱ baruéꞌe na̱ xa. Tjumeꞌe íkaxin chujni kóña na̱ xa ko kain ni baruéꞌe xa chjekeꞌe na̱ ko kuitjáña na̱ ko tjumeꞌe ndajuexin ixra̱ juincheꞌe xa.

Romanos 2:11

Ixi ndo Dio jeꞌa jeꞌo tjueꞌe ndo kaxion chujni ixi kain na̱ naxrajeꞌo tjintee na̱.

2 Corintios 11:5

Ko janꞌan jeꞌa ícha nuntena ixi ni ndachro apóstol na̱, ni nandá kui̱i̱, ni ndachro ícha tjintee, ni ruéꞌe jaꞌanta.

2 Corintios 12:11

Ndako tsijintatjáña janáa nchíín ixi nichja ngeꞌe jian juintaꞌa. Jaꞌanta chondanta ijie̱ ixi jaꞌanta xrokonda jian xronichjanta ixi najanꞌan. Ko janꞌan jeꞌa ícha nuntena ixi xi apóstol kuinteki̱i̱, xi jaꞌanta ntaꞌanta juaxruxin rueꞌénta, maski janꞌan xroꞌan tjinteena.

2 Corintios 5:16

Jai jai̱na íxroxraxaonꞌana á tjintee o̱ naꞌi inaa chujni xranchi kuaxraxaonna saꞌó. Ko saꞌó kuachuxinna ndo Cristo xranchi ngixeꞌi naa chujni, ko jai í jeꞌa jaña chuxinna ndo.

Gálatas 2:2

Janꞌan ikjui ntiꞌa ixi ndo Dio juakoꞌna ndo ixi xrokonda itsji tjajna Jerusalén, ko imao juao jeꞌo sen ícha tituanꞌan, sen tjako chijnie Ncháina ko ntatjan sen ngeꞌe tjakoꞌa sen jeꞌa judío. Jaña nichja ixi tjaunꞌa xrondachro sen xruenxon juintaꞌa ixra̱ ko jaña tsikonni ixi naakua naa ngeꞌe tjakona.

Gálatas 6:3

Ko siá xrojan ngisen ndachro ixi jeꞌe sen tsango noꞌe sen ko nduaxinꞌa, sen meꞌe jeꞌo sen jincheyeꞌe aséen sen.

Hebreos 13:17

Titikaonnta sen tituanꞌan ngaxinꞌin niꞌngo, ixi jeꞌe sen tayakonꞌen sen asáanta ko noi̱na ixi jeꞌe sen xrochronga sen ngajin ndo Dio ti ixra̱ juincheꞌe sen ngajinnta. Kaxon ncheñaoꞌanta sen ixi jaña ícha juaxruxin sincheꞌe sen ixra̱ ti kuetuanꞌan ndo Dio; jaña jaꞌanta kaxon juaxruxin tsakeꞌenta.

Hebreos 13:7

Xraxaonnta ngisen juakoꞌanta ko nichjaꞌanta sen chijnie ndo Dio; takeꞌénta xraxaonnta xranchi jian juincheꞌe sen ngataꞌa nunte ntiꞌi ko ncheꞌenta xranchi juakoxin sen, xranchi jeꞌe sen tsango chuntia sen ndo Dio.

1 Pedro 1:17

Siá ndachronta ixi ndo Dio Ndotánta, ndo jian nchéña ijie̱ ngajin kain chujni ixi ti ngeꞌe juincheꞌe na̱, jaꞌanta xrokonda tsitikaonnta ndo ko tájonnta juasianta ngajin ndo kain nchakon tsinteenta ntiꞌi nunte xasintajni.