Apocalipsis 22:20 - El Nuevo Testamento

²⁰ Ko ndo chronga chijni jiꞌi ndachro ndo: ―Ó tuinxin tsjiꞌi janꞌan. Jaán, jaña tsonꞌen. ¡Tuinxin xrokjuiꞌinta, Ncháina Jesús!

Apocalipsis 22:20 ပူးပေါင်းရင်းမြစ်များ

San Juan 21:25

Xrajíi kueya ngeꞌe juako ndo Jesús kjinꞌa janꞌan. Siá xrokjin naanaa meꞌe, xrokuitjaꞌi nunte xasintajni xrobinga kain xroon ti xrokjin. Jaña tsonꞌen.

1 Corintios 16:22

Ngisen tjaunꞌa Ncháina Jesucristo tangi tsonꞌen sen. Ko jai̱na, ndachrona: “¡Nchána tuinxin tsjiꞌinta!”

2 Timoteo 4:8

Ko jai jeꞌo richonꞌan tsayáꞌa̱ naa corona ixi jian bakeꞌé ntiꞌi. Jiꞌi tsajon Ncháina nchakon tsi̱i̱ ndo. Jeꞌe ndo ndako sinchéña ndo ijie̱. Ko jeꞌa janꞌon tsayáꞌa̱ corona meꞌe. Naꞌi, kaxon kain sen tjueꞌe ndo ko stechónꞌen sen nchakon tsi̱i̱ ndo.

Hebreos 10:37

Ixi jaña ndachro xroon chijnie ndo Dio: Tuinxin, tsango tuinxin tsi̱i̱ ngisen ndachro xroon xrokjan, ko ítsonchrjenꞌa tsi̱i̱ ndo Jesús.

Hebreos 9:28

Jaña kaxon ndo Cristo naakua vez kuenꞌen ndo ixi tsoméxin jíee kueya chujni. Ko tjumeꞌe tsi̱i̱ ndo íjngo, ko nchakon meꞌe ísincheméꞌa ndo ti ndakoꞌa juincheꞌe chujni. Jeꞌe ndo tsi̱i̱ ndo tsajon ndo juachaxin stechón kain chujni stechónꞌen xrokjan ndo.

Apocalipsis 1:18

Ko janꞌan rícho̱n. Janꞌan kuenꞌenna, ko jai rícho̱n íjngo ko janꞌan tsarichón kain nchakon. Jaña tsonꞌen. Janꞌan tituanꞌan ngajin juachaxin ti tsenꞌen chujni ko richonda chika xitjeexin ti jii ni tsikenꞌen.

Apocalipsis 1:2

Ndo Juan nduaxin chronga ndo ngeꞌe nduaxin tsindachro ndo Dio ko ngeꞌe chronga ndo Jesucristo ko kain ngeꞌe tsikikon ndo xranchi juako ndo Dio.

Apocalipsis 2:16

Méxin tintuꞌenta ti ndakoꞌa ko titikaonnta ndo Dio. Ixi tuinxin tsjiꞌi janꞌan ti stenta ko tse̱to̱kianxin chujni ixi espada tachrjexin roꞌa.

Apocalipsis 22:10

Kaxon ndachijina ndo: ―Temaꞌia kain ti bikuan ko kuinꞌen, ti jitaxin xroon jiꞌi, ixi chijni kuinꞌen tuinxin tsonꞌen kain jiꞌi.

Apocalipsis 22:12

―Jian tinꞌennta, janꞌan tuinxin tsjiꞌi ko tsikian kain ti tikinixin tsayéꞌe ngujngu sen xranchi ixra̱ juincheꞌe sen.

Apocalipsis 22:18

Kain sen tinꞌen chijnie ndo Dio, chijni jitaxin xroon jiꞌi ko chronga ngeꞌe tsonꞌen, sintanoꞌa sen: Siá xrojan ngisen tsasintaxin inaa ngeꞌe ti jitaxinꞌa xroon jiꞌi, ndo Dio sincheniꞌe ndo sen xranchi jitaxin xroon jiꞌi.

Apocalipsis 22:7

―¡Janꞌan tuinxin tsjiꞌi! Juaxruxin tsakeꞌe sen titikaon chijnie ndo Dio, chijni jitaxin xroon jiꞌi ko chronga ngeꞌe xrokonda tuinxin tsonꞌen.