Apocalipsis 22:19 - El Nuevo Testamento

¹⁹ Ko siá xrojan ngisen tsantsjendeꞌe xrojan chijni jitaxin xroon jiꞌi, ndo Dio sincheméꞌe ndo xranchi tinꞌin sen jitaxin xroon chónda juachaxin tsechónni kain nchakon ko tsajonꞌa ndo juachaxin tixinꞌin sen tjajna natjúá xranchi jitaxin xroon jiꞌi.

Apocalipsis 22:19 ပူးပေါင်းရင်းမြစ်များ

San Lucas 11:52

’¡Tsango tangi tsonꞌannta jaꞌanta xro tjakonta ley! Ixi jaꞌanta chondanta xroon jitaxin kain ti tetuanꞌan ndo Dio ko jaꞌanta tjaunꞌanta titikaonnta, ko tingijnaꞌinta ni tjaun tsitikaon.

Apocalipsis 1:3

Juaxruxin tsakeꞌe sen sinchekuanxin xroon jiꞌi ko tsinꞌen sen chijni chronga ngeꞌe tsonꞌen, ko kaxon juaxruxin tsakeꞌe sen tsitikaon ngeꞌe nichja xroon ixi tuinxin tsi̱i̱ nchakon tsonꞌen jiꞌi.

Apocalipsis 11:2

*Ko tjatichuaꞌia ntasien ningue ndo Dio ixi ntiꞌa tsayéꞌe ni jeꞌa tjajnée ndo Dio, ixi tsetuenꞌen na̱ tjajna Jerusalén ko xrochóndeꞌa na̱ juasaya tjajna, níi nano ko tuꞌo.

Apocalipsis 13:8

Kain ni nunte xasintajni kuajon na̱ juasaya ngajin iku tsango chjinga jii, kain ni jitaxinꞌa xranchi tinꞌin na̱ ngaya xroon ti jitaxin kain sen tsechón kain nchakon ti xrakoꞌa nunte xasintajni, meꞌe xroen Xjantuchjon, Xjantuchjon tsikajon ndo Dio kuenꞌen.

Apocalipsis 14:13

Tjumeꞌe kui̱nꞌa̱n naa tée sen nichja kui̱xi̱n ngajní ko ndachro: ―Ikjian jiꞌi: “Jai xrangíxin juaxruxin tsakeꞌe sen titikaon Ncháina ko tsenꞌen sen.” Jaán, ndachro Espíritue ndo Dio, ixi jeꞌe sen tsjokéꞌe sen, ísincheꞌa sen ixra̱ tangi kuancheꞌe sen ixi ndo Dio tsjengeꞌe ndo sen ꞌna̱ ixi ti jian ixra̱ juincheꞌe sen.

Apocalipsis 2:11

*Ngisen chao tinꞌen, tsinꞌen sen ngeꞌe ndachro Espíritue ndo Dio ngajin ngujngu niꞌngo: Ngisen tsjacha tsatsinga kain ngeꞌe tangi ko tsitikaonna, xroꞌan ngeꞌe tsonꞌen aséen sen ti yuxin tsenꞌen chujni.”

Apocalipsis 2:26

Ko sen tsjacha sincheꞌe kain ngeꞌe tjaꞌon janꞌan kain nchakon ti tsjexinja kain ngeꞌe jii ngataꞌa nunte xasintajni, xrotjáꞌa sen juachaxin tsetuenꞌen sen kain tjajna.

Apocalipsis 2:7

*Ngisen chao tinꞌen, tsinꞌen sen ngeꞌe ndachro Espíritue ndo Dio ngajin ngujngu niꞌngo: Sen tsjacha tsatsinga kain ngeꞌe tangi ko tsintueꞌa sen tsitikaonna sen, janꞌan xrotjáꞌa sen juachaxin sine sen itu tajon nta̱a̱ tajon juachaxin tsechónni kain nchakon, nta̱a̱ meꞌe jii nta̱a̱ ti tetuanꞌan ndo Dio.”

Apocalipsis 21:2

*Janꞌan Juan bikon naa tjajna ijié ko tjúá, meꞌe tjajna Jerusalén natjúá, xingajinxin ngajní kui̱xi̱n ti jii ndo Dio, ko kain sen tjajna meꞌe tsikonchjian sen xranchi naa nchrichajan tsuteꞌe, tsango chaxro tsikitsojin nchrichan ixi tsi̱i̱ ndo tsuteꞌe nchrichan.

Apocalipsis 21:5

Ko ndo jitaꞌa trono ndachro ndo: ―Janꞌan ntakonchjian kain ngeꞌe natjúá. Ko kaxon ndachro ndo: ―Ikjian jiꞌi ixi jiꞌi chijni nduaxin, chijni chao tsitikaon chujni.

Apocalipsis 22:12

―Jian tinꞌennta, janꞌan tuinxin tsjiꞌi ko tsikian kain ti tikinixin tsayéꞌe ngujngu sen xranchi ixra̱ juincheꞌe sen.

Apocalipsis 22:2

Ko ngusine chaꞌo ijié chónda tjajna ngujngu lado ti jitinga nda tjúá jii nta̱a̱ tajon juachaxin tsechón chujni ko ngujngu nchanitjao tajon nta̱a̱ itu, ko chaan nta̱a̱ meꞌe xro̱a̱n tsoxruenxin chujni kain nación.

Apocalipsis 22:7

―¡Janꞌan tuinxin tsjiꞌi! Juaxruxin tsakeꞌe sen titikaon chijnie ndo Dio, chijni jitaxin xroon jiꞌi ko chronga ngeꞌe xrokonda tuinxin tsonꞌen.

Apocalipsis 3:12

*Sen tsjacha tsatsinga kain ti tangi, sen meꞌe tsakée sen xranchi nta̱siji jingiꞌe ningue ndo Ndotána Dio ko í naiꞌa tsachrjexin sen ntiꞌa. Ko janꞌan xrokjin ngataꞌa sen xranchi tinꞌin ndo Dio ko xranchi tinꞌin tjajnée ndo, tjajna natjúá, tjajna Jerusalén, tsi̱ꞌxi̱n ngajní ti jii ndo Dio. Kaxon xrokjin xranchi natjúá tsiꞌina janꞌan.

Apocalipsis 3:21

Ko ngisen tsjacha tsatsinga kain ngeꞌe tangi, janꞌan xrotjáꞌa sen juachaxin tsakeꞌe sen ngajin ti ritetuanꞌan; xranchi janꞌan juácha kuatsinga kain ngeꞌe tangi ko Ndotána chjána ndo juachaxin tsakeꞌe ti tetuanꞌan jeꞌe ndo.