Apocalipsis 19:6 - El Nuevo Testamento

⁶ Kui̱nꞌa̱n xranchi xronichja kueya chujni, xranchi tinꞌenni xroin yeꞌe inda jitinga ko xranchi ti séen tjateé jindachro: ―¡Juasaya! Juasie Ncháina Dio, ixi ó kuaxi tetuanꞌan ndo, ndo chónda kain juachaxin.

Apocalipsis 19:6 ပူးပေါင်းရင်းမြစ်များ

Mateo 6:13

Tintueꞌanta ixi ti ndakoꞌa sintaꞌana, ko tájonꞌanta juachaxin ixi xrojan ngeꞌe sinchena̱na Xixronꞌanxrée ixi jaꞌanta tituanꞌannta kain ngeꞌe ko chondanta ijié juachaxin kain nchakon. Jaña tsonꞌen.

Apocalipsis 1:15

Ko tutée ndo xranchi chika bronce tóngíxin tsikachrjexin naa itja. Ko ti nichja ndo tinꞌenni séen xranchi xroin yee nda jitinga.

Apocalipsis 1:8

*“Janꞌan ti xrangíxixión ritjén ko janꞌan tsakeꞌe ti tsjexixin kain ngeꞌe, xranchi letra Á xrangíxixión kain letra ko letra Zeta tjexixín”, jaña ichro Ncháina ndo Dio, ndo tsango tetuanꞌan. Jeꞌe ndo jichón ndo jai ko ó bakeꞌe ndo saꞌó ko ndo xrokjan tsi̱i̱ íjngo.

Apocalipsis 12:10

Tjumeꞌe kui̱nꞌa̱n naa sen séen nichja ngajní ndachro sen: ―Ó kui̱i̱ juachaxien ndo Dio naꞌina tsantsje ndo ijie̱ ko kui̱i̱ juachaxin tsetuanꞌan ndo Cristo ixi ó kuachrjexin ngajní Xixronꞌanxrée tjankataꞌa ijie̱ ngajin sen kichuuna, tiie, nchakon, jeꞌe xa tankataꞌa xa ijie̱ ngajin sen, ngajinxin ndo Dio naꞌina.

Apocalipsis 14:2

Ko kui̱nꞌa̱n naa ngisen nichja, tée sen kui̱xi̱n ngajní, tinꞌenni xranchi xroin yee inda jitinga o̱ xranchi séen tjateé, ko xranchi tinꞌenni ti ste kueya sen, sen stetinga sen arpa.

Apocalipsis 19:1

Ko kuatsinga jiꞌi, tjumeꞌe kui̱nꞌa̱n nichja kueya chujni ste ngajní ko séen nichja sen, ndachro sen: ¡Juasaya! Juasie ndo Dio ixi jeꞌe ndo kuajon ndo juachaxin stechónna ko jeꞌe ndo tsango tetuanꞌan ndo.

Apocalipsis 19:4

Tjumeꞌe sen ikán no tachríi ko sen noó stechón bakeꞌexin ntatuchiꞌin sen ko kuisée sen, ko kuajon sen juasaya ngajin ndo ndo Dio ndo jitaꞌa trono ko ndachro sen: ―¡Jaña tsonꞌen! ¡Juasaya ko juasie ndo Dio!

Apocalipsis 21:22

Ngaxinꞌin tjajna meꞌe bikonꞌa ninaa niꞌngo, ixi Ncháina ndo Dio, ndo chónda kain juachaxin, jeꞌe ndo ko Xjantuchjon jeꞌe sen meꞌe niꞌngo.

Apocalipsis 4:5

*Ko trono tikinixinꞌen ndo Dio tinꞌenni nichja sen, ko tjateé ko tóngíxin. Ko ngajinxin trono kaxon jiche ya̱a̱to̱ xroꞌi ko meꞌe ti ya̱a̱to̱ Espíritue ndo Dio.

Apocalipsis 6:1

Tjumeꞌe bikon ixi Xjantuchjon kuintjian xjan naa sello ti ya̱a̱to̱ sello ko kui̱nꞌa̱n nichja naa sen noó jichón ko nichja sen séen xranchi tjateé ko ndachro: ―Xrokuia ko tsjeꞌé.

Apocalipsis 8:5

*Ko ndo ángel kua ndo iꞌnti, ꞌnti meꞌe juinchekaon ndo ixi xruitja jii ngataꞌa altar ko juanka ndo iꞌnti meꞌe ngataꞌa nunte xasintajni. Meꞌe kuinꞌenni juatee ko kongíxin ko tsango kontengí nunte.