Apocalipsis 14:15 - El Nuevo Testamento

¹⁵ Tjumeꞌe inaa ndo ángel kuachrjexin ndo niꞌngo ko séen nichjeꞌe ndo ngisen jitaꞌa itjui̱ ko ndachro ndo: ―Tjangíxian tonchrijian ixi joso ixi ó kui̱i̱ nchakon tsandáa ixi ó tsicha ngeꞌe tsikoña nunte xasintajni.

Apocalipsis 14:15 ပူးပေါင်းရင်းမြစ်များ

Mateo 13:30

Nchakon xroxejo noa, meꞌe tsichuxinni noa trigo ko kañaꞌi. Tintuꞌenta ka tsangikaꞌo kichuu ka tsija nchakon xroxejo tse̱e̱. Meꞌe tsetuanꞌan sen nchexra̱ saꞌó tsjejo sen kañaꞌi, ko tsjasintja sen kichuu ka ko tsjaaka sen ka ixi xroꞌi, ko tjumeꞌe xroxraka noatrigo ko itsji noa ti tsasinꞌinni noa.”

Mateo 13:39

Ko xi toñao, xi kuenga kañaꞌi meꞌe Xixronꞌanxrée. Ko ti tsandáani meꞌe xrondachro nchakon tsoña̱ kain ijie̱ ko tsjexin kain ngeꞌe. Ko sen tsandáa meꞌe sen ángel neꞌe ndo Dio.

Mateo 23:32

Méxin, jai jaꞌanta tjaunnta sinchejexinnta ti kuancheꞌe sen tachríꞌanta.

Marcos 4:29

Ko nchakon ticha tse̱e̱ meꞌe xrokonda xrochrijin tse̱e̱.

1 Tesalonicenses 2:16

Méxin, nchakon tjaꞌonna xronichjaꞌana chujni jeꞌa judío chijnie ndo Dio, chijni tajon juachaxin tsechónni kain nchakon, ni judío kuintunaꞌina na̱ tsjakona. Jaña ícha tsama na̱ ijie̱. Ko jai tangi tsonꞌen na̱ ixi ó tsi̱i̱ juañaue ndo Dio ngataꞌa na̱.

Apocalipsis 11:19

*Tjumeꞌe xitjeꞌe̱ nta̱chja ningue ndo Dio ti jii ngajní, ko ngaxinꞌin niꞌngo tikonni ti jitjinga ngeꞌe tsiketuanꞌan ndo Dio. Ko tsango kongíxin ko tsango juatee ko tsango kontengí nunte ko tsango kuania tuni.

Apocalipsis 13:12

Iku yuxin tsango chjinga jii chónda ba kain juachaxin xranchi juachaxin kuachónda iku saꞌó ko kuancheꞌe ba xrée iku chjinga jii saꞌó. Nchekateya ba kain chujni jii ngataꞌa nunte xasintajni xrokuajon na̱ juasaya ngajin iku tsango chjinga jii saꞌó, iku tsikoxruenꞌen ti tsikoniꞌe ba.

Apocalipsis 14:14

Tjumeꞌe bikon naa itjui̱ tjúá ko ntiꞌa jitaꞌa naa ndo jitsjeꞌe xranchi Chjenꞌen ndo Dio, xjan jongíꞌe xranchi chujni, ko naa corona chika oro jitaꞌa jaa ndo ko yaa ndo naa joso tsango yao.

Apocalipsis 14:16

Ko ndo jitaꞌa itjui̱ juinchekatsinga ndo joso nguixin nunte xasintajni ko juáꞌka ndo ngeꞌe tsikoña.

Apocalipsis 14:17

Tjumeꞌe inaa ndo ángel kuachrjexin ndo niꞌngo jii ngajní ko kaxon tikao ndo naa joso tsango yao.

Apocalipsis 14:18

Ko ti altar kuachrjexin inaa ndo ángel, ndo meꞌe tetuanꞌan ndo xroꞌi ko séen ndache ndo ndo ángel chónda joso yao: ―Tonchrijian ixi joso yao itsjé tu uva tsikoña nunte xasintajni ixi ó tsichje itu.

Apocalipsis 15:6

Ko niꞌngo kuachrjexin ya̱a̱to̱ ndo ángel tikao sen ya̱a̱to̱ ichin. Steyá ndo manta tjintee tjúá ko chaxro tóngíxin ko steteyá ndo cinta chika oro.

Apocalipsis 16:17

Tjumeꞌe ya̱tu̱xi̱n ndo ángel kuintjí ngeꞌe jitjiá copee ndo ngataon chrinto, ko ngaxinꞌin niꞌngo jii ngajní kuinꞌenni naa tée sen nichja tsango séen ndachro: ―Ó juexin konꞌen kain ngeꞌe.

Apocalipsis 6:10

Ko séen ndachro sen: ―Jaꞌanta Ncháina tjúánta ko jiannta ko kain nchakon ndachronta ngeꞌe nduaxin. ¿Ngisa sinchéñanta ijie̱ ngajin ni kóñana, ni ste nunte xasintajni?