2 Pedro 2:1 - El Nuevo Testamento

¹ Saꞌó bakeꞌe ni ndakoꞌa kuachronga chijnie ndo Dio tjajna Israel, ko jai ste ni jaña ncheꞌe. Jeꞌe na̱ imao sintakuanꞌannta na̱ ngeꞌe nduaxinꞌa ko meꞌe tsitjáñaxin asáanta ixi xrondachro na̱ ixi Ncháina juaꞌi sincheméꞌe ndo ijie̱ chondana. Ko kondeexin meꞌe, jeꞌe na̱ naatsitjáñaxónna.

2 Pedro 2:1 ပူးပေါင်းရင်းမြစ်များ

Mateo 10:33

*Ko ngisen xrondache chujni ixi janꞌan chuxinꞌana sen, janꞌan kaxon xrontatjan Ndotána jii ngajní ixi janꞌan chuxinꞌa sen.

Mateo 24:11

Ko kueya xi xrondachro xa ixi jeꞌe xa nichja xa chijnie ndo Dio ko jaña sincheyeꞌe xa kueya chujni.

Mateo 24:24

Ixi tsonoxin kaxin xi xrondachro xa jeꞌe xa ndo Cristo ko kaxin xa xrondachro xa ixi jeꞌe xa nichja xa chijnie ndo Dio ko tsjako xa ijié juachaxin ko ijié ixra̱ sincheꞌe xa, jaña tjaun xa sincheyeꞌe xa chujni tsikincheꞌe ndo Dio.

Mateo 24:5

Ixi tsi̱i̱ kueya chujni xronichja na̱ xranchi janꞌan ko jaꞌin xrondachro na̱: “Janꞌan ndo Cristo.” Ko sincheyeꞌe na̱ kueya chujni.

Mateo 7:15

’Tsjeꞌenta jian ixi kueya ni ndachro ixi jeꞌe na̱ nichja na̱ chijnie ndo Dio ko nduaxinꞌa. Jeꞌe na̱ tetsáa na̱ xranchi naa kutuchjon, ko ngaya aséen na̱ ncheꞌe na̱ xranchi naa kundanixra tsango jieꞌe.

Marcos 13:22

Ixi tsi̱i̱ kaxin na̱ xrondachro na̱ ixi jeꞌe na̱ ndo Cristo ko kaxon kaxin na̱ ndakoꞌa tsjako na̱ ko tsjakoxin na̱ naa ixra̱ ijié ixi tjaun na̱ sincheyeꞌe na̱ chujni ko kaxon ngajin sen titikaon ndo Dio.

San Lucas 12:9

Ko ni xrondachro chuxinꞌana na̱ ngatoxin ikon chujni, janꞌan kaxon xrondachrja̱n ngajin sen angéel kondee ndo Dio ixi chúxinꞌa sen kaxon.

San Lucas 21:8

Ndo Jesús ndachro ndo: ―Tsjeꞌenta jian ixi xroꞌan ngisen sintayaꞌanta. Ixi tsi̱i̱ kueya na̱ xrondachro na̱ ixi jeꞌe na̱ ndo Cristo na̱, ko xrondachro na̱: “Ó tsitjáña nunte.” Jaꞌanta titikaonꞌanta ti ndachro ni meꞌe ko rueꞌanta na̱.

San Lucas 6:26

’Lastunta jaꞌanta ixi jai kain chujni chaxro nichjaꞌanta na̱ ixi jaña kaxon kuanichjeꞌe ni tachríꞌanta chujni ndakoꞌa bajako chijnie ndo Dio.

Romanos 16:18

Sen jaña ncheꞌe, jeꞌa xrée Ncháina Jesucristo ncheꞌe sen. Jeꞌo ncheꞌe sen ngeꞌe tjaun sen ko ti xraxaon sen, ko chaxro nichjeꞌe sen chujni xranoeꞌa ko jaña ncheya sen ngajin sen.

1 Corintios 11:19

Xrokonda tsonꞌen jaña ixi jaña xrokonoaxinnta ngisen nduaxin titikaon Ncháina ko ngisen naꞌi.

1 Corintios 6:20

Ndo Dio kuenaxinna ndo ixi naa ngeꞌe tsango tjintee. Méxin, tájonnta juasaya ngajin ndo Dio ixi cuerpoanta ko nchijíi asáanta ixi kayui jiꞌi tikinixinꞌen ndo Dio.

1 Corintios 7:23

Ndo Dio tsango tjintee kuenaxinna ndo jai̱na. Méxin, tájonꞌanta juachaxin ixi inaa sen tsituanꞌannta.

Gálatas 2:4

Maski kaxin sen ndachro ixi kichuuna sen ko jeꞌa nduaxin. Ni meꞌe imao tsijikeꞌe na̱ ngakjenꞌen sen kichuuna ixi stesaya na̱ xranchi tajonni juasaya ngajin ndo Cristo ko ti tjaun na̱ íjngo xrokjanna tsitikaonna ley. Ni meꞌe tjaun na̱ xrokua sen kichuuna chjiꞌe ni judío.

Gálatas 3:13

Ndo Cristo kuantsjexinna ndo ti xrobikaonxinna kondee ley. Ndo Cristo kuenito na̱ ndo nta̱cru kondeexin jíei̱na. Ixi ndachro xroon chijnie ndo Dio: “Ndo Dio tsjankataꞌa ndo ijie̱ kain ni tenito naa nta̱a̱.”

Gálatas 4:17

Ni ntakateyánta tsitikaonnta ley íjngo, jeꞌe na̱ tsango jian nichjaꞌanta na̱. Ko jeꞌa nduaxin meꞌe ixi jeꞌe na̱ tjaun na̱ tsantsjendantana, ko tjumeꞌe jaꞌanta xroruéꞌenta na̱.

Gálatas 5:20

ko ti chóndeꞌe na̱ juasaya ídolo, ko itji na̱ ngajin ni tuso, ko ningakonꞌen na̱ inaa chujni, ko tochjio na̱, ko tuinxin toñao na̱, ko tjaun na̱ jeꞌo na̱ xrochónda na̱ itsjé ngeꞌe, ko nchekateya kichuu na̱ ixi tsachrjendáa na̱,

Efesios 1:7

*Ndo Dio tsango tjuai̱na ndo, méxin, kuajon ndo Chjenꞌen ndo, ndo Jesucristo kuenꞌen ndo, ko jaña juenga ndo ꞌna̱ ti sinkana.

Efesios 4:14

Ko jaña jai̱na ísincheꞌana xranchi xjan nchínchín, xjan jaiko tindoxin ngeꞌe xraxaon xranchi chrinto itji nango ko nango, ko méxin titikaon xjan ngeꞌe tjako ikaxin chujni ñaꞌi ncheyeꞌe na̱ xjan ko jaña taxi titikaon xjan kaxin chijni ndakoꞌa jii.

Filipenses 3:19

Ko ni meꞌe tsi̱i̱ nchakon tsitjáña na̱ ixi jeꞌe na̱ jeꞌo xraxaonna ti sine na̱ ko ti tsitsáa na̱ ko nchejié aséen na̱ ixi ti ndakoꞌa ncheꞌe na̱ ko xraxaon na̱ ngeꞌe jii ngataꞌa xasintajni. Kain jiꞌin xrokjui xranchi naa dio neꞌe na̱.

Colosenses 2:18

Tintueꞌanta ixi xrojan ngisen sintayaꞌanta ixi ncheꞌe na̱ xranchi xrokjui na̱ jian na̱ ko tajon na̱ juasie na̱ ngajin sen ángel. Ni meꞌe ndachro na̱ ixi kuxienxin na̱ naa ngeꞌe ijié ko méxin nchejié na̱ aséen na̱ ixi ngeꞌe xraxaon na̱.

Colosenses 2:8

Jian tsjeꞌenta ixi xroꞌan ngisen sintayaꞌanta ixi jeꞌe na̱ jeꞌo tjako na̱ ti xraxaon na̱ ko ti xraxaon chujni nunte xasintajni, ko tjakoꞌa na̱ ti tjaun ndo Cristo.

1 Timoteo 5:8

Ko siá xrojan ngisen tsingijnaꞌi sen kichuu sen ko sen ndoꞌa sen, sen meꞌe tjako sen ixi nduaxinꞌa titikaon sen ndo Dio ko ícha ñaꞌi sen ixi ni chúxinꞌa ndo Dio.

2 Timoteo 4:3

Ixi tsi̱i̱ nchakon ítjaunꞌa na̱ tsinꞌen na̱ chijni jian. Tsjée na̱ itsjé ni sinchekuenꞌen na̱ ko xrondache na̱ ni meꞌe jeꞌo tsjako na̱ ngeꞌe tjaun na̱ tsinꞌen na̱.

Tito 1:11

Ni meꞌe xrokonda tsijeꞌe̱ni roꞌa na̱ ixi nchetjáñajin na̱ kain sen ste naa nchia ixi jeꞌo tjako na̱ ngeꞌe nduaxinꞌa ko jeꞌa jian, ixi jaña tsjacha na̱ kueya tomi.

Tito 3:10

Siá kondeexin xrojan ngisen tjaun xrojan sen niꞌngo tsinkaxinton sen, nichjeꞌé sen kondeexin meꞌe naa o̱ yuu vez ixi ndako sincheꞌe sen ko siá tsienxinꞌa sen, ndache sen satsjixin sen niꞌngo,

Hebreos 10:29

Xraxaonnta xranchi ícha tangi tsonꞌen ni xronichja kontree Chjenꞌen ndo Dio, ko ni titikaonꞌa juachaxin chónda jnié xjan. Ni xraxaon jaña kaxon nichjangíꞌe na̱ Espíritue ndo Dio, ndo tjaunna, ko titikaonꞌa na̱ jnié ndo Cristo kui̱xi̱n juachaxin natjúá, ko ijni̱ meꞌe juinchetjúáxin ndo Dio aséen sen titikaon chjenꞌen ndo.

1 Pedro 1:8

Jaꞌanta titikaonnta ndo Jesucristo ko tjueꞌenta ndo maski tikonꞌanta ndo ko tsango cháꞌanta ko juaꞌi xrondachronta ti tsango chaxro juaxruxin meꞌe chondanta,

2 Pedro 2:3

Ni tjako jaña tjaun na̱ xrochónda na̱ itsjé tomi, ko tsjacha na̱ tomi meꞌe ixi tsjako na̱ naa chijni nduaxinꞌa. Ko meꞌe tsamaxin na̱ ijie̱ ko jaña tsitjáña na̱.

1 Juan 2:26

Méxin, kjinꞌannta xroon jiꞌi ixi ste chujni tjaun sintayaꞌanta.

1 Juan 4:1

Jaꞌanta kichuuna, titikaonꞌanta kaxin ni ndachro ixi jeꞌe na̱ nichjaxin na̱ Espíritue ndo Dio. Jaꞌanta tsjeꞌenta á nduaxin nichjaxin na̱ Espíritue ndo Dio o̱ naꞌi. Ixi ntiꞌi ngataꞌa nunte jii kueya ni ncheya ixi ndachro na̱ jeꞌe na̱ nichjaxin na̱ espíritue ndo Dio ko nduaxinꞌa meꞌe.

Judas 1:18

*ti kuandachro sen ixi nchakon tsjexixin nunte xasintajni tsi̱i̱ ni tsitikaonꞌa ko xronichjangíꞌe na̱ ngeꞌe tjaun ndo Dio ko xrotjaun na̱ tsitikaon na̱ ngeꞌe ñaꞌi ndachro aséen na̱.

Judas 1:4

Richonda juachjaon ixi ste kaxin ni ncheya ti no stenta. Ó saꞌó nichja xroon chijnie ndo Dio xranchi tangi tsonꞌen chujni meꞌe. Jeꞌe na̱ titikaonꞌa na̱ ndo Jesús, ndo naakua Ncháina, ko ndachro na̱ ixi ndo Dio tjaunna ndo, méxin, chao sintuꞌuna ngixeꞌi ngeꞌe ndakoꞌa.

Apocalipsis 13:14

Iku yuxin tsango chjinga jii juincheyeꞌe ba itsjé chujni ixi ti ixra̱ ijié juincheꞌe ba ixi tsikayéꞌe ba juachaxin tsikajon iku saꞌó tsango chjinga jii, ko juinchekateya ba chujni ixi sinchéña na̱ naa tjatuꞌo xrotsjeꞌe xranchi jii iku saꞌó, iku tsikoniꞌe ixi chika espada ko kuenꞌa ba.

Apocalipsis 2:13

Janꞌan chúxin kain ngeꞌe stencheꞌenta ko nóna ixi stenta ti no tetuanꞌan Xixronꞌanxrée, ko jaꞌanta xratitikaonninta. Ko kuintueꞌanta chuntiantana maski ntiꞌa kóña na̱ ndo Antipas, ndo jian kuitikaonna janꞌan.

Apocalipsis 2:9

Janꞌan chúxin kain ngeꞌe ncheꞌenta ko nóna xranchi tangi stenta ko nóanta maski jaꞌanta chondanta itsjé ngeꞌe jian ngaya asáanta, ko nóna kaxon ixi chinga nichja na̱ ixi jaꞌanta, ni ndachro judío na̱, jeꞌe na̱ xraxaon na̱ judío na̱ ko jeꞌa nduaxin meꞌe; jeꞌe na̱ tikinixinꞌen na̱ ningue Xixronꞌanxrée.

Apocalipsis 3:8

Janꞌan nóna kain ngeꞌe ncheꞌenta, ko ngajinxinnta bakée naa nta̱chja jixrangeꞌe ko xroꞌan ngisen chónda juachaxin tsijeꞌe̱ nta̱chja. Nóna ixi maski jiéꞌa juachaxin chondanta, kuitikaonnta kain ngeꞌe tjaꞌon, ko naiꞌa tosuaꞌanta ixi chuxinninta.

Apocalipsis 5:9

Ko sen noó jichón ko sen ikán no sen tachríi itsje̱ sen naa soon natjúá: Jeꞌo jaꞌanta tikinixinꞌannta tsayeꞌenta xroon ko tsintjiannta ti sello chónda libro; ixi jaꞌanta naakóñaxónnta na̱ ko jníanta kuenaxinnta chujni ste kain tjajna, sen nichja kain ngigua, tjajna nchínchín ko tjajna ndua ixi xrokuayéꞌe ndo Dio sen.

Apocalipsis 6:10

Ko séen ndachro sen: ―Jaꞌanta Ncháina tjúánta ko jiannta ko kain nchakon ndachronta ngeꞌe nduaxin. ¿Ngisa sinchéñanta ijie̱ ngajin ni kóñana, ni ste nunte xasintajni?