Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Corintios 6:6 - El Nuevo Testamento

6 Ko maski kain ña̱ juinchena̱na na̱, xroꞌan ngisen xrondachro ixi ndakuaꞌi juintaꞌana ixi nónana ngeꞌe nduaxin, takaꞌi chjána̱na juañao, ko jian nichjaꞌana na̱ ixi Espíritue ndo Dio jii ngajinna, ko nduaxin tjuaꞌana chujni,

အခန်းကိုကြည့်ပါ။ ကော်ပီ




2 Corintios 6:6
41 ပူးပေါင်းရင်းမြစ်များ  

Ko nchijíi asáanta xrotjueꞌe kichuunta. Tintuꞌenta kain ngeꞌe ñaꞌi ko xraxaonnta kain ngeꞌe jian.


Ixi juachaxien Espíritue ndo Dio juintaꞌa itsjé ixra̱ ijié ko juintakuanꞌan na̱ chijnie ndo Cristo ixi jaña tsechónna kain nchakon. Ko juangíxin juáko tjajna Jerusalén ko kain tjajna tjenka ntiꞌa ko nguixin no Iliria.


Espíritue ndo tajon juachaxin ngajin kaxin sen tsonoꞌe sen chijni tsango jian, ko ngajin ikaxin sen tajon ndo juachaxin tsango jian xronichja sen chijnie ndo.


Ko sen tjueꞌe sen kichuu toñaoꞌa sen taka, ko jian aséen sen, ko jeꞌa tochjio sen, nchejiéꞌa aséen sen, ko ndachroꞌa sen ixi tsango noꞌe sen,


Xranchi ndachro xroon chijnie ndo Dio: “¿Ngisen xrokonoꞌe xranchi xraxaon Ncháina Dio? ¿Ngisen chao xrojuinchekuenꞌen ndo?” Ko jai̱na chondana juachaxien Espíritue ndo, méxin, xraxaonna xranchi xraxaon ndo Cristo.


Ti nichja, nichjaꞌi xranchi naa ngisen tsango noꞌe. Jeꞌo kuintuꞌa ixi Espíritue ndo Dio bingijnana nichja ixi sintakuanꞌanta kain juachaxin chónda ndo Dio,


Siá xrataꞌi chaꞌo ixi tjasotsjaꞌanta tjajna Corinto xranchi xraxaꞌon, ndo Dio noꞌe ndo ixi jeꞌa ixi tjaunꞌa tsjaso. Naꞌi, xrasatjiꞌa ixi tjaunꞌa sintaniꞌa asáanta ixi tuinxin tjaso.


¿Sonda ndachrja̱n jaꞌin? ¿Á ixi tjaunꞌanta? Ndo Dio noꞌe ndo ixi tsango tjuaꞌanta.


Ixi siá tsi̱i̱ xrojan ngisen tjako inaa ndo Cristo, ko inaa espíritu ko inaa chijni ti jeꞌa juako janꞌanna, jaꞌanta tintuꞌenta ni meꞌe ncheꞌe na̱ ti tjaun na̱ ko meꞌe jaꞌanta ntaꞌanta juaxruxin.


Ko maski jeꞌa ícha jian nichja janꞌan, nduaxin ícha nóna chijnie ndo Dio ko ó itsjé vez juakoꞌanta ixi ícha nóna.


Ko janꞌan tsango ijié juaxruxin chonda ixi sintexianxin tomina ixi jaꞌanta, ko janꞌan kaxon, maski ícha taka tsondaxíina, ixi sintaꞌa ixra̱ ngajinnta ixi janꞌan tsango tjuaꞌa asáanta, ko maski janꞌan ngujngu nchakon ícha tjuaꞌanta ko jaꞌanta ícha tjaunꞌantana.


Méxin, jaꞌin kjinꞌannta jai ti ritjén ikjín ixi nchakon tsjasotsjaꞌanta xrokondaꞌi ícha tsuyakutéenta. Ixi janꞌan chonda juachaxin, juachaxin chjána Ncháina, ko juachaxin meꞌe xrokonda tsingijnaxinnta ixi ícha tsitikaonnta ndo ko jeꞌa ixi sincheniꞌe asáanta.


Ko siá jaꞌanta tjáñaꞌanta ti ndakoꞌa juincheꞌe xa, kaxon janꞌan ó tjáñana ngeꞌe juincheꞌe xa. Méxin, siá xrojan ti ndakoꞌa juincheꞌe xa, janꞌan ó tjáñana meꞌe, ixi jaꞌanta jian tsinteenta. Ko ndo Cristo noꞌe ndo ixi ndatjáñana ngeꞌe juincheꞌe xa.


Ko nchakon ikjinna xroon xruanꞌananta, tsango jitoniꞌe aséenna ko tsjanga kaxon. Ko jeꞌa ikjin xroon ixi kaxon xrokoniꞌe asáanta. Naꞌi, jaña juintaꞌa ixi tjaꞌon xrokonoꞌanta ixi tsango tjuaꞌanta.


Meꞌe tsikonxinni ixi jaꞌanta xrokjuinta xranchi naa xroon chrjikiꞌanna tsikjin Ncháina Jesucristo tsonoexin chujni ixi ixra̱ jian ntaꞌana. Ko jeꞌa ixi ndanaꞌó tsikjinxin ndo xroon meꞌe. Naꞌi. Jeꞌe ndo kuajon ndo Espíritue ndo ti jichón kuayeꞌenta. Ko jeꞌa ngataꞌa naa xro tsikjin ndo. Naꞌi. Jeꞌe ndo tsikjin ndo ngaya aséen chujni.


Ko ndo Dio kuetuanꞌan ndo ixi xroꞌi tsingasáñaxin ti naxixeꞌe, kaxon jeꞌe ndo juinchengasáña ndo ngaya aséei̱na ixi jaña xrochuxinna juachaxin ijié chónda ndo Dio, juachaxin tingasáñaxin ngaya ikon Cristo.


Tayaꞌnananta ngaya asáanta ixi xroꞌan ngisen juintaniꞌana, ko xroꞌan ngisen juintayaꞌana.


Tjateꞌenta, ¿á kuayéexinnta Espíritue ndo Dio ixi kuitikaonnta ley tsiketuanꞌan ndo Moisés?, o̱, ¿á kuayeꞌenta Espíritu ixi kuitikaonnta chijni jian kuinꞌennta?


Nchakon ndo Dio kuajon ndo Espíritue ndo ko juincheꞌe ndo itsjé ngeꞌe jian bikonta, ¿sonda jaña juincheꞌe ndo? Juincheꞌe ndo jiꞌi, jeꞌa ixi tsango kuitikaonnta ley. Naꞌi. Jaña juincheꞌe ndo ixi chuntianta chijni jian kuinꞌennta.


Ko Espíritue ndo Dio tajon ixi xrotjueꞌe kichuuna, ko juaxruxin tsojuna, ko tse̱to̱ꞌana, ko takaꞌi xrochjai̱na juañao, ko jian nichjeꞌe kichuuna, ko tjaunna tsingijnana inaa chujni ko ncheꞌena kain ngeꞌe ndachrona,


*Ko siá xrotsjeꞌenta xroon jiꞌi, tsonoꞌanta xranchi janꞌan ó kuianxin ngeꞌe tjaun ndo Cristo, ti xroꞌan ngisen kuanoꞌe.


*Nchejiéꞌanta asáanta ko jian nichjeꞌé kichuunta ko te̱to̱ꞌa ngajin sen kichuunta; tingijna kichuunta, meꞌe nduaxin xrotjueꞌé kichuunta.


*Cháña jian nichjeꞌenta kichuunta ko tikonóeꞌénta kichuunta ko tjáñaꞌanta xrojan ngeꞌe ndakoꞌa juincheko kichuunta, ixi jaña kaxon ndo Dio tjáñeꞌe ndo ijie̱ juincheꞌenta ixi Chjenꞌen ndo kuenxin xjan ixi ijie̱ kuachónda kain chujni.


Ko ndo Dio tjaun ndo tsonoꞌe sen jeꞌa judío ti tjintee kuanoeꞌa sen ó saꞌó, méxin Ndo Dio xruanꞌan ndo ndo Cristo ixi tsakeꞌe ndo ngajinnta, ko jeꞌe ndo tajon ndo juachaxin ixi tsayeꞌenta kain juachaxin ijié chónda ndo.


Ko jeꞌe ndo noꞌe ndo kain ngeꞌe noꞌe ndo Dio, meꞌe ti ícha tjintee.


*Ndo Dio tjuaꞌanta ndo ko tsikinchaꞌanta ndo ixi xrokjannta ni tikinixinꞌen ndo. Ko jaꞌanta ó kjannta ni natjúá, méxin, tikonóeꞌe kichuunta ko jian tinteenta ko nchejiéꞌa asáanta ko takaꞌi toñaonta.


Jaꞌanta noꞌanta ko noꞌe ndo Dio ixi jian kuinteena ngajinnta jaꞌanta chujni titikaon Ncháina Jesucristo ko xroꞌan ngisen tsjankataꞌana ijie̱ ixi xrojan ngeꞌe ndakoꞌa juintaꞌana.


Jian ncheꞌe ixi jaña tsjakua ngajin sen titikaon Ncháina Jesús. Jaꞌa jian tsjeꞌe ngeꞌe nichja, ko chóndeꞌe sen juasaya, jian tsjeꞌe xranchi tjueꞌe sen kichuua ko xranchi chuntia ndo Dio, xranchi jian tsajia. Jaꞌin sincheꞌe, meꞌe tsjanoaiꞌa sen maski tsango chajan jaꞌa.


Sen nachríi nichjeꞌé sen kaxon xranchi xrokjui janáa. Ko nchrichajan, nichjeꞌé nchrichan xranchi nichjeꞌé naa nchrichan kichuua; kain sen, jian nichjeꞌe sen.


Méxin jaꞌa ó kuangia ngeꞌe juintakuanꞌan. Ó noꞌa xranchi bakeꞌé ko ó noꞌa ixra̱ juintaꞌa. Ó noꞌa xranchi titikaꞌon Ncháina ko noꞌa ixi takaꞌi toñaꞌo ko noꞌa xranchi tjuaꞌa chujni. Ko noꞌa ixi maski ningakonna na̱, kuíntuaꞌi xrée Ncháina,


ko ntatsaꞌañaoan tsjakoa chijnie ndo Dio ixi nchijíi asáan, maski á tsinꞌen na̱ o̱ naꞌi. Nichjeꞌé na̱ jian ixi tsitikaon na̱ ko nchexraxaoan na̱ jian. Chonꞌén indao tsienxin na̱ ko jian tjakoa chijni.


Jaꞌa jian ncheꞌe kain ngeꞌe ixi jaña tsjakoxian ngajin kain sen ixi jaꞌa jian. Ko nchakon tsjakoa, chjenteꞌa ko tjakoa ti nduaxin.


Ko sen jian tsienxin ko jian xraxaon ti meꞌe ti̱ꞌxi̱n ngajin ndo Dio: sen meꞌe xrokonda tsjako sen ixi jian aséen sen ko tse̱to̱ꞌa sen ko tsingijna sen chujni ko tsitikaon sen ti jian ndachro sen kichuu sen, ko tsikonóeꞌe sen chujni ko jian sincheꞌe sen, ko xronichja sen ti nduaxin.


Ko ndo Dio juinchenoꞌe ndo sen ixi ngeꞌe chronga sen jeꞌa xrokonꞌen nchakon bakeꞌe sen. Kain jiꞌi xrokonꞌen nchakon stena jai. Jiꞌi chijni juakoꞌanta sen bajako chijni jian ixi juachaxin Espíritue ndo Dio kui̱xi̱n ngajní. Ko kain jiꞌi sen ángel kaxon tjaun sen xrobikon sen kaxon.


Ko jai ó kuitikaonnta chijni nduaxin ko ixi kuitikaonnta meꞌe kontjúá asáanta, méxin tjueꞌenta sen kichuunta ixi espíritue ndo Dio tingijnanta. Ko xrokonda xrotjueꞌe kichuunta ixi nchijíi asáanta.


Chjanꞌna, ti ndachrona ixi tjueꞌena sen kichuuna, xrokonda ixi nduaxin jaña sintuꞌuna, jeꞌa jeꞌo xronichjana.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ