1 Timoteo 1:3 - El Nuevo Testamento

³ Xranchi kuinóatáana ngajian nchakon sakjui̱ tjajna Macedonia, jaꞌa tituꞌa tjajna Éfeso ixi tsetuenꞌen kaxin ni ste ntiꞌa, ni ndakoꞌa tjako chijnie ndo Dio, ítsjakoꞌa na̱ jaña,

1 Timoteo 1:3 ပူးပေါင်းရင်းမြစ်များ

Hechos 18:19

Nchakon kuiji sen tjajna Éfeso kuintuꞌe ndo Pablo jan Priscila ko ndo Aquila ko sakjui ndo naa niꞌngo ko juao ndo ni judío tsixraꞌo ntiꞌa.

Hechos 18:21

Méxin, nichjeꞌe ndo na̱ ko ndachro ndo: ―Xrokonda tsakeꞌé tjajna Jerusalén nchakon tsi̱i̱ kia. Ko xrokjanna íjngo xrotsjaꞌanta siá tsituexin ndo Dio. Tjumeꞌe kuintuꞌe ndo na̱ ko kuixinꞌin ndo nta̱barco sakui̱xi̱n ndo tjajna Éfeso.

Romanos 15:26

Ixi sen niꞌngo nunte Macedonia ko sen niꞌngo nunte Acaya juaꞌo sen tomi ixi xroxruanꞌan sen ngajin sen kichuuna, sen nóa, ste tjajna Jerusalén.

Romanos 16:17

Kichuuna, tinóatáana ngajinnta jian tsjeꞌenta ngisen jitansetsjendaa sen kichuuna titikaon Ncháina. Sen meꞌe titikaonꞌa sen jian chijnie ndo Dio kuayéꞌe jaꞌanta. Méxin, cháña tjentoꞌanta sen.

2 Corintios 11:4

Ixi siá tsi̱i̱ xrojan ngisen tjako inaa ndo Cristo, ko inaa espíritu ko inaa chijni ti jeꞌa juako janꞌanna, jaꞌanta tintuꞌenta ni meꞌe ncheꞌe na̱ ti tjaun na̱ ko meꞌe jaꞌanta ntaꞌanta juaxruxin.

Efesios 4:14

Ko jaña jai̱na ísincheꞌana xranchi xjan nchínchín, xjan jaiko tindoxin ngeꞌe xraxaon xranchi chrinto itji nango ko nango, ko méxin titikaon xjan ngeꞌe tjako ikaxin chujni ñaꞌi ncheyeꞌe na̱ xjan ko jaña taxi titikaon xjan kaxin chijni ndakoꞌa jii.

Filipenses 2:24

Ko chuntia ngajin Ncháina ixi tuinxin tsjasotsjaꞌanta.

1 Timoteo 4:11

Kain jiꞌi tjakua ko tetuenꞌén sen sincheꞌe sen.

1 Timoteo 4:6

Ko siá jaꞌin sinchekuenꞌén sen kichuuna, meꞌe jaꞌa naa xi jian ncheꞌé xrée Ncháina Jesucristo, ko kain nchakon tangia chijnie Ncháina ko chuntia ngajin ndo.

1 Timoteo 5:7

Tetuenꞌén kain sen tsitikaon sen ti nchekuenꞌen sen, ixi jaña xroꞌan chujni xronichja ndakoꞌa ixi jeꞌe sen.

1 Timoteo 6:10

Ko ti ícha tjueꞌeni tomi, meꞌe nueꞌe kain ngeꞌe ñaꞌi, ko xrojan sen xraxaon sen xrochónda sen kueya tomi, meꞌe nchengachrue sen ko titikaonꞌa sen Ncháina Jesucristo, meꞌe tangi tsonꞌen sen.

1 Timoteo 6:17

Ko ni chónda kueya ngeꞌe ntiꞌi nunte xasintajni, ndache na̱ ixi sinchejiéꞌa aséen na̱ ko tetuenꞌen na̱ ixi xrochúntiaꞌi na̱ ngeꞌe chónda na̱ ixi kainꞌa nchakon xrochónda na̱ ti tjintee. Cháña tsitikaon na̱ ndo Dio, ndo jichón, ixi jeꞌe ndo tsajon ndo kain ngeꞌe ixi jeꞌe ndo tjaun ndo juaxruxin tsintee na̱.

1 Timoteo 6:3

Siá xrojan na̱ tjako na̱ ngeꞌe ndakoꞌa ko takeꞌa na̱ juaxruxin ixi chijnie Ncháina Jesucristo ko kaxon ngeꞌe titikaꞌonna,

2 Timoteo 1:18

Tjáncháꞌa̱ Ncháina ixi tsikonóeꞌe ndo ndo Onesíforo nchakon xrokjan ndo, ixi ó noꞌa jian xranchi bingijnana ndo ti bakeꞌe tjajna Éfeso.

2 Juan 1:7

Ngataꞌa nunte ntiꞌi ste kueya chujni ncheya ko titikaonꞌa na̱ ixi ndo Jesucristo jongíꞌe ndo ko bakeꞌe ndo ntiꞌi xranchi naa chujni. Ni jaña ndachro, ningakonꞌen na̱ ndo ko ncheya na̱.

Apocalipsis 2:14

Ko jii naa ngeꞌe nchenaꞌi juaxruxin ncheꞌenta. Ntiꞌa tjajna Pérgamo chondanta kaxin ni chroꞌa tintuꞌe ngeꞌe juako xi Balaam, xi meꞌe ndache xa xi Balac ixi sinchekateya xa sen Israelita sine sen ngeꞌe tsikajon na̱ ngajin ídoloe na̱ ko ti tjiakuenxin na̱ nchri.

Apocalipsis 2:20

Jii kaxin ngeꞌe nchenaꞌi juaxruxin ncheꞌenta ixi jaꞌanta tájonnta juachaxin tjako nchri Jezabel ko ndachro nchra ixi jeꞌe nchra nichja nchra chijnie ndo Dio, ko nduaxinꞌa meꞌe ixi jeꞌe nchra nchekateya nchra sen ncheꞌe ixra̱ ngajin, sine sen ti tsikajon na̱ ngajin ídoloe na̱ ko nchekateya nchra sen tsjiakuenxin sen kaxin nchri.