1 Pedro 2:2 - El Nuevo Testamento

² Ncheꞌenta xranchi chjan nchínchín nandá tsijongíꞌe jitayéꞌe xjan itsjin tsiꞌi xjan, jaña jaꞌanta tikakuenxinta tsinꞌennta chijnie ndo Dio ixi jaña tsjangixinnta sincheꞌenta ti jian ixi jaña tsaricho̱nnta kain nchakon,

1 Pedro 2:2 ပူးပေါင်းရင်းမြစ်များ

Mateo 18:3

*ko ndachro ndo: ―Nduaxin ntatjunta ixi siá tjaunnta tsixinꞌinnta ti tetuanꞌan ndo Dio, xrokonda tsindoxinnta ko tsaxi sincheꞌenta xranchi ncheꞌe naa xjan nchíín.

Mateo 19:14

Ko jeꞌe ndo Jesús ndachro ndo: ―Tintuꞌenta ichjan tsi̱i̱ xjan ngajin ko tingakuenꞌanta xjan ixi sen sincheꞌe xranchi ncheꞌe naa ichjan, sen meꞌe tikinixinꞌen sen tixinꞌin sen ngajní ti tetuanꞌan ndo Dio.

Marcos 10:15

*Ko xrontatjunta ixi ngisen xrokjanꞌi xranchi naa ichjan nchíín juaꞌi tixinꞌin sen ti tetuanꞌan ndo Dio.

San Lucas 18:17

Nduaxin xrontatjunta ngisen xrokjanꞌi xranchi naa chjan, juaꞌi tsayéꞌe sen ti tetuanꞌan ndo Dio.

Romanos 6:4

*Nchakon bikitéena, nchakon meꞌe kuenꞌenna ko xrabaana xranchi jeꞌe ndo ixi xroxechónna ko xrochondana juachaxin tsechónna kain nchakon ko jian tsajina, xranchi ndo Cristo xechón ndo ixi juachaxin ijié chónda Ndotée ndo, ndo Dio.

1 Corintios 14:20

Kichuuna, xraxaonꞌanta xranchi ichjan. Jaꞌanta ncheꞌenta xranchi ichjan ixi ichjan noeꞌa xjan ngeꞌe xrondachro ti ndakoꞌa. Jaꞌanta xraxaonnta xranchi naa sen cha.

Efesios 2:21

Ko Ncháina Cristo jeꞌe ndo nchesoji nchijíi nchia, jaña chao ícha tsajinꞌin nchia xranchi naa niꞌngo tjúá tikinixinꞌen Ncháina Jesucristo.

Efesios 4:15

Cháña chaxro xrotjueꞌe kichuuna ko xronichjana kain ngeꞌe nduaxin, meꞌe jaña sintuꞌuna xranchi tjaun ndo Cristo ixi jeꞌe ndo nduaxin tetuanꞌan ndo nchijíi ningue ndo.

2 Tesalonicenses 1:3

Kichuuna, kain nchakon xrokonda tsajonna juasiai̱na ixi jaꞌanta ngajin ndo Dio. Meꞌe tikinixin sintaꞌana, ixi jaꞌanta kain nchakon ícha chuntianta Ncháina ko ícha tjueꞌe kichuunta.

1 Pedro 1:23

Jaꞌanta ó jongíꞌanta íjngo. Jeꞌa xranchi tjongíꞌe naa chjenꞌen chujni tenꞌen. Jaꞌanta íjngo jongíꞌanta ixi kuitikaonnta chijnie ndo Dio, ndo jichón, ko xroꞌan ngisen sinchetjáña chijni meꞌe.

2 Pedro 3:18

Ko cháña ncheꞌenta jian, jaña ícha xrochuxinnta Ncháina Jesucristo, ndo ncheméꞌe ijie̱ chondana, ko jeꞌe ndo tsingijnanta ndo xrotjueꞌenta kain chujni. Tajonna juasaya ngajin Ncháina jai ko kain nchakon. Jaña tsonꞌen.