1 Juan 2:28 - El Nuevo Testamento

²⁸ Jai chjanꞌna, soji tinteenta ngajin Ncháina Cristo ixi jaña xroxrakonꞌanta nchakon tsonoxin ndo. Ko jeꞌa tsosuaꞌina nchakon tsinteena tjenka ndo, nchakon xrokjan ndo íjngo.

1 Juan 2:28 ပူးပေါင်းရင်းမြစ်များ

Mateo 16:27

*Ko Chjenꞌen Dio, xjan jongíꞌe xranchi chujni, tsikaꞌo xjan ijié juachaxin ko ijié chjiixro neꞌe Ndotée xjan, ndo Dio, ko kaxon tsikaꞌo xjan sen ángel neꞌe ndo ko tjumeꞌe tsjengeꞌe xjan ꞌna̱ ngujngu chujni ixra̱ juincheꞌe ngataꞌa nunte ntiꞌi.

Mateo 16:28

Ko nduaxin ntatjunta ixi kaxinnta ti stenta ntiꞌi xratsenꞌanta ko tsikonnta xranchi tsi̱i̱ Chjenꞌen ndo Dio, xjan jongíꞌe xranchi chujni, tsikaꞌo xjan ijié juachaxin ko tsituanꞌan xjan ntiꞌi.

Marcos 8:38

Ixi sen tsosueꞌe ixi titikaonna sen ko kao chijni nichja, stetikon ni ndakoꞌa ncheꞌe ko ni chónda ijie̱, kaxon chjenꞌen ndo Dio, xjan jongíꞌe xranchi chujni, tsosueꞌe xjan ko xrondachro xjan ixi chúxinꞌa xjan sen nchakon tsetuanꞌan xjan ti jii juachaxin ijié chónda Ndotée xjan ko kain sen ángel.

San Lucas 17:30

Jaña tsonꞌen nchakon xrokjanna janꞌan, chjenꞌen ndo Dio, xjan jongíꞌe xranchi chujni.

Romanos 9:33

Jaña chronga xroon chijnie ndo Dio: Bakeꞌé naa ixro tjajna Jerusalén, ixro tsontengíxin na̱ ko tseꞌe na̱ nunte. Ko ni titikaon ndo, jeꞌe na̱ xroxraxaonꞌa na̱ ixi jeꞌe ndo tsintuꞌe ndo na̱.

1 Corintios 1:7

Méxin, jaꞌanta ó chondanta kain juachaxin tajon Espíritue ndo Dio, íxroꞌan ngeꞌe titjáñaꞌanta ti xra stechonꞌennta xrokjan Ncháina Jesucristo.

1 Corintios 15:23

Jaꞌin xrokonda tsonꞌen, saꞌó xechón ndo Cristo, ko tjumeꞌe nchakon xrokjan ndo xroxechón kain sen chuntia ndo.

Efesios 3:12

Juasie ndo Cristo kuajon ndo juachaxin chao tsonchjiñeꞌena ngajin ndo Dio ko xroxronkaꞌi ixi jai̱na chuntiana ndo.

Colosenses 3:4

Ixi ndo Cristo chondaxina juachaxin stechónna ko nchakon xrokjan jeꞌe ndo, jaꞌanta kaxon tsakeꞌenta ngajin ndo ko tsikonnta juachaxin ijié chónda ndo.

1 Tesalonicenses 2:19

¿Ngeꞌe stechonꞌenna ko ngeꞌe stenchecháxinna?, ko, ¿sonda juaxruxin stena? Jaꞌanta stexin janꞌanna juaxruxin nchakon tsi̱i̱ Ncháina Jesucristo ixi kuitikaonnta ndo.

1 Tesalonicenses 3:13

Ko tjanchaꞌana ndo ixi sintasojinta ndo ixi nchijíi asáanta tsitikaonnta ndo ko jaña xroꞌan ijie̱ xrochondanta ngajin Ndotáina Dio nchakon xrokjan Ncháina Jesús ko tsikaꞌo ndo kain sen tjúá aséen.

1 Tesalonicenses 5:23

Ko ndo Dio, ndo tajon kain juaxruxin, jeꞌe ndo sinchetjúá ndo asáanta ko tsingijna ndo asáanta ko cuerpoanta ko tsingijna ndo xrochondaꞌinta xrojan ijie̱ nchakon xrokjan Ncháina Jesucristo.

1 Timoteo 6:14

ixi tsitikaoan ko tatsían kain ngeꞌe kuetuanꞌan ndo Dio ko tindoxinꞌa ngeꞌe noꞌa, ixi jaña xroꞌan chujni tsjankataꞌa ijie̱ tsitjaja nchakon xrokjan Ncháina Jesucristo.

2 Timoteo 4:8

Ko jai jeꞌo richonꞌan tsayáꞌa̱ naa corona ixi jian bakeꞌé ntiꞌi. Jiꞌi tsajon Ncháina nchakon tsi̱i̱ ndo. Jeꞌe ndo ndako sinchéña ndo ijie̱. Ko jeꞌa janꞌon tsayáꞌa̱ corona meꞌe. Naꞌi, kaxon kain sen tjueꞌe ndo ko stechónꞌen sen nchakon tsi̱i̱ ndo.

Tito 2:13

Kaxon tjakoi̱na ndo xranchi xrochonꞌenna nchakon tsi̱i̱ ndo Dio naꞌina, ndo Jesucristo, ndo chónda kain juachaxin ko tajon ndo juachaxin tsechónna kain nchakon.

Hebreos 9:28

Jaña kaxon ndo Cristo naakua vez kuenꞌen ndo ixi tsoméxin jíee kueya chujni. Ko tjumeꞌe tsi̱i̱ ndo íjngo, ko nchakon meꞌe ísincheméꞌa ndo ti ndakoꞌa juincheꞌe chujni. Jeꞌe ndo tsi̱i̱ ndo tsajon ndo juachaxin stechón kain chujni stechónꞌen xrokjan ndo.

1 Pedro 1:7

Ixi ti chuntianta Ncháina, meꞌe xranchi chika oro xrokonda tsatsinga chika chringi xroꞌi, ixi jaña tsonoxin á nduaxin jian chika o̱ naꞌi. Méxin, ícha tjintee xrochúntiani Ncháina, ixi chika oro ixi tjexin chika. Ixi siá titikaonnta Ncháina xrokonda tangi tsatsingaxinnta, ko jaña ndo Dio tsikon ndo á bikixiꞌanta ti tangi, meꞌe chao tsayeꞌenta juachaxin ko jian xronichja ndo Jesucristo ixi jaꞌanta nchakon tsi̱i̱ ndo.

1 Pedro 5:4

Ko nchakon tsi̱i̱ ndo Cristo, ndo nduaxin jian tingatjia kutuchjoen, jaꞌanta tsayeꞌenta naa corona chaxro, ko corona meꞌe naiꞌa tsjexin.

1 Juan 2:1

Jaꞌanta chjanꞌna, rikjiꞌanta chijni jiꞌi ixi sincheꞌanta ti ndakoꞌa. Ko siá xrojan jaꞌanta sincheꞌenta ti ndakoꞌa, jai̱na chondana ngisen xronichjaxinna ngajin Ndotáina Dio jii ngajní, ndo meꞌe ndo Jesucristo, ndo jian ko ndako nchéña ndo ijie̱.

1 Juan 3:2

Kichuuna, tsango tjuaꞌanta, ixi jai̱na ó ikjanna chjenꞌen ndo Dio, ko xratjakoꞌa ndo Dio xranchi tsojuna nchakon tsjexixin kain ngeꞌe. Ko ó noi̱na ixi nchakon tsi̱i̱ Ncháina Jesucristo jai̱na xrokjanna xranchi jeꞌe ndo, ixi nchakon meꞌe tsikonna Ndo xranchi jii jeꞌe ndo.

1 Juan 3:21

Kichuuna, siá tjangiaꞌina aséei̱na, meꞌe chao tsonchjiñeꞌena ngajin ndo Dio,

1 Juan 4:17

Jaña nduaxin jai̱na ícha jian tjueꞌena ndo Dio, ko nchakon sinchéña ndo Dio ijie̱ xroxronkaꞌina, ixi jai̱na ti stena ngataꞌa nunte ntiꞌi tjueꞌe kichuuna xranchi jeꞌe ndo Jesucristo tjueꞌe ndo kain chujni.

1 Juan 5:14

Jai̱na noi̱na ko titikaꞌonna ixi siá tsjancheꞌena Ndotáina Dio xrojan ngeꞌe ko siá tsjanchiana xranchi jeꞌe ndo tjaun ndo, meꞌe jeꞌe ndo tsinꞌen ndo ti tjancheꞌena ndo.

Apocalipsis 1:7

*Tsjeꞌenta. Ndo Cristo tsi̱i̱ ndo ngakjenꞌen itjui̱. Ko kain na̱ tsikon na̱ ndo ko kaxon ni ningakonꞌen ndo, ni naakóñaxón ndo ko kain ni tjajna jii nunte xasintajni xrotsjanga na̱ nchakon tsikon na̱ tsi̱i̱ ndo. Jaña tsonꞌen.