1 Corintios 15:29 - El Nuevo Testamento

²⁹ Jii ikaxin na̱ tikitéexin na̱ chujni ixi ni tsikenꞌen, ¿sonda jaña ncheꞌe na̱ siá titikaonꞌa na̱ ixi ni tsikenꞌen xroxechón na̱ íjngo?

1 Corintios 15:29 ပူးပေါင်းရင်းမြစ်များ

Mateo 20:22

Tjumeꞌe ndo Jesús ndachro ndo: ―Jaꞌanta noaꞌinta ngeꞌe tjanchianta. ¿Á chao jaꞌanta tsiꞌinta ti tsango itsjá tsiꞌi janꞌan ko ti itsjá meꞌe xrondachro ti chinga sinchena̱na ko tsintji jnina ko tsenꞌenna? Tjumeꞌe sen teyuu chrikao ndo ndachro sen: ―Jaán, chao.

Mateo 3:6

Ko kuachronga na̱ ti ndakoꞌa juincheꞌe na̱ ngajin ndo Dio ko tjumeꞌe ndo Juan bikitée ndo na̱ ti jii ndajitinga ndatinꞌin Jordán.

1 Corintios 15:16

Ko siá xechónꞌa sen tsikenꞌen, kaxon ndo Cristo xechónꞌa ndo.

1 Corintios 15:28

Ko tjumeꞌe nchakon tsjexin tsetuenꞌen ndo Cristo kain ngeꞌe, ndo Cristo, Chjenꞌen ndo Dio, kaxon tsitikaon ndo Ndotée ndo, ndo tsikajon juachaxin ngajin ndo Cristo. Ko jaña ndo Dio tikinixinꞌen ndo tsetuenꞌen ndo kain ngeꞌe.

1 Corintios 15:30

Ko, ¿sonda ngujngu nchakon tituexinna ixi naatsóñaxóna na̱?

1 Corintios 15:32

Ko nchakon bakeꞌé tjajna Éfeso kue̱to̱kiꞌan chujni ste ntiꞌa ixi jeꞌe na̱ ncheꞌe na̱ xranchi iko jieꞌe, ¿ko ngeꞌe xrojuacha janꞌan ti tsenꞌenna siá nduaxinꞌa xroxechón ni tsikenꞌen? Siá nduaxinꞌa jiꞌi, cháña ncheꞌena xranchi ndachro kaxin na̱: “Sinena ko tsuꞌuna ixi ndúya ndatsenꞌenna.”