1 Corintios 14:4 - El Nuevo Testamento

⁴ Ko ngisen nichja ikaxin ngigua jeꞌo tsingijna aséen sen ixi ícha tsonoꞌe sen juachaxien ndo Dio. Ko ngisen nichja ngeꞌe tjaun ndo Dio tsonoꞌeni, sen meꞌe tsingijna ikaxin sen niꞌngo ixi ícha tsonoꞌe sen.

1 Corintios 14:4 ပူးပေါင်းရင်းမြစ်များ

Marcos 16:17

Ko sen tsitikaonna janꞌan, sen meꞌe chao sincheꞌe sen naa ixra̱ jian, ixi tsayéꞌe sen juachaxin tsantsje sen espíritue Xixronꞌanxrée chónda kaxin na̱ ko kaxon xronichja sen jée ngigua.

Romanos 14:19

Méxin, ncheꞌena kain ngeꞌe tikaꞌo juaxruxin, ixi meꞌe tsingijna sen kichuuna ko jaña ícha tsitikaon sen Ncháina Jesús.

1 Corintios 12:10

Ko ikaxin sen tayéꞌe sen juachaxin sincheꞌe sen kaxin ixra̱ tsango ijié, ko ikaxin sen tayéꞌe sen juachaxin xrochronga sen ngeꞌe jindachro ndo Dio, ikaxin sen tayéꞌe juachaxin xrondachro sen ngeꞌe jinichjaxin chujni, á Espíritu jian o̱ espíritu ñaꞌi, ko ikaxin sen tayéꞌe sen juachaxin xronichja sen itsjé ngigua, ko ikaxin sen tayéꞌe sen juachaxin xrochronga sen ngeꞌe xrondachro ngigua meꞌe.

1 Corintios 12:28

*Ko ndo Dio kuincheꞌe ndo sen sincheꞌe xrée ndo ti niꞌngo, saꞌó kuincheꞌe ndo sen apóstol; tjumeꞌe kuincheꞌe ndo sen xrochronga ngeꞌe nichja ndo. Nínxin kuajon ndo juachaxin ngajin sen tsjako chijnie ndo, ko kaxon kuajon ndo juachaxin ngajin kaxin sen sincheꞌe sen kaxin ixra̱ ijié, ko kaxon kuajon ndo juachaxin ngajin ikaxin sen sinchexrjuenꞌen chujni niꞌe, ko kuajon ndo ngajin ikaxin sen juachaxin tsingijna sen ikaxin chujni, kaxon kuajon ndo juachaxin ngajin ikaxin sen tsetuanꞌan sen ixra̱ niꞌngo, ko kaxon kuajon ndo juachaxin ngajin ikaxin sen xronichjaxin sen inaa ngigua.

1 Corintios 13:1

Siá xronichja ikaxin ngigua ko xronichja xranchi nichja sen ángel, ko tjaunꞌa sen kichian, kain meꞌe xroꞌan tjintee ko xrokjanna xranchi naa ni̱tju̱a̱ jeꞌo tonkjan, o̱ naa chika séen tonkjan.

1 Corintios 13:2

*Ko siá xronichja chijnie ndo Dio, ko siá xrokuia̱nxin kain ngeꞌe xra noeꞌa ikaxin chujni, ko siá xrokonoi̱na kain ngeꞌe, ko ícha xrochu̱ntia ndo Dio ko chao xrontatjan naa ijna̱: tachrjengíxian ntiꞌi ko satjia nango, maski jaña sintaꞌa ko tjaunꞌa sen kichian, kain ti ntaꞌa xroꞌan tjintee.

1 Corintios 14:12

Méxin, jaꞌanta ti tsango tjaunnta tsayeꞌenta naa ixra̱ tajon Espíritue ndo Dio, tjanchianta kaxin ixra̱ tsingijna kain sen titikaon ixi jaña ícha jian tsitikaon sen.

1 Corintios 14:22

Ti xronichjaxin ikaxin ngigua tienxinꞌa na̱, ni titikaonꞌa Ncháina meꞌe tsikon na̱ ixra̱ jié neꞌe ndo Dio, ko jiꞌi tingijnaꞌi sen titikaon ndo. Ko chijni chronga naa ngeꞌe juinchenoꞌe ndo Dio, meꞌe tsingijna ngajin sen titikaon Ncháina Jesús, ko jeꞌa ni titikaonꞌa ndo.

1 Corintios 14:26

Méxin, kichuuna, ¿ngeꞌe xrokonꞌen? Nchakon xroxraꞌunta ti jii niꞌngo, itsje̱nta salmo, ko kaxinnta xrojuinchekuenꞌennta sen kichuunta, kaxinnta xrochronganta ngeꞌe juintanoꞌanta ndo Dio, kaxinnta xronichjaxinnta ikaxin ngigua tienxinꞌa sen, ko kaxinnta xrochronganta ngeꞌe xrondachro ngigua meꞌe. Kain jiꞌi tsonꞌen ixi sen niꞌngo ícha tsitikaon sen ndo Dio.

1 Corintios 14:3

Ko ngisen nichja ngeꞌe jichrónga ndo Dio, meꞌe xrokondeꞌe chujni ixi ícha jian sincheꞌe sen ko jaña tsakeꞌe sen juaxruxin.

1 Corintios 14:5

Janꞌan tjaꞌon ixi kainnta xronichjanta ikaxin ngigua tajon espíritue ndo Dio. Ko ícha jian ikaxinnta xrochronganta ngeꞌe tjaun ndo Dio tsonoꞌeni ixi ícha tjintee xrochronga sen ngeꞌe tjaun ndo Dio ixi ti xronichjani ikaxin ngigua. O̱ siá jeꞌe sen kaxon xrondachro sen ngeꞌe ti nichja sen ixi jaña tsienxin kain sen titikaon ndo Dio.