1 Corintios 14:24 - El Nuevo Testamento

²⁴ Ko siá xrochronganta naa ngeꞌe juintanoꞌanta ndo Dio, ko tixinꞌin naa ni titikaonꞌa Ncháina, o̱ tixinꞌin naa ni xratienxinꞌa, ko tsinꞌen na̱ ngeꞌe rinichjanta, xroxraxaon na̱ ixi jeꞌe na̱ ndakoꞌa juincheꞌe na̱.

1 Corintios 14:24 ပူးပေါင်းရင်းမြစ်များ

San Juan 16:8

Ko nchakon tsi̱i̱ ndo sinchexraxaon ndo chujni nunte xasintajni ixi chónda na̱ ijie̱, ko jii naa chaꞌo ndako xroruéꞌe na̱ ko ndo Dio sinchéñeꞌe ndo na̱ ijie̱.

San Juan 4:29

―Ichjina, tsikonnta naa ndo chronga kain ngeꞌe juintaꞌa. ¿Á jeꞌa ndo Cristo ndo meꞌe?

Hechos 2:37

Ko kuinꞌen na̱ jiꞌi, tjumeꞌe tsango koniꞌe aséen na̱. Ko juanchangiꞌe na̱ ndo Pedro ko sen kaxin kuincheꞌe ndo Jesús ko ndachro na̱: ―Kichianna, jai, ¿ingeꞌe sintaꞌana?

1 Corintios 14:1

Ícha tjéenta xrotjueꞌe kichuunta ko ícha jian tjanchianta ixi Espíritue ndo Dio xrotjáanta juachaxin ixi xronichjanta ngeꞌe tjaun ndo.

1 Corintios 14:16

Ixi siá xrokuajonnta juasaya ngajin ndo Dio ixi asáanta ko sen stetinꞌen tsienxinꞌa sen ngeꞌe rindachenta ndo Dio, juaꞌi tsajon sen juasaya ixi tienxinꞌa sen ngeꞌe richronta.

1 Corintios 2:15

Ko ngisen chónda Espíritue ndo Dio chao tienxin sen kain ngeꞌe ko noꞌe sen á chao jii o̱ naꞌi. Ko ni chóndaꞌi Espíritue ndo juaꞌi xrondachro na̱ á chao tjako sen chónda Espíritue ndo o̱ naꞌi ixi jeꞌe na̱ tienxinꞌa na̱.