1 Corintios 14:1 - El Nuevo Testamento

¹ Ícha tjéenta xrotjueꞌe kichuunta ko ícha jian tjanchianta ixi Espíritue ndo Dio xrotjáanta juachaxin ixi xronichjanta ngeꞌe tjaun ndo.

1 Corintios 14:1 ပူးပေါင်းရင်းမြစ်များ

Romanos 12:6

*Ko ndo Dio kuajon ndo kueya ixra̱ sintuꞌuna, ko kuajon ndo ngajin ngujngu jai̱na xranchi tjaun jeꞌe ndo. Ko xrokonda jian sincheꞌena ti ixra̱ kuajon ndo. Méxin, siá tajon ndo juachaxin ixi xronichjana chijnie ndo, xrokonda sincheꞌena ixra̱ meꞌe xranchi nduaxin chuntiana ndo.

Romanos 14:19

Méxin, ncheꞌena kain ngeꞌe tikaꞌo juaxruxin, ixi meꞌe tsingijna sen kichuuna ko jaña ícha tsitikaon sen Ncháina Jesús.

Romanos 9:30

¿Ngeꞌe ícha xrontatjunta sen jeꞌa judío? Jueꞌa sen ndo Dio ixi xrojuincheméꞌe ndo jíee sen, maski jeꞌe ndo juincheméꞌe ndo jíee sen ixi jeꞌo chuntia sen ngajin ndo Cristo.

1 Corintios 12:1

Kichuuna, tjaꞌon tsonoꞌanta ngeꞌe ixra̱ tajon Espíritue ndo Dio tayéꞌe ngujngu chujnie ndo.

1 Corintios 12:31

Tjéenta naa ixra̱ ícha jian xrotjáanta ndo Dio. Ko jai janꞌan tsjakoꞌanta naa chaꞌo ícha jian xroruéꞌenta.

1 Corintios 13:13

Ko jai jii níi ngeꞌe tjintee, meꞌe ti xrochuntiana ndo Dio, ko ti noi̱na jian ixi jeꞌe ndo xrochjai̱na ndo ti stechonꞌenna, ko ti xrotjueꞌe kichuuna. Ko ti ícha tjintee meꞌe ti xrotjueꞌe kichuuna.

1 Corintios 13:2

*Ko siá xronichja chijnie ndo Dio, ko siá xrokuia̱nxin kain ngeꞌe xra noeꞌa ikaxin chujni, ko siá xrokonoi̱na kain ngeꞌe, ko ícha xrochu̱ntia ndo Dio ko chao xrontatjan naa ijna̱: tachrjengíxian ntiꞌi ko satjia nango, maski jaña sintaꞌa ko tjaunꞌa sen kichian, kain ti ntaꞌa xroꞌan tjintee.

1 Corintios 14:22

Ti xronichjaxin ikaxin ngigua tienxinꞌa na̱, ni titikaonꞌa Ncháina meꞌe tsikon na̱ ixra̱ jié neꞌe ndo Dio, ko jiꞌi tingijnaꞌi sen titikaon ndo. Ko chijni chronga naa ngeꞌe juinchenoꞌe ndo Dio, meꞌe tsingijna ngajin sen titikaon Ncháina Jesús, ko jeꞌa ni titikaonꞌa ndo.

1 Corintios 14:37

Méxin, siá jii xrojan ngisen xraxaon ixi jeꞌe sen chronga sen chijnie ndo Dio o̱ xraxaon sen ixi Espíritue ndo Dio tingijna sen, xrokonoꞌe sen ixi ti rikjin meꞌe naa ngeꞌe tsiketuanꞌan Ncháina Jesús.

1 Corintios 14:39

Méxin, kichuuna, tsango tjéenta ixi xrokuayeꞌenta juachaxin xronichjanta ngeꞌe tjaun ndo Dio tsonoꞌeni ko kaxon xrondachroꞌanta ixi juaꞌi xronichja sen ikaxin ngigua tsikayéꞌe sen,

1 Corintios 16:14

Kain xra̱ ncheꞌenta ngajin Ncháina, ncheꞌenta ixi tjueꞌenta sen kichuunta.

Efesios 1:3

Tajonna juasaya ngajin ndo Dio, Ndotée Ncháina Jesucristo, ixi jeꞌe ndo juincheꞌe ndo ixi titikaꞌonna Ncháina Jesucristo ko kuajon ndo kain ngeꞌe jian kui̱ꞌxi̱n ngajní.

1 Tesalonicenses 5:20

Nichjangíeꞌanta sen kichuuna; chronga ngeꞌe tjaun ndo Dio.

1 Timoteo 4:14

Nchetjáñaꞌia juachaxin tjáa ndo Dio nchakon sen tetuanꞌan niꞌngo bakeꞌe itja sen ngataꞌa jáa. Meꞌe kuayeꞌé ixi juachaxien ndo Dio.

1 Timoteo 5:10

Kaxon xrokonda tsichuxin na̱ sen nchri, sen kaꞌan ixi ndako ncheꞌe sen, xranchi tjaun ndo Dio: sen nchri kaꞌan chaxro juinchekangi sen chjenꞌen sen ko sen kaꞌan jian nichjeꞌe sen kichuu sen ko jian kuiyeꞌe sen ni kuiji ndoꞌe sen, ko jian bingijna sen sen titikaon ndo Cristo, ko bingijna sen ni niꞌe, ko kaxon bingijna sen ngajin ni chónda juachjaon, ko juincheꞌe sen kain ixra̱ jian.

1 Timoteo 6:11

Méxin jaꞌa chujni ncheꞌe xrée ndo Dio, tintuꞌé kain ngeꞌe ndakoꞌa ko ruéꞌe ti nduaxin ko ixi kain asáan xroxraxaoan ndo Dio ko titikáoan ndo ko tjueꞌé ndo ko xrokonda ningakuenꞌa chujni ko nchejiéꞌa asáan.

2 Timoteo 2:22

Méxin jaꞌa tintuꞌé kain ti ndakoꞌa ncheꞌe ikaxin chajan titikaonꞌa Ncháina. Ncheꞌé kain ngeꞌe jian ko chuntia ndo Cristo ko tjueꞌé kain chujni ko juaxruxin takeꞌé ngajin kain sen tjúá aséen titikaon Ncháina.

Hebreos 12:14

Chaxro ko juaxruxin tinteenta ko jian tjentonta kain chujni, ko nchetjúá asáanta ixi siá sinchetjúáꞌi asáanta juaꞌi tsikonnta Ncháina Jesucristo.

2 Pedro 1:7

meꞌe sintakuanꞌannta xrotjueꞌenta sen kichuunta ko ti xrotjueꞌenta sen kichuunta, kaxon ícha xrotjueꞌenta kain chujni.

3 Juan 1:11

Kichuuna, ncheꞌa xranchi ncheꞌe chujni ncheꞌe ngeꞌe ndakoꞌa. Cháña ncheꞌe ko tjakoa ngeꞌe jian. Ixi ngisen ncheꞌe ti jian, sen meꞌe chujnie ndo Dio sen. Ko chujni ncheꞌe ko tjako ngeꞌe ñaꞌi, chujni meꞌe chúxinꞌa ndo Dio.