1 Corintios 13:9 - El Nuevo Testamento

⁹ Ti noi̱na jai ko ti nichjana ixi ndo Dio meꞌe naa ngeꞌe xrachuxinꞌana jian.

1 Corintios 13:9 ပူးပေါင်းရင်းမြစ်များ

Mateo 11:27

*Ko ndache ndo ni ste ntiꞌa: ―Kain ngeꞌe chjána Ndotána ko jeꞌo jeꞌe ndo chuxinna ndo janꞌan, Chjenꞌen ndo, ko kaxon xroꞌan ngisen chúxin jeꞌe ndo, jeꞌo Chjenꞌen ndo, ko janꞌan, Chjenꞌen ndo, nichjaꞌa chujni ixi jaña jeꞌe na̱ tsichuxin na̱ Ndotána.

Romanos 11:34

Ndachro xroon chijnie ndo Dio: “¿Ngisen noꞌe xranchi xraxaon Ncháina, ko ngisen chao xrojuinchekuenꞌen ndo ngeꞌe sincheꞌe ndo?

1 Corintios 13:10

Ko nchakon tsi̱i̱ ti tsango jian, tjumeꞌe tsjexin ti nchíín noi̱na jai.

1 Corintios 13:12

Jai tikonꞌana jian, tikonna xranchi tikonni ixi naa xrosenda chónda kitja, ko tjumeꞌe tsi̱i̱ nchakon chao tsikonna ndo Cristo ixi ikonna. Ko jai xratitjáña tsichuxinna ndo; ko tsi̱i̱ nchakon nduaxin xrochuxinna ndo Dio jian xranchi ndo Dio chuxinna ndo jai̱na.

1 Corintios 2:9

Ndachro xroon chijnie ndo Dio tsikjin sen ó saꞌó: Juinchéña ndo ngeꞌe xraxroꞌan ngisen tikon ko xraxroꞌan ngisen tinꞌen, ko xraxroꞌan ngisen xraxaon ko jiꞌi tsayéꞌe sen nduaxin tjueꞌe ndo Dio.

1 Corintios 8:2

Kaxin na̱ ndachro na̱ ixi ícha noꞌe na̱, ko jeꞌa nduaxin ixi xratitjáña tsangi na̱.

Efesios 3:8

Ko janꞌan tjinteꞌana xranchi ikaxin sen kuincheꞌe Ncháina ko juasie ndo Dio chjána ndo ixra̱ sintaꞌa ixi sintakuanꞌan ni jeꞌa judío chijni jian neꞌe ndo Jesucristo, ko chijni meꞌe ícha tjintee ixi ikaxin ngeꞌe.

1 Juan 3:2

Kichuuna, tsango tjuaꞌanta, ixi jai̱na ó ikjanna chjenꞌen ndo Dio, ko xratjakoꞌa ndo Dio xranchi tsojuna nchakon tsjexixin kain ngeꞌe. Ko ó noi̱na ixi nchakon tsi̱i̱ Ncháina Jesucristo jai̱na xrokjanna xranchi jeꞌe ndo, ixi nchakon meꞌe tsikonna Ndo xranchi jii jeꞌe ndo.