1 Corintios 10:33 - El Nuevo Testamento

³³ Janꞌan tjaꞌon ixi kain ti ntaꞌa xrobakeꞌexin juaxruxin kain chujni, jeꞌa tjaꞌon ixi jeꞌo janꞌan xrobakeꞌé juaxruxin. Naꞌi. Janꞌan tjaꞌon ixi jian tsakeꞌe ikaxin chujni ixi tjaꞌon tsitikaon na̱ ndo Dio.

1 Corintios 10:33 ပူးပေါင်းရင်းမြစ်များ

Gálatas 1:10

Ko jai, ¿á tjaꞌon janꞌan ixi chujni tsitikaon na̱ ngeꞌe ntaꞌa o̱ ndo Dio tsitikaon ndo?, o̱, ¿á tjaꞌon ixi chujni sincheꞌe juaxruxin ngeꞌe ntaꞌa? Siá meꞌe xrokjuintaꞌa janꞌan, í jeꞌa naa nchexrée ndo Cristo janꞌan.

1 Corintios 10:24

Tjéꞌanta jeꞌo ngeꞌe jaꞌonta tjaunnta ixi tsakeꞌenta juaxruxin. Naꞌi. Kaxon tjéenta ngeꞌe tsingijna ikaxin sen.

2 Corintios 12:19

Jaꞌanta stexraxaonnta ixi janꞌanna nichjana jaꞌin ixi tjaꞌonna jaꞌanta xroxraxaonnta ixi jian janꞌanna, ko jeꞌa nduaxin meꞌe. Naꞌi. Janꞌanna jaꞌin nichjana ko ixra̱ rintaꞌana jitikon ndo Dio ko Ncháina Cristo, kain meꞌe ntaꞌana ixi tjaꞌonna ícha tsitikaonnta Ncháina Cristo ixi tsango tjuaꞌananta.

Romanos 11:14

Tjaꞌon ixi ni tjajnána tsochjuyeꞌe na̱ ixi jaꞌanta titikaonnta ndo Dio, ko ixi jaña kaxon kaxin na̱ xrokjan na̱ tsayéꞌe na̱ juachaxin tsechón na̱ kain nchakon.

Romanos 12:5

Jaña kaxon jai̱na, maski kueyana, ikjanna naakua cuerpoe ndo Cristo. Jaña naakua xroxraxaonna ixi ó ikjanna kainna naakua cuerpoe ndo.

1 Corintios 13:5

jeꞌa ndakuaꞌi ncheꞌe sen ko jeꞌa ñaꞌi sen, jeꞌa taka chjée sen juañao, ko tjengeꞌa sen ti nchekao na̱ sen,

2 Corintios 12:14

Jai ó richonꞌan ixi tsjasotsjaꞌanta nínxin vez ko jai kaxon tsajonndaxinꞌa xra ngajinnta ixi janꞌan tjéeꞌa tsayáꞌa̱ tomianta. Naꞌi. Janꞌan tjée jaꞌanta ixi jaꞌanta ícha tjinteenta. Ixi jeꞌa ichjan tjatsinꞌin xjan tomi tsayéꞌe ndotée xjan. Naꞌi. Ndotata meꞌe ndo xrokonda tsjatsiꞌin ndo tomi tsayéꞌe xjan.

Filipenses 2:21

Ixi ikaxin sen jeꞌo tjaun sen jian tsintee sen ko ncheꞌa sen ngeꞌe tjaun ndo Jesucristo.

1 Tesalonicenses 2:16

Méxin, nchakon tjaꞌonna xronichjaꞌana chujni jeꞌa judío chijnie ndo Dio, chijni tajon juachaxin tsechónni kain nchakon, ni judío kuintunaꞌina na̱ tsjakona. Jaña ícha tsama na̱ ijie̱. Ko jai tangi tsonꞌen na̱ ixi ó tsi̱i̱ juañaue ndo Dio ngataꞌa na̱.