1 Corintios 1:6 - El Nuevo Testamento

⁶ Jaña kuitikaonnta chijni kuinꞌennta neꞌe ndo Cristo ko jai jian tjakoxinnta jiꞌi.

1 Corintios 1:6 ပူးပေါင်းရင်းမြစ်များ

Marcos 16:20

Ko sakjui sen ko juako sen chijni jian, chijni ncheméꞌe ijie̱ chónda chujni. Ko Ncháina Jesús bingijna ndo sen ko juachaxien ndo juinchexin sen ixra̱ jian, ixi jaña tsonoexin chujni ixi nduaxin chijnie ndo Dio nchekuenꞌen sen na̱. Jaña tsonꞌen.

Hechos 11:17

Xranchi janꞌanna nchakon kuaxi kuitikaonna Ncháina Jesucristo, tjumeꞌe kuajon ndo Dio Espíritue ndo kuayeꞌena, jaña jai kuajon ndo Dio Espíritue ndo kuayéꞌe sen jiꞌin. ¿Ngisen janꞌan ixi xrokuitikaonꞌa ngeꞌe juincheꞌe ndo Dio?

Hechos 11:21

Juachaxien Ncháina Jesús chonda sen; méxin, kueya ni ntiꞌa kuayéꞌe na̱ chijni jian ko kuitikaon na̱ Ncháina Jesucristo.

Hechos 18:5

Ko nchakon ndo Silas ko ndo Timoteo kui̱xi̱n sen nunte Macedonia, tjumeꞌe ndo Pablo í kuancheꞌa ndo xra̱, jeꞌo bajako ndo chijnie ndo Dio ixi tsonoꞌe ni judío ixi ndo Jesús meꞌe ndo Cristo.

Hechos 20:21

Juintakuanꞌan kain ni judío ko kain ni jeꞌa judío ixi xrokonda tsintuꞌe na̱ ti ndakoꞌa ncheꞌe na̱ ko xrochuntia na̱ ndo Dio ko Ncháina Jesucristo.

Hechos 20:24

*Ko taꞌi juachjaon ixi maski tangi tsónna. Jeꞌo juaxruxin tsakeꞌé ixi sintajexin ti kotuanna Ncháina Jesús ixi tsjáko chijnie ndo, xranchi ndo Dio tjueꞌe ndo chujni.

Hechos 22:18

ko jaꞌin ndachijina ndo: “Jaiko tachrjexian tjajna Jerusalén ixi chujni ntiꞌi tsitikaonꞌa na̱ chijnina tsjakoa jaꞌa.”

Hechos 23:11

Ko tiie meꞌe konoxin Ncháina ngajin ndo Pablo, ko jaꞌin ndachro ndo: ―Xronkaꞌia Pablo ixi xranchi juakua chijnina ntiꞌi tjajna Jerusalén, jaña kaxon tsjakoa tjajna Roma.

Hechos 28:23

Tjumeꞌe bakeꞌe na̱ naa nchakon tsinꞌen na̱ ngeꞌe tjako ndo Pablo ko nchakon meꞌe xraꞌo kueya na̱ ti nchia bakeꞌe ndo ko ndúyo xrangíxixión nichja ndo hasta ti kóndo. Meꞌe nichja ndo xranchi jii juachaxin tetuanꞌan ndo Dio. Nichjeꞌe ndo na̱ ixi tsitikaon na̱ ndo Jesús, ko juakoxin ndo ixi ley kuajon ndo Moisés ko ti tsikjin sen kuachronga chijnie ndo Dio ó saꞌó.

Romanos 15:19

Ixi juachaxien Espíritue ndo Dio juintaꞌa itsjé ixra̱ ijié ko juintakuanꞌan na̱ chijnie ndo Cristo ixi jaña tsechónna kain nchakon. Ko juangíxin juáko tjajna Jerusalén ko kain tjajna tjenka ntiꞌa ko nguixin no Iliria.

2 Corintios 12:12

Ti konchrjeꞌana juintaꞌa ixra̱ ngakjenꞌennta ko kain ixra̱ ijié ko kain ixra̱ chaxro juintaꞌa ixi juachaxien ndo Dio ixi janꞌan nduaxin naa apóstolna.

Gálatas 3:5

Nchakon ndo Dio kuajon ndo Espíritue ndo ko juincheꞌe ndo itsjé ngeꞌe jian bikonta, ¿sonda jaña juincheꞌe ndo? Juincheꞌe ndo jiꞌi, jeꞌa ixi tsango kuitikaonnta ley. Naꞌi. Jaña juincheꞌe ndo ixi chuntianta chijni jian kuinꞌennta.

2 Tesalonicenses 1:10

Jaña tsonꞌen nchakon tsi̱i̱ Ncháina Jesús ixi kain sen tjúá aséen ko kain sen kuitikaon chijnie ndo, sen meꞌe tsajon sen juasaya ngajin ndo ko kao jaꞌanta ixi kuitikaonnta ti nichjana.

1 Timoteo 2:6

Jeꞌe Ncháina Jesucristo kuajon ndo aséen ndo ko kuenꞌen ndo, meꞌe jaña juenga ndo ꞌna̱ jíee chujni. Jiꞌi konꞌen xranchi ti tsindachro ndo Dio.

2 Timoteo 1:8

Méxin tosuaꞌia chronga titikáoan Ncháina Jesús ko tosuaꞌia ixi janꞌan jija̱ꞌna ndoꞌa chjiso ixi tjako̱ chijnie ndo. Tosuaꞌia, cháña chonꞌén ti tangi tsonꞌan ixi tjakoa chijni tingijna chujni tsechón na̱ kain nchakon ixi kuayeꞌé juachaxin kuajon ndo Dio.

Apocalipsis 1:2

Ndo Juan nduaxin chronga ndo ngeꞌe nduaxin tsindachro ndo Dio ko ngeꞌe chronga ndo Jesucristo ko kain ngeꞌe tsikikon ndo xranchi juako ndo Dio.

Apocalipsis 1:9

Janꞌan Juan ndo kichuunta ixi steniina ndo Jesús. Jaꞌanta ko janꞌan xrajeꞌo tangi stetatsingana ko stechonꞌenna tsojuna ti tetuanꞌan ndo Jesús. Janꞌan bakeꞌe naa nche nchíín ngusine nda, nche ndatinꞌin Patmos, kondeexin bajako chijnie ndo Dio ko kuanichja chijnie ndo Jesucristo.

Apocalipsis 12:11

Sen kichuuna juacha sen ngajin xi meꞌe ixi jnié Xjantuchjon ko ixi chronga sen chijni kuayéꞌe sen ko xronkaꞌi sen maski xrokuenꞌen sen.

Apocalipsis 12:17

Tjumeꞌe tsango koñao kudragón ngajin nchra, méxin ikjui ba kue̱ꞌto̱ ba ngajin ni kichuu nchra, ngajin sen titikaon ngeꞌe tsiketuanꞌan ndo Dio ko xratitikaon sen chijnie ndo Jesucristo.

Apocalipsis 19:10

Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.

Apocalipsis 6:9

Ko Xjantuchjon kuintjian ti naoxin sello ko bikon chringi trono aséen sen tsikenꞌen ixi kuanichja sen chijnie ndo Dio.