1 Corintios 1:4 - El Nuevo Testamento

⁴ Kain nchakon tajon juasaya ngajin ndo Dio ixi jeꞌe ndo juintanchaonnta ndo ixi jaꞌanta titikaonnta Ncháina Jesús.

1 Corintios 1:4 ပူးပေါင်းရင်းမြစ်များ

Mateo 19:11

Méxin ndo Jesús ndachro ndo: ―Chijni jiꞌi kainꞌa sen tienxin sen chijni. Jeꞌo tienxin sen chjée ndo Dio juachaxin ixi tsuteꞌa sen.

San Juan 10:30

Janꞌan ko Ndotána naakua ngisenna.

San Juan 14:14

Siá xrojan ngeꞌe tsjanchaxinnta nombréena, janꞌan tsajon.

San Juan 14:16

Ko janꞌan tsinóatáana ngajin Ndotána ixi xroxruanꞌan ndo Espíritue ndo ixi tsingijnanta ko tsajon ndo juachaxin tsakeꞌe juaxruxin asáanta ko Espíritue ndo tsakeꞌe ngajinnta kain nchakon,

San Juan 14:26

Ko Espíritue Ndotána, xroxruanꞌan ndo juachaxin ixi nombréena, ixi tsingijnanta, ko xronichjaꞌanta ndako ko tsjakoꞌanta kain ngeꞌe ko sintaxraxaonnta kain ngeꞌe ntatjunta.

San Juan 15:26

Ko nchakon tsi̱i̱ ngisen tsingijna, meꞌe Espíritue ndo Dio nduaxin, xroxruanꞌan janꞌan ixi juachaxien Ndotána ko jeꞌe ndo xronichjaxinna ndo.

Hechos 11:23

Ko nchakon kuiji ndo Bernabé bikon ndo xranchi ndo Dio tsango bingijna ndo ni ntiꞌa kaxon. Ko tsango bakeꞌe juaxruxin aséen ndo. Tjumeꞌe nichjeꞌe ndo na̱ ixi nchijíi aséen na̱ tsitikaon na̱ Ncháina ko soji tsakeꞌe na̱.

Hechos 21:20

Juexin kuinꞌen sen jiꞌin, kuajon sen juasaya ngajin ndo Dio, ko ndache sen ndo Pablo: ―Kichianna, jaꞌanta ó bikonta ixi jii itsjé mil ni judío ó titikaon na̱ ndo Jesús ko kain na̱ ndachro na̱ ixi xrokonda kaxon tsitikaonna ley kuajon ndo Moisés.

Romanos 1:8

Saꞌó tajon juasaya ngajin ndo Dio ixi juachaxien ndo Jesucristo ixi kain jaꞌanta ko ixi nguixin no nichja na̱ jian ixi jaꞌanta tsango chuntianta ndo Dio.

Romanos 6:17

Jai juasie ndo Dio, bikonóaꞌanta ndo. Saꞌó kuachondanta ijie̱ ko ijie̱ meꞌe baketuanꞌanta, ko jai ixi nchijíi asáanta kuitikaonnta ngeꞌe jian kuinꞌennta.

1 Corintios 1:3

Ndotáina Dio ko Ncháina Jesucristo sintanchaonnta ndo ko xrotjáanta ndo juaxruxin.

1 Timoteo 1:14

Ko Ncháina Jesús tsango juinchenchaonna ndo ixi kuajon ndo juachaxin tsitikaꞌon ndo, ko jaña chuntia ngajin ndo ko tjuaꞌa sen kichuuna ixi titikaꞌon ndo.