Zakarias 9:6 - BIBLIA - traduson antigu in Krioulo

⁶ Jinti di rasa misturadu na mora na Asdod. SIÑOR na kaba ku orgulyu di filisteus.

Zakarias 9:6 ပူးပေါင်းရင်းမြစ်များ

Eklesiastis 6:2

Deus pudi da un omi manga di rikesa ku rispitu, tok nada ka faltal di tudu ki misti, ma Deus ka dal puder pa i kume di ki kusas; utru algin strañu ku bin kumel. Es tambi i bakatela; i un kasabi garandi.

Isaias 23:9

SIÑOR ku ten tudu puder, el ku ranja e planu, pa kaba ku orgulyu di tudu bonitasku, pa baŝa kilis mas rispitadu na mundu.

Isaias 28:1

Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

Jeremias 47:1

Antis di Faraó ataka Gaza, SIÑOR bin papia ku anunsiadur Jeremias aserka di filisteus, i falal kuma

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Amos 1:8

N na mata moraduris di Asdod, ku kil ku tene bingala di renansa di Askelon. N na vira ña mon kontra prasa di Ekron tok filisteus kaba muri tudu.” Asin ku SIÑOR Deus fala.

Sofonias 2:10

Es i na sedu se pagamentu pa se orgulyu pabia e koba mal, e njata kontra pobu di SIÑOR ku ten tudu puder.

Sofonias 2:4

Gaza na bandonadu, Askelon na danadu; na me-dia jinti di Asdod na serkadu na prasa; Ekron na rinkadu ku rais.

Zakarias 9:5

Prasa di Askelon na ojal, i na sinti medu; Gaza na tene dur forti, suma Ekron tambi, pabia si speransa na pirdi. Gaza na pirdi si rei; Askelon ka na tene kin ku na mora nel.

Zakarias 9:7

I na tira sangi di se sakrifisius na se boka, ku kumida nujenti na se dintis. Filisteus ku sobra na pertensi no Deus, e na sedu suma un jorson na Judá. Moraduris di Ekron na bin sedu di Israel, suma jebuseus.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”