Zakarias 9:4 - BIBLIA - traduson antigu in Krioulo

⁴ ma SIÑOR na tiral si rikesas, i na kaba ku si puder na mar; prasa na kemadu ku fugu.

Zakarias 9:4 ပူးပေါင်းရင်းမြစ်များ

Ditus 10:2

Rikesas ku ngañadu na tarpasa ka ta purbita nada, ma vida justu ta libra di mortu.

Ditus 11:4

Rikesas ka bali na dia di raiba, ma vida justu ta libra di mortu.

Isaias 23:11

SIÑOR distindi si mon riba di mar, i turmenta renus. I da ordi kontra Fenísia pa kaba ku tudu si kaus forti.

Ezekiel 26:17

E na miskiña pa bo, e na falau: ‘Abo, prasa di fama, morada di mariñerus! Bu tenba forsa na mar. Kuma ku bu pirdi asin? Abo ku bu pobu bo puiba medu na bu visiñus!

Ezekiel 28:16

Pabia di ki manga di nogos ku bu fasi, bu inci ku violensia, bu peka. Asin, N serkau na ña monti sagradu, N tirau, abo kirubin di guarda, na metadi di pedra ku ta lampra suma fugu.

Ezekiel 28:18

Bu fasi manga di pekadu pabia di bu nogos tortu; asin bu kontamina bu kaus sagradu. E ku manda N pui fugu sai na bo tok i kaba ku bo. N fikau suma sinsa na con na uju di tudu jinti ku na jubiu.

Ezekiel 28:2

“Fiju di omi, konta rei di Tiru kuma SIÑOR Deus fala: ‘Na orgulyu di bu korson bu fala: “Ami i un deus. N sinta na tronu di un deus na metadi di mar.” Kontudu abo i omi, bu ka sedu un deus, bu pensa inda kuma abo bu jiru suma un deus.

Ezekiel 28:8

E na matau ku spada, e na manda bu kurpu na fundu di mar.

Joel 3:8

N na bindi bo fijus, macu ku femia, pa pobu di Judá; e na bin bindi elis pa sabeus, un nason lunju dimas.” Asin ku SIÑOR fala.

Amos 1:10

Pabia di kila, N na pui fugu na mura di Tiru ku na kaba ku se kuartelis.”

Zakarias 9:5

Prasa di Askelon na ojal, i na sinti medu; Gaza na tene dur forti, suma Ekron tambi, pabia si speransa na pirdi. Gaza na pirdi si rei; Askelon ka na tene kin ku na mora nel.