Zakarias 6:5 - BIBLIA - traduson antigu in Krioulo

⁵ Anju ruspundi i falan: “Esis i ki kuatru bentu di seu ku na sai di kau ke firmaba dianti di SIÑOR di tudu mundu.

Zakarias 6:5 ပူးပေါင်းရင်းမြစ်များ

1 Reis 19:11

SIÑOR falal: “Sai fora, bu firma riba de monti dianti di SIÑOR.” Asin, SIÑOR bin na pasa. I bin un garandi bentu forti ku findi montis, i kebra pedras garandi si dianti, ma SIÑOR ka staba na ki bentu. Dipus di bentu, con bin tirmi, ma SIÑOR ka staba na ki tirmidura.

1 Reis 22:19

Mikaias kontinua i fala; “Sukuta palabra di SIÑOR. N oja SIÑOR sintadu na si tronu; tudu tropas di seu staba lungu del na si mon direita ku skerda.

Jo 1:6

Un dia, anjus di Deus bai pursenta dianti di SIÑOR; Satanas bai juntu ku elis.

Salmus 148:8

fugu, cuba di pedra, nevi, serenu, bentu forti ku ta obdisi si palabra;

Salmus 68:17

Ku si manga di milyaris di karu, SIÑOR na bin di Sinai pa kau sagradu.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Jeremias 49:36

N na tisi kontra Elan kuatru bentu di kuatru kantu di seu; N na pajigal na tudu ladu di ki bentus. I ka na ten tera nunde ku refuẑiadus di Elan ka na bai.

Ezekiel 11:22

Na ki tempu kirubins lantanda se asas; rodas kumpaña elis. Gloria di Deus di Israel staba riba delis.

Ezekiel 37:9

I falan: “Fiju di omi, anunsia pa bentu, bu falal: ‘Asin ku SIÑOR Deus fala: O bentu! Bin di kuatru ladu, bu supra riba de kurpus mortu pa e pudi bibu.’ ”

Daniel 11:4

Ora ki sta ben firmi, si renu na kebradu, i na rapatidu na kuatru parti, na norti, sul, lesti ku kaida di sol. Reis ku ka sai na si jorson na toma si lugar, ma e ka na ten ki puder ku el i tenba, pabia si renu na rinkadu, i na pasa pa utrus.

Daniel 7:10

Un riu di fugu sai si dianti, i na kuri. Milyaris di milyaris na sirbil; milyons di milyons firma si dianti. Jinti na tribunal sinta; librus yabridu.

Daniel 7:2

Asin ki skirbi: Na ña vison di noti N na jubiba, N oja manera ku kuatru bentu di seu na bulbuli mar garandi.

Zakarias 4:10

Kin ku ta njuti dia di kusas pikininu? Jinti na kontenti ora ke oja prumu na mon di Zorobabel. “Ki seti uju i ujus di SIÑOR ku ta pasa na tudu mundu.”

Zakarias 4:14

I falan: “Esis i ki dus jinti ku unjidu ku azeiti pa sirbi SIÑOR di tudu mundu.”

Zakarias 6:1

Utru bias N yalsa uju, N oja kuatru karu ku sai na metadi di dus monti di bronzi.

Mateus 18:10

Bo toma sintidu, ka bo njuti nin un de pikininus, pabia N na konta bos kuma se anjus na seu e ta oja sempri rostu di ña Pape ku sta na seu. [

Mateus 24:31

Ora ku korneta na toka ku forsa, i na manda si anjus pa kuatru kantu di mundu pa e junta jinti ki kuji, desdi un ladu di mundu te na utru.

Lukas 1:19

Anju ruspundi i falal: “Ami i Gabriel ku ta sta dianti di Deus pa sirbil. I mandan pa N papia ku bo, pa dau e bon noba,

Ebreus 1:14

Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

Ebreus 1:7

I fala di anjus: “Kil ku ta fasi si anjus pa e sedu bentus, si servus pa e sedu linguas di fugu.”

Apokalipsi 7:1

Dipus de kusa N oja kuatru anju sikidu na kuatru kantu di mundu; e tuji ku kuatru bentu pa ka nin un bentu supra na tera, nin na mar, nin na kualker arvuri.