Zakarias 4:6 - BIBLIA - traduson antigu in Krioulo

⁶ I ruspundi i falan: “Es i palabra ku SIÑOR misti papia ku Zorobabel: ‘I ka ku forsa di gera nin ku violensia, ma i ku ña Spiritu.’ Asin ku SIÑOR ku ten tudu puder fala.

Zakarias 4:6 ပူးပေါင်းရင်းမြစ်များ

Kumsada 41:16

José ruspundi Faraó: “Es i ka sta na mi, ma Deus na da Faraó un rasposta di pas.”

1 Reis 19:12

Dipus di tirmidura, fugu ciga, ma SIÑOR ka staba tambi na fugu. Dipus di fugu i obidu un fála finu, mansu.

2 Kronikas 14:11

Asa klama pa SIÑOR si Deus, i fala: “O SIÑOR, juda i ka nada pa bo; bu pudi juda kil ku ten forsa suma kil ku ka ten. O SIÑOR no Deus, judanu, pabia no fiansa na bo; i na bu nomi ku no bin kontra e manga di jinti. SIÑOR, abo i no Deus; ka bu disa omi pa i ngañau.”

Esdras 2:2

E bin ku Zorobabel, Jesua, Neemias, Seraias, Reelaias, Mardokeu, Bilsan, Mizpar, Bigvai, Reun ku Baanáp. Ali lista ku numerus di omis di Israel: Fijus di Parós, 2.172 Fijus di Sefatias, 372 Fijus di Ará, 775 Fijus di Paat-Moab, di fijus di Jesua ku di Joab, 2.812 Fijus di Elan, 1.254 Fijus di Zatu, 945 Fijus di Zakai, 760 Fijus di Bani, 642 Fijus di Bebai, 623 Fijus di Azgad, 1.222 Fijus di Adonikan, 666 Fijus di Bigvai, 2.056 Fijus di Adin, 454 Fijus di Ater, di Ezekias, 98 Fijus di Bezai, 323 Fijus di Jora, 112 Fijus di Asun, 223 Fijus di Jibar, 95 Omis di Belen, 123 Omis di Netofá, 56 Omis di Anatot, 128 Omis di Azmavet, 42 Omis di Kiriat-Arin, Kefira ku Beerot, 743 Omis di Ramá ku Gaba, 621 Omis di Mikmás, 122 Omis di Betel ku Ai, 223 Omis di Nebu, 52 Omis di Magbis, 156 Omis di utru prasa comadu Elan, 1.254 Omis di Arin, 320 Omis di Lod, Adid ku Onu, 725 Omis di Jerikó, 345 Omis di Senaa, 3.630

Esdras 3:10

Oca ku pedrerus pui alisersu di templu di SIÑOR, saserdotis toma se lugar, ku se ropa di sirmonia, ku kornetas. Ki levitas di familia di Asaf bin tambi, ku salterius, pa ngaba SIÑOR na manera ku Davi, rei di Israel, daba ordi.

Esdras 5:2

Asin Zorobabel, fiju di Sealtiel, ku Jesua, fiju di Jozadak, e kumsa na kumpu kasa di Deus na Jerusalen. Anunsiaduris di Deus staba ku elis, e juda elis.

Salmus 33:16

I ka ten rei ku ta ngaña son pabia i tene manga di tropa, nin i ka ten soldadu ku ta libra pabia i ten garandi forsa.

Eklesiastis 9:11

N oja utru kusa ne mundu, kuma, premiu i ka di kilis ku ta kuri mas rapidu, nin vitoria i ka pa omis di mas koraẑen. Kumida ka ta bin pa jirus, nin rikesa pa kilis ku ten jitu, nin fabur pa ntindidus, ma tudu ta dipindi di tempu ku sorti.

Isaias 30:1

SIÑOR fala: “Koitadi fijus rebeldi, ku ta forma planus ku ka sedu di mi; e ta fasi kontratu, ma i ka di ña vontadi; e buri pekadu riba di pekadu.

Isaias 32:15

tok Spiritu darmadu riba di nos la di riba. Na ki tempu lala na torna suma kampu di labur; kampu di labur na parsi un matu garandi.

Isaias 34:16

Bo buska na libru di SIÑOR, bo lei. Nin un de kriaturas ka na falta; nin un ka na fika sin si kumpañer, pabia i boka di SIÑOR ku fala asin; i si Spiritu ku na junta elis.

Isaias 59:19

Omis na rispita nomi di SIÑOR desdi kaida di sol; e na rispita si gloria desdi saida di sol. Ora ku inimigu bin suma korenti di yagu, Spiritu di SIÑOR na serkal tok i kuri.

Daniel 2:34

Oca ku bu na jubi ki kusa, un pedra kortadu, sin ajuda di mon, i suta ki statua na pes di feru ku lama, i kebra elis tudu.

Oseias 1:7

ma N na mostra amor pa pobu di Judá. Ami, SIÑOR se Deus, N na salba elis, ma i ka ku mansasa, nin ku spada, nin ku gera, nin ku kabalus o ku kabalerus.”

Aẑeu 1:1

Na purmeru dia di sestu mis di sugundu anu di renansa di Dariu, SIÑOR bin papia ku Aẑeu, pa kila pasanta rekadu pa Zorobabel, fiju di Sealtiel, gubernadur di Judá, ku Josué, fiju di Jeozadak, ŝef di saserdotis.

Aẑeu 2:21

“Papia ku Zorobabel, gubernadur di Judá, bu falal kuma N na bulbuli seu ku tera;

Zakarias 6:12

bu falal kuma SIÑOR ku ten tudu puder fala: ‘Ali omi ku tene nomi di Ramu; i na kirsi na kau ki sta nel, i na kumpu kasa di SIÑOR.

Numerus 27:16

“N misti pa SIÑOR, Deus ku ta da vida pa tudu jinti, pa i pui un omi ku na sta riba de kumunidadi,

Efésius 6:17

Bo toma tambi salbason suma kapasiti, ku spada ku Spiritu ta da ku sedu palabra di Deus.

1 Pedru 1:12

Deus mostra elis kuma, kusas ke na trata i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.

1 Samuel 14:6

Jonatas fala rapas ku ta lebal material di gera: “Bin no kamba pa kampamentu di ki jinti insirkunsidadu; talves SIÑOR na judanu, pabia nada ka pudi tujil si i misti libra, nin ki ku manga di jinti o ku puku.”

1 Samuel 17:47

Tudu jintis ku junta li e na sibi kuma i ka ku spada nin ku kañaku ku SIÑOR ta salba, pabia e gera i di SIÑOR; i na ntrega bos na no mon.”