Zakarias 4:2 - BIBLIA - traduson antigu in Krioulo

² I puntan: “Ke ku bu na oja?” N falal: “N oja un kanderu, tudu di uru, ku un parti la riba pa pui azeiti, ku si seti lampada, ku seti tubu, un tubu pa kada lampada.

Zakarias 4:2 ပူးပေါင်းရင်းမြစ်များ

1 Kronikas 28:15

pesu di kada kanderu di uru ku si pe; pesu pa kanderus di prata;

2 Kronikas 13:11

Kada parmaña ku di tardi e ta pursenta ofertas kemadu, ku nsensu ku ta cera sabi pa SIÑOR; tambi e ta pui pon sagradu riba di mesa puru; tudu dia di tardi e ta sindi lampadas di kanderu di uru. Anos no ta pui sintidu pa obdisi leis di SIÑOR, ma abos bo disal.

2 Kronikas 4:7

I kumpu tambi des kanderu di uru, konformi modelu, i pui elis na templu, sinku na ladu direita, sinku na skerda.

Eklesiastis 12:6

Lembra di Deus antis di korenti di prata sapa, kopu di uru kebra, puti kebra lungu di fonti, roda di fonti kebra padas padas,

Jeremias 24:3

SIÑOR puntan: “Jeremias, ke ku bu oja?” N ruspundil: “Figus. Ki bon i bon dimas, ma kil ku ka bali, i ka bali nan propi pa kume.”

Jeremias 52:19

Tambi kapiton di guarda toma kopus, nsensarius, basias, kasarolas, kanderus, tiẑelas ku kujeris — tudu ku kumpudu di uru puru o di prata.

Amos 7:8

SIÑOR puntan: “Amos, ke ku bu na oja?” N falal: “N oja prumu.” SIÑOR falan: “Ali N na pui prumu na metadi di ña pobu Israel. N ka na torna maina kastiga elis.

Zakarias 5:2

Anju puntan: “Ke ku bu na oja?” N falal: “N oja un rolu ku na bua, ku tene 9 metru di kumprimentu ku 4,5 metru di largura.”

Apokalipsi 1:12

N rabida pa jubi kin ku na papia ku mi. Oca ku N rabida, N oja seti kanderu di uru.

Apokalipsi 1:20

Es i sigridu sukundidu di ki seti strela ku bu oja na ña mon direita, ku seti kanderu di uru: Ki seti strela i anjus di ki seti igreẑa. Ki seti kanderu ku bu oja i ki seti igreẑa.

Apokalipsi 4:5

Di tronu i na saiba relampagu, ku garandi baruju di turbada. Dianti di tronu i na yardiba seti kanderu di fugu, ku sedu seti spiritu di Deus.