Zakarias 2:2 - BIBLIA - traduson antigu in Krioulo

² N puntal: “Nunde ku bu na bai?” I ruspundin: “Pa midi Jerusalen, pa jubi kal ki si largura ku si kumprimentu.”

Zakarias 2:2 ပူးပေါင်းရင်းမြစ်များ

Jeremias 31:39

Korda di midi na distindidu desdi la te na monti di Gareb; dipus i na vira pa Goa.

Ezekiel 40:3

Oca ki leban la, N oja un omi ku na lampraba suma kobri, i firmaba na porton, i tene na mon un korda di liñu ku un kana di midi.

Ezekiel 45:6

“Lungu di area sagradu, bo na midi 12,5 kilometru di kumprimentu ku 2,5 kilometru di largura ku na pertensi prasa. I na sedu pa tudu pobu di Israel.

Zakarias 1:16

“Pabia di kila, SIÑOR fala asin: ‘N na riba pa Jerusalen ku pena pa ña pobu; ña kasa na torna kumpudu la. Korda di midi na distindidu riba di Jerusalen.’ Asin ku SIÑOR ku ten tudu puder fala.

Zakarias 5:10

N punta ki anju ku na papiaba ku mi: “Nunde ke na leba ki sestu?”

Bon Noba di Jesus Kristu ku Jon 16:5

Gosi N na bai pa kil ku mandan; nin un di bos ka na puntan pa nunde ku N na bai.

Apokalipsi 11:1

Algin dan un kana ku parsi suma regua, i falan: “Lanta, bu midi templu di Deus, ku altar, bu konta numeru di kilis ku ta fasi kultu li,