Zakarias 11:9 - BIBLIA - traduson antigu in Krioulo

⁹ N fala karnelis: “N ka na bakia bos mas. Kil ku na muri, pa i muri; kil ku na kabadu ku el, pa i kabadu ku el; kilis ku sobra, pa kada un kume karni di si kumpañer.”

Zakarias 11:9 ပူးပေါင်းရင်းမြစ်များ

Jeremias 19:9

N na pui jinti de prasa pa e kume karni di se fijus macu ku femia; kada kin na kume karni di si kumpañer, na ki tempu ke tajadu, e foronta pabia di se inimigus ku na buska mata elis.’

Jeremias 23:33

“Ora ku e pobu, o anunsiadur o saserdoti, puntau: ‘Kal ki rekadu di SIÑOR?’ bu ta fala elis: ‘Abos ku sedu si kargu; i fala kuma i na rianta bos, i fika libri di bos.’

Jeremias 23:39

ami N na karga bos, dipus N na tira bos ña dianti, abos tudu ku prasa ku N da bo papes.

Jeremias 43:11

I na bin ataka tera di Ejitu. I na tisi mortu pa kilis ku distinadu pa mortu, katiberasku pa kilis ku distinadu pa katiberasku, spada pa kilis ku distinadu pa spada.

Ezekiel 5:10

Asin, dentru di bu muras, papes na kume se fijus, fijus na kume se papes. N na julgau ku kastigus; kilis ku sobra, N na pajiga elis na bentus.

Oseias 4:6

Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti. “Suma ku bu diskisi di lei di bu Deus, ami tambi N na diskisi di bu fijus.

Zakarias 13:8

SIÑOR fala: “Na tudu tera dus parti di pobu na kabadu ku el, ma ki terseru parti na sobra na tera.

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”

Mateus 21:19

I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan.

Mateus 21:43

“E ku manda N na konta bos, bo na tiradu renu di Deus; i na bin dadu pa utru nason ku ta da si frutu. [

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 8:21

Jesus fala elis utru bias: “Ami N na bai. Bo na bin buskan. Bo na muri na bo pekadu. Kau ku N na bai, bo ka pudi bai la.”

Bon Noba di Jesus Kristu ku Jon 8:24

E ku manda N fala bos kuma bo na muri na bo pekadu, pabia si bo ka fia kuma N sedu kil ku N sedu, bo ta muri na bo pekadu.”

Apokalipsi 22:11

Kil ki mau, pa i kontinua na si malvadesa; kil ki susu pa i fika na si susidadi; kil ki bon pa i kontinua na si bondadi; kil ki puru, pa i kontinua sedu puru.”