Zakarias 11:6 - BIBLIA - traduson antigu in Krioulo

⁶ SIÑOR fala: “Sin duvida N ka na ten mas pena di moraduris de tera, ma N na ntrega kada un na mon di si kumpañer ku si rei. E na kastiga jinti na tera; ami N ka na libra elis na se mon.”

Zakarias 11:6 ပူးပေါင်းရင်းမြစ်များ

Salmus 50:22

“Abos ku ta diskisi di mi, Deus, bo pensa ne kusas, pa bo ka bin sapa-sapadu, sin algin pa libra bos.

Isaias 27:11

Ora ku si ramus seku, e ta kebradu; minjeris ta bin kuji elis pa leña, pabia e pobu ka ta ntindi. Pabia di kila, kil ku kumpu elis, i forma elis, i ka na sinti pena delis, nin i ka na mostra elis nin un fabur.

Isaias 3:5

Kada kin na kalka si kumpañer; mininus na lanta kontra garandis; kilis ku ka sedu nada e na lanta kontra jinti di rispitu.

Jeremias 13:14

N na pui elis maja ŋutru suma jarus, tok e bida padas padas, papes tudu ku fijus. Nin pena nin amor nin miserikordia i ka na tujin kaba ku elis.’ ” Asin ku SIÑOR fala.

Miskiñu di Jeremias 2:21

“Bejus ku nobus dita na reia na ruas; ña rapasis ku bajudas matadu ku spada; bu mata elis na dia di bu raiba, sin sinti pena delis.

Miskiñu di Jeremias 5:8

Katibus na manda riba di nos; i ka ten ningin ku na libranu na se mon.

Ezekiel 8:18

Asin N na trata elis ku raiba. N ka na sinti pena delis; N ka na purda elis. Nin ke grita risu na ña oreja, N ka na obi elis.”

Ezekiel 9:10

Asin, ami N ka na purda ningin, nin N ka na ten pena del. N na pui kusas ke fasi pa e kai riba di se kabesa.”

Oseias 1:6

Gomer torna preña, i padi un fiju femia. SIÑOR fala Oseias: “Pul nomi di Lo-Ruama, pabia N ka na torna sinti amor pa pobu di Israel; di nin un manera N ka na purda elis,

Oseias 2:10

N na dispil pa mostra si borgoña dianti di si amantis; ningin ka na libral na ña mon.

Mikeias 5:8

Kilis ku sobra di Jakó na sta na metadi di manga di nason, suma lion na metadi di limarias di matu, suma lion nobu na metadi di koral di karnel. Ora ki pasa i ta masa elis, i sapa-sapa elis sin algin pa libra elis.

Mikeias 6:14

Bu na kume ma bu ka na farta; bu bariga na tene fomi inda. Bu na rakada kusas ma bu ka na pudi guarda elis; kil ku bu guarda, N na kaba ku el na gera.

Aẑeu 2:22

N na bati tronu di renus, N dana forsa di renus di nasons; N na kaba ku karus ku kilis ku ta sinta nelis; kabalus ku kilis ku ta monta nelis e na kai, kada un pa spada di si ermon.

Zakarias 11:14

Dipus N kebra ña sugundu manduku, comadu Union, pa kebra ermondadi na metadi di Judá ku Israel.

Zakarias 11:5

Kilis ku kumpra elis e na mata elis; e ka na ojadu kulpadu. Kilis ku bindi elis na fala: ‘Deus obrigadu! N bida riku!’ Se propi bakiaduris ka ta sinti pena delis.”

Zakarias 11:9

N fala karnelis: “N ka na bakia bos mas. Kil ku na muri, pa i muri; kil ku na kabadu ku el, pa i kabadu ku el; kilis ku sobra, pa kada un kume karni di si kumpañer.”

Zakarias 14:13

Na ki dia SIÑOR na manda garandi kunfuson na se metadi; kada kin na pega mon di si kumpañer; dipus e na lanta e ataka ŋutru.

Zakarias 8:10

Antis di ki tempu ningin ka tenba manera di paga tarbaju ku omi o limaria fasi pa el; i ka tenba pas pa jinti yanda pa fasi tarbaju pabia di inimigu, pabia N cuci tudu jinti, kada un kontra si kumpañer,

Malakias 4:6

I na torna korson di papes pa fijus, ku korson di fijus pa se papes, pa ka N bin, N bin pui tera bas di maldison ku kastigu.”

Mateus 10:21

“Un ermon na bin ntrega si propi ermon pa i matadu; papes na ntrega se propi fijus; fijus na lanta kontra papes, e na pui pa e matadu.

Mateus 22:7

Rei obi e noba, i paña raiba; i manda si tropas pa e kaba ku ki mataduris, pa kema se prasa.

Mateus 24:10

Na ki tempu manga di jinti na disvia, e na falsia ŋutru, e na nfastia ŋutru.

Bon Noba di Jesus Kristu ku Jon 19:15

Ma elis e grita: “Tiral! Tiral! Krusifikal!” Pilatus punta elis: “N na krusifika bo rei?” Ŝefis di saserdoti ruspundil: “No ka tene utru rei fora di rei garandi.”

1 Tesalonisensis 2:16

E ta misti tujinu konta jintius palabra ku pudi salba elis. Tudu e tempu e na kompletaba midida di se pekadu, ma gosi raiba di Deus kai ja riba delis.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Tiagu 2:13

Kilis ku ka ten miserikordia pa utrus, e na julgadu sin miserikordia. Miserikordia ta ngaña riba di julgamentu.