Zakarias 11:16 - BIBLIA - traduson antigu in Krioulo

¹⁶ Pabia N na lantanda un bakiadur na tera ku ka na toma konta di kilis ku na muri, nin i ka na buska kil ku pirdi, nin pa i kura kil ku molosta, ku fadi pa i bakia kilis ku san; ma i na kume karni di kil ku taka, i rinka si pe.

Zakarias 11:16 ပူးပေါင်းရင်းမြစ်များ

Kumsada 31:38

Ne vinti anu ku N sta ku bo, bu karnelis ku bu kabras, nunka bariga ka sai ku elis. N ka kume karnelis di bu koral.

Kumsada 33:13

Jakó falal: “Ñu sibi kuma e mininus e pikininu inda. N tene karnelis ku bakas ku na mamanta. Si e pudu pa e yanda dipresa, nin si i pa un dia, tudu limarias na muri.

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Jeremias 23:2

Asin ku ami, SIÑOR Deus di Israel, fala bakiaduris ku na bakia ña pobu: Bo pajiga ña karnel, bo pui elis fusi, bo ka toma konta delis. Ami N na pui sintidu pa kastiga bos pa kusas mau ku bo fasi. Asin ku N fala, ami, SIÑOR.

Jeremias 23:22

Si e matiba na kau ku N na papia, e ta puiba pobu obi ña palabras; e ta fasi elis ripindi di se mau kamiñu, ku kusas mau ke ta fasi.

Ezekiel 34:10

Asin ku ami, SIÑOR Deus, N fala: N sta kontra bakiaduris; N na pidi elis konta di ña karnel. N na tira elis na tarbaju di bakia; e ka na bakia mas se kabesa. N na libra ña karnel di se boka, pa ka e sedu mas kumida pa elis.

Ezekiel 34:16

N na buska kil ku pirdi, N na tisi kil ku yanda lunju; kil ku kebra pe, N na ligal; kil ku sta duenti, N na kural, ma kil ki gurdu i forti, N na kaba ku el, pabia ami i bakiadur justu.

Ezekiel 34:21

Bo ta pinca ku rabada ku ombra, bo ta fidi frakus ku cifris tok bo pajiga elis lunju.

Daniel 11:36

“Ki rei di norti na fasi ke ki misti. I na lanta, i na yalsa si kabesa riba di tudu deusis, i na papia kusas fiu kontra ki Deus ku sta riba di deusis. Kusas na kuril diritu, tok tempu di raiba di Deus bin kompleta, pabia kil ku markadu ja i ten ku sedu.

Bon Noba di Jesus Kristu ku Jon 10:1

Jesus fala: “N na konta bos bardadi, kin ku ka yentra na porta na koral di karnel, ma i kamba na utru parti, i ladron, i bandidu.