Titu 3:2 - BIBLIA - traduson antigu in Krioulo

² pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Titu 3:2 ပူးပေါင်းရင်းမြစ်များ

2 Samuel 22:36

Bu ta difindin, bu ta salban; bu mansesa pun pa N sedu garandi.

Salmus 140:11

Omi di lingua mau ka na tene kau sertu pa sinta na tera; mal na pirsigi omi violentu tok i tiradu na con.

Ditus 19:19

Omi ku lestu pa paña raiba i ten ku sufri si kastigu. Si bu libral purmeru bias, bu na pirsisa di fasil mas.

Ditus 25:24

I minjor mora na un kantu di kasa di ki mora na un kasa garandi ku minjer jusiadur.

Ditus 6:19

tustumuña ku ta konta mintidas ku kil ku ta sumia jus na metadi di ermons.

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Mateus 11:29

Bo toma ña kanga pa bos, bo nsina di mi, pabia ami i mansu, umildi di korson; bo ta bin oja diskansu pa bo alma,

Atus 23:5

Paulu fala: “Ermons, N ka sibiba kuma el i ŝef di saserdotis, pabia i sta skritu: ‘Ka bu fala mal di ŝef di bu pobu.’ ”

1 Koríntius 6:10

Ka bo ngana bo kabesa, pabia kilis di mau vida, kilis ku ta adora idulus, kilis ku ta fasi pekadu seksual, kilis ki omoseksual, ladrons, kilis ku risu mon, camiduris, kobaduris di mal ku nturjons, e ka na ten parti na renu di Deus.

1 Koríntius 9:19

Ami i omi libri; N ka sedu katibu di ningin, ma N fasi ña kabesa katibu di tudu jinti pa N ngaña jinti mas ciu ku N pudi.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 12:20

N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 6:1

Ña ermons, si un algin ciga di kai di repenti na un kulpa, abos ku na yanda diritu ku Deus bo dibi di ndirital ku mansesa. Bo jubi pa bo kabesa, pa ka bo bin sedu tentadu tambi.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Efésius 4:31

Bo kaba ku tudu amargura, brabesa, raiba, gritaria, koba, ku tudu koldadi malisia na bo metadi.

Filipensis 4:5

Bo mansesa pa i kunsidu pa tudu jinti. Siñor sta pertu.

1 Tesalonisensis 2:7

Ocanuba ku bos, no sedu di pasensa, suma mame ku na kria si fiju ku mimu.

1 Timótiu 3:11

Minjeris tambi e dibi di sedu retu, ku ka ta papia mal di utru, seriu, fiel na tudu kusa.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

1 Pedru 3:10

I sta skritu: “Kil ku misti ama vida, ku misti oja dia sabi, pa i frianta si lingua di mal, pa ka i papia mintida na si boka,

1 Pedru 3:8

Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

1 Pedru 4:4

Gosi e ta straña kuma ku bo ka ta sta ku elis na ki forti kurida fora di ordi; e ta fala mal kontra bos,

2 Pedru 2:10

Riba di tudu, i na kastiga kilis ku na yanda na susidadi di vontadi di se kurpu, e na njuti otridadi, e sedu kunfiadu, e ta yalsa ombra, e ka medi fala mal di kriaturas ku sta na seu.

Judas 1:10

Ma e jinti e ta tene palabra mau di kusas ke ka ntindi. I ten utru kusas ke ta ntindi suma ku limaria ku ka ta kuda ta ntindi. I e kusas propi ku ta dana elis.

Judas 1:8

Na mesmu manera tambi, e jinti e ta tene suñu ku ta leba elis pa e dana se kurpu ku pekadu; e ta nega fika bas di otridadi; e ta koba anjus di seu.