Titu 3:14 - BIBLIA - traduson antigu in Krioulo

¹⁴ No jinti dibi di buska sibi pui sintidu na bon tarbaju, pa e tene tudu ki pirsis, pa ka e sedu amonton.

Titu 3:14 ပူးပေါင်းရင်းမြစ်များ

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Mateus 21:19

I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan.

Mateus 7:19

Tudu arvuri ku ka na da bon fruta i na kortadu, i botadu na fugu.

Bon Noba di Jesus Kristu ku Jon 15:16

Abos bo ka kujin, ma i ami ku kuji bos, N coma bos pa bo bai, bo padi frutu, pa bo frutu fika ntidu, pa Pape pudi da bos tudu ku bo pidil na ña nomi.

Bon Noba di Jesus Kristu ku Jon 15:8

Ña Pape ta glorifikadu si bo padi frutu ciu. Asin bo ta sedu ña disipulus.

Atus 18:3

Suma ke tenba mesmu tarbaju di kumpu tenda, i fika ku elis, pa e tarbaja juntu.

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

Romanus 12:13

Bo juda krentis ku ten nesesidadi, bo sedu gasijadur di ospri.

Romanus 15:28

Dipus ku N kaba e tarbaju di ntrega elis oferta, N ta sai di la, N pasa pa bos na kamiñu ku N na bai pa Spaña.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

Filipensis 1:11

Ku puder ku Jesus Kristu ta pui dentru di bos, bo ta mostra ki bon manera di sedu ku ta pui jinti glorifika Deus, pa e ngabal.

Filipensis 4:16

Oca ku N staba na Tesalónika, i ka un bias ma dus ku bo mandan ki ajuda ku N pirsisaba.

Filipensis 4:17

I ka kuma N misti son oferta, ma N misti pa Deus buri bos ngañu pa kil ku bo fasi.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

2 Tesalonisensis 3:8

No ka kume na kasa di ningin di grasa, ma no tarbaja ku fadiga; di dia ku di noti no tarbaja, pa ka no sedu kargu pisadu pa nin un di bos.

Titu 2:8

bu ten ku ten bon palabra ku ningin ka pudi kulpau nel, pa kilis ku sta kontra e ta burguñu, pabia e ka ten nin un mal di fala kontra nos.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

2 Pedru 1:8

Si e kusas sta na bos kada bias mas ciu, e ka ta disa bos pa bo sedu amonton, sin da frutu na kuñisimentu di no Siñor Jesus Kristu.