Titu 2:2 - BIBLIA - traduson antigu in Krioulo

² Konsija omis beju pa e sedu seriu, ku bon juisu, ku pudi guberna se kabesa, ku kunsi bardadi, e fia nel, ku ten amor, ku firmesa.

Titu 2:2 ပူးပေါင်းရင်းမြစ်များ

Jo 12:12

Jiresa sta ku jinti di idadi. Kil ku tarda na mundu i ta ten ntindimentu.

Salmus 92:14

Na se bejisa e na padi inda frutu, e na fika forti i fresku,

Ditus 16:31

Kabelu branku i koroa di gloria, si i yangasadu ku vida justu.

Isaias 65:20

“I ka na ten nel mininu ku na muri ku puku dias, nin beju ku ka ciga na si tempu, pabia kil ku muri ku sen anu, el i nobu inda. Algin ku ka yangasa sen anu, jinti na fala i maldisuadu.

Sirmonias 19:32

“Lanta dianti di jinti di kabelu branku, bu rispita algin beju. Bu na ten rispitu pa bu Deus. Ami i SIÑOR.

Markus 5:15

E bai nunde Jesus, e oja ki omi ku teneba multidon di spiritu mau i sinta la bistidu, ku bon juisu. E sinti medu.

Lukas 8:35

Jinti sai pa jubi ke ku ten, e bin pa Jesus, e oja ki omi ku dimonius saiba nel, sintadu lungu di Jesus, bistidu, ku si juisu diritu. E panta.

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

1 Koríntius 15:34

Bo riba pa bon kamiñu; ka bo yanda mas na pekadu. N na fala pa bo borgoña kuma utrus inda ka sibi nada di Deus.

1 Koríntius 9:25

Tudu kil ku ta luta i ta pui disiplina forti na si kurpu pa i pudi ngaña premiu di koroa di floris ku ka ta tarda, ma anos no na luta pa kil ku ka ta dana nunka.

2 Koríntius 5:13

Si no tulu, i pa Deus; si no ten juisu, i pa bos.

Gálatas 5:23

I ka ten lei kontra e kusas.

Filipensis 4:8

Pa kabanta, ña ermons, bo inci bo kabesa ku tudu kusa ki di bardadi, retu, justu, puru, bon, tudu ku pudi amadu, tudu ki di bon fama, tudu ku mersi ngaba; bo pensa ne kusas.

1 Tesalonisensis 5:6

Ka no durmi suma utru jinti; no fika kordadu; ka no cami.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.

1 Timótiu 1:10

kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra bon nsinamentu

1 Timótiu 1:14

No Siñor darma si fabur ciu riba di mi, i dan ki fe ku amor ku sedu di nos na Kristu Jesus.

1 Timótiu 1:2

N misti pa Deus no Pape ku Kristu Jesus no Siñor dau fabur, miserikordia ku pas.

1 Timótiu 1:5

N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

1 Timótiu 3:11

Minjeris tambi e dibi di sedu retu, ku ka ta papia mal di utru, seriu, fiel na tudu kusa.

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 3:4

I dibi di sibi guberna si kasa diritu, pa si fijus obdisil ku tudu rispitu,

1 Timótiu 3:8

Di mesmu manera diákunus dibi di sedu retu; pa ka e ten dus fála, pa ka e bibi biñu ciu, pa ka e faima pa diñeru.

1 Timótiu 5:1

Ka bu papia duru ku omis beju, ma konsija elis suma bu pape. Trata rapasis suma bu ermons.

Titu 1:13

E tustumuñu i bardadi. Pabia des, raprindi elis ku forsa, pa e pudi kunsi bardadi, e fia nel.

Titu 1:8

I dibi di sedu gasijadur, amigu di kil ki bon, ku sibi guberna si kabesa, justu, puru, ku ten ordi na si vida.

Titu 2:7

Abo propi, bu ten ku sedu isemplu na tudu, ku bon tarbaju ku bu na fasi. Na bu nsinamentu bu ten ku sedu seriu, sinseru;

Filemon 1:9

ma N misti pidiu, pabia de amor, mesmu ku N sedu Paulu bejoti, gosi prezu pa amor di Kristu Jesus.

1 Pedru 1:13

Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora ku Jesus Kristu bin.

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

2 Pedru 1:6

Riba di kuñisimentu bo buri puder di manda riba di bo kurpu; riba di manda na bo kurpu bo buri pasensa; riba di pasensa bo buri rispitu pa Deus;