Tiagu 5:16 - BIBLIA - traduson antigu in Krioulo

¹⁶ Asin bo ta konfesa ŋutru bo pekadu, bo ora pa ŋutru, pa bo kuradu. Orason ku un algin justu fasi i ten puder; i ta da bon rusultadu.

Tiagu 5:16 ပူးပေါင်းရင်းမြစ်များ

Kumsada 19:29

Oca ku Deus kaba ku prasas di bulaña, i lembra di Abraon, i tira Lo na metadi di ki danu, oca i na kaba ku ki prasas nunde ku Lo moraba.

Kumsada 20:17

Abraon ora Deus. Deus kura Abimelek ku si minjer, ku si katibus femia, pa e pudi padi fijus,

Kumsada 20:7

Gosi, torna minjer pa si omi, pabia el i anunsiadur di ña palabra. I na roga pa bo pa bu pudi vivi, ma si bu ka tornal, sibi sertu kuma bu na muri, ku tudu kil ku bu tene.”

Kumsada 32:28

Omi falal: “Bu nomi ka na sedu mas Jakó, ma Israel, pabia bu luta ku Deus, tambi ku omis, bu ngaña.”

2 Samuel 19:19

i falal: “Ka Ñu Rei lembra di ña kulpa, nin di mal ku N fasi na ki dia ku Ñu Rei sai di Jerusalen, nin ki kusa pa ka i fika na korson di rei.

1 Reis 13:6

Rei fala omi di Deus: “Ora, bu buska SIÑOR bu Deus, bu roga pa mi, pa ña mon pudi san.” Omi di Deus ora dianti di SIÑOR; mon di rei kuradu, i torna suma ki staba.

2 Kronikas 30:20

SIÑOR obi orason di Ezekias, i purda pobu.

Jo 42:8

Bo toma seti fiju di baka ku seti karnel macu, bo bai pa ña servu Jo, bo pursenta oferta kemadu pa bos. Ña servu Jo na ora pa bos; N na seta si orason, pa N ka trata bos konformi bo tulesa, pabia bo ka fala kusas retu aserka di mi suma ña servu Jo.”

Salmus 34:15

Uju di SIÑOR sta riba di justus; si oreja sta atentu pa obi si e coma.

Saida 17:11

Ora ku Moisés yalsa si mon, Israel ta ngañaba, ma ora ki baŝa si mon, Amalek ta ngañaba.

Saida 9:33

Asin Moisés fika Faraó, i sai na prasa, i distindi si mon pa SIÑOR. Relampagu ku cuba di pedra para; i ka cubi mas.

Ditus 15:29

SIÑOR ta sta lunju di jinti mau, ma i ta obi orason di justu.

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 28:9

Kil ku nega obi lei, si orason i nujenti pa SIÑOR.

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 33:3

Coman, N ta kudiu, N ta kontau kusas garandi, sukundidu, ku bu ka sibi.

Jeremias 42:2

nunde anunsiadur Jeremias, e falal: “No bin pidiu pa bu ten pasensa, bu roga SIÑOR bu Deus pa nos ku sobra, pabia no seduba ciu, ma gosi no sobra puku, suma ku bu na oja.

Numerus 11:2

Pobu grita pa Moisés; kila ora pa SIÑOR; fugu paga.

Mateus 21:22

Tudu kil ku bo pidi na orason, si bo fia, bo na risibil.”

Mateus 3:6

E ta konfesaba se pekadus; Jon ta batisa elis na riu Jordon.

Markus 1:5

Tudu jinti di tera di Judeia ku jinti di prasa di Jerusalen e ta baiba pa Jon, e konfesa se pekadu; i ta batisa elis na riu Jordon.

Lukas 9:6

Disipulus bai, e yanda na tudu tabankas, e konta Bon Noba, e kura jinti na tudu lugar.

Bon Noba di Jesus Kristu ku Jon 9:31

No sibi kuma Deus ka ta obi kilis ku ta fasi mal, ma i ta obi algin ku rispital, ku ta fasi si vontadi.

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Atus 19:18

Manga delis ku seduba ja krentis e ta bin konfesa, e konta dianti di jinti kusas ke fasiba.

Atus 8:24

Simon ruspundi i fala elis: “Bo pidi Siñor pa mi, pa ka nada di kil ku bo fala bin riba di mi.”

Romanus 3:10

suma ki sta skritu: “I ka ten nin un justu, nin un son.

Romanus 5:19

Suma ku disobdiensia di un omi leba manga di jinti pa e torna kulpadu, asin tambi obdiensia di un omi ta leba manga delis pa e torna justu.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

1 Tesalonisensis 5:17

Bo ora sempri.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

1 Tesalonisensis 5:25

Ermons, bo ora tambi pa nos.

Ebreus 11:4

I fe ku pui Abel da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 12:13

Bo kumpu kamiñu diritu pa bo yanda nel, pa pe manku ka kabanta mankusi, ma pa i kuradu.

Ebreus 13:18

Bo ora pa nos, pabia no ten sertesa kuma no ten konsiensia limpu, suma ku no misti fasi sempri kil ki diritu.

Josué 10:12

Na ki dia ku SIÑOR ntrega amoreus na mon di fijus di Israel, Josué fala SIÑOR dianti di israelitas: “Sol, para na Jibeon; abo lua, para na kobon di Aijalon.”

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Jon 3:22

Kualker kusa ku no pidil, no na risibi, pabia no obdisi si mandamentus, no ta fasi kil ki misti.

1 Samuel 1:12

Oca ki kontinua na ora dianti di SIÑOR, Eli nota pa si boka,

1 Samuel 12:17

No sta ja na kebur di trigu, i ka asin? Ma N na coma SIÑOR; i na manda turbada ku cuba. Si bo ojal, bo na rapara kuma bo fasi garandi pekadu dianti di SIÑOR manera ku bo pidil un rei.”

1 Samuel 12:18

Samuel coma SIÑOR; SIÑOR manda turbada ku cuba na ki dia. Tudu pobu sinti garandi medu di SIÑOR ku di Samuel.